Բազմանիշ թվերի գումարումը սյունակով

Դասարան՝ 3^գ

Առարկա՝ Մաթեմատիկա

Դասի տեսակը՝ Համակցված

Դասի թեման՝ Բազմանիշ թվերի գումարումը սյունակով

Դասի նպ. և խնդ.՝ 1. Իմանալ բազմանիշ թվերի գումարումը սյունակով,

2. Ձևավորել բազմանիշ թվերի սյունակով գումարման գործողության հմտություններ և կարողություններ,

2.Ամրապնդել բազմանիշ թվերի գրելը (թվանշաններով և տառերով ) և կարդալը,

3. Ամրապնդել բանավոր և գրավոր հաշվողական հմտություններ,

4.Ամրակայել իմացությունը մեծությունների, դրանց չափման միավորների միջև,

5.Աշակերտների մոտ ստեղծել մոտիվացիա մտավոր և գործնական աշխատանքներ կատարելու համար,

6.Զարգացնել ուշադրությունը, տրամաբանությունը և տրամաբանական մտածողությունը,

7. Զարգացնել գիտելիքներ և կարողություններ խնդիրների և դրանց լուծման վերաբերյալ,

Կիրառվող մեթոդներ՝ ԳՈՒՍ, Մտագրոհ, մեթոդ ,

Դասի կահավորումը՝ Պրոյեկտոր, համակարգիչ, թվեր

Դասի ընթացքը

Խթանման փուլ

Այս փուլում կատարվում է անցած թեմաների, նյութերի իմացության ստուգում. աշակերտները կկարդան բազմանիշ թվերը, կգրեն գրատախտակին և կբնութագրեն, կվերականգնեն հավասարությունները, թվերը կներկայացնեն կարգային գումարելիների գումարի տեսքով, կգտնեն տրված թվի նախորդ և հաջորդ կլոր տասնյակը, կլոր հարյուրյակը և կլոր հազարյակը:

Այնուհետև՝ տեսասահիկով կցուցադրվեն բազմանիշ թվեր, աշակերտներին կառաջադրվեն հարցեր ( ա)ո՞րն է այն վեցանիշ թիվը, որի տասնավորը 3 է, միավորը՝ 7, տասհազարավորը՝ 5, մնացած թվանշանները՝ 4, բ) ո՞րն է այն վեցանիշ թիվը, որի հարյուրավորը 6 է, միավորը՝ 4, տասնավորը՝ 2, տասհազարավորը՝ 5, իսկ մնացած թվանշանները՝ 4), որոնց պատասխանը պետք է գտնեն բազմանիշ թվերի մեջ: Աշակերտները կգտնեն տրված թվերը, կփորձեն գուշակել՝ ինչ գործողություն կարող են կատարել տրված թվերով: Այդպիսով՝ կգուշակեն նոր դասանյութի վերնագիրը:

Տեսասահիկով կցուցադրվի բազմանիշ թվերը գումարումը սյունակով:

Ֆիզդադար

Իմաստի ընկալման փուլ

Այս փուլում կատարվում է դասագրքով աշխատանք. 492, 496 ա, 498 ա, 499 ա առաջադրանքները կկատարվեն գրավոր, իսկ 494, 497 առաջադրանքները՝ բանավոր:

Կշռադատման փուլ

Այս փուլում կկատարվի ամփոփում, աշակերտները ի մի կբերեն իրենց գիտելիքները նոր դասանյութի շուրջ: Գրատախտակին կփակցվեն թվեր, աշակերտներին կառաջադրվի առաջադրանք՝ բոլոր հնարավոր թվերով կազմել ամենամեծ և ամենափոքր բազմանիշ թվերը և գումարել:

Տնային աշխատանք՝ 493 բ, 496 բ, 498 բ, 499բ :