ՏԵՂԵԿԱՏՎԱԿԱՆ ԵՎ ՀԱՂՈՐԴԱԿՑԱԿԱՆ ՏԵԽՆՈԼՈԳԻԱՆԵՐ
Կրթական համակարգի կատարելագործումն անհնար է պատկերացնել առանց ուսուցման մեջ նոր մանկավարժական և տեղեկատվական-հաղորդակցական տեխնոլոգիաների ներդրման, որոնք կոչված են առավել ակտիվորեն նպաստելու սովորողների մտավոր, ստեղծագործական, բարոյական և հուզական զարգացմանը։
Կրթության բնագավառում տեղեկատվական-հաղորդակցական տեխնոլոգիաների շնորհիվ ստեղծվում է ուսումնաճանաչողական մի միջավայր, որը նպաստում է ինչպես անհատական, այնպես էլ խմբային ու զանգվածային ուսուցման տարբեր խնդիրների լուծմանը:
Կրտսեր դպրոցը կրթության այն հիմնաքարն է, որի որակից է կախված երեխայի հետագա ուսուցումը: Սա տարրական դպրոցի ուսուցչի համար հատուկ պատասխանատվություն է սահմանում : Նրա խնդիրն է ոչ միայն կարդալ ու գրել սովորեցնել, այլ նաև երեխայի հոգևոր հիմքը հաստատել, բացահայտել նրա լավագույն որակները , ուսումնական գործունեության ուղիները ցույց տալ: Հենց վերջինն էլ հատկապես կարևոր է այժմյան արագ փոփոխվող, տեղեկատվությամբ հեղեղված աշխարհում: Պետք է սովորեցնել երեխային աշխատել տեղեկատվության հետ, սովորեցնել սովորել : Այսօր դասվարի աշխատանքային գործունեության մեջ ՏՀՏ միջոցների կիրառումը անհրաժեշտություն է դառնում:
Ստորև ներկայացնում եմ համակարգչային տեխնիկայի և փոխներգործուն մեթոդների կիրառմամբ
ԴԱՍԻ ՊԼԱՆ
Դաս` համակարգչային տեխնիկայի և փոխներգործուն մեթոդների կիրառմամբ
Առարկան՝ մաթեմատիկա Դասարանը՝ 4-րդ Դասի թեման՝ Կոտորակ (2-րդ դասաժամ)
Դասի բնույթը՝ անցած նյութի ամրապնդման և նոր նյութի հաղորդման դաս
Դասի նպատակը՝
ամրապնդել «կոտորակ», «համարիչ», «հայտարար» հասկացությունները,
սովորեցնել տրված թվի (անվանական թվի) կոտորակով արտահայտված
մասը գտնելու հաշվեկանոնը,
ձևավորել պարզ խնդիրներ լուծելիս այդ հաշվեկանոնը կիրառելու կարողություններ և հմտություններ,
զարգացնել աշակերտների տրամաբանական և ալգորիթմական մտածողությունը,
խթանել սովորողների ինքնուրույն մտածողությունը, մեծացնել հետաքրքրությունն առարկայի նկատմամբ:
Սովորողի ուսումնական ակնկալիքները՝
Գիտենալ տրված թվի (անվանական թվի) կոտորակով արտահայտված մասը գտնելու հաշվեկանոնը:
Կարողանալ այն կիրառել վարժություններ և պարզ խնդիրներ լուծելիս:
Դասի կահավորումը՝ համակարգիչ, պրոյեկտոր և մեծ էկրան:
Դասի ընթացքը.
Անցած նյութի ամրապնդում (մտքի մարզանք)
Նոր նյութի հաղորդում
Առաջադրանքների կատարում
Դասի ամփոփում և գնահատում
Տնային աշխատանքի հանձնարարում
Դասի ընթացքի նկարագրությունը
1. ՄՏՔԻ ՄԱՐԶԱՆՔ
(2-րդ և 4-րդ սլայդներ)
Մտածողությունն ու հիշողությունը ակտիվացնելու, մտապահված տեղեկույթը վերարատադրելու, պատճառահետևանքային կապերը բացահայտելու նպատակով՝ անցկացնում եմ բանավոր հարցում.
Շարունակե՛ք.
Այն թվերը, որոնք օգտագործում ենք առարկաներ հաշվելու համար, անվանում են …….
տեսքի թվերն անվանում են …….
Անվանե՛ք.
Պատկերի ո՞ր մասն է գունավորած.
2. ՆՈՐ ՆՅՈՒԹԻ ՀԱՂՈՐԴՈՒՄ
(5-8-րդ սլայդներ)
Նոր նյութի հաղորդումն ուղեկցվում է սլայդների ցուցադրումով:
5-րդ սլայդում ցուցադրում եմ տրված թվի (անվանական թվի) կոտորակով արտահայտված մասը գտնելու հաշվեկանոնի բացատրությունը:
6-8-րդ սլայդներում, հաշվեկանոնի կիրառումն արմատավորելու նպատակով, ցուցադրում եմ պարզագույն խնդիրներ, որոնք աշակերտները լուծում են բանավոր.
Հաշվե՛ք 6 սմ կողմով քառակուսու մասի մակերեսը:
1 արկղ խնձորը 15 կգ է: Հաշվե՛ք այդ խնձորի մասի զանգվածը:
2-4 տարեկան երեխայի առողջ քունը կազմում է օրվա տևողության մասը: Քանի՞ ժամ պետք է քնի այդ տարիքի երեխան օրվա ընթացքում:
3. ԱՌԱՋԱԴՐԱՆՔՆԵՐԻ ԿԱՏԱՐՈՒՄ
(9-14-րդ սլայդներ)
Նախապես կամ խնդիրների լուծման ժամանակ դասարանը բաժանում եմ խմբերի:
Էկրանին հերթով ցուցադրում եմ առաջադրանքները, իսկ խմբերին բաժանում եմ առաջադրանքների թերթիկները: Լուծման համար խմբերին ժամանակ եմ տալիս: Այնուհետև խմբերը փոխանակում են իրենց լուծումների թերթիկները, որից հետո դրանք համեմատում էկրանին ցուցադրվող լուծումների հետ: Այսպիսով իրականացնում եմ ստուգումը: Առաջադրանքները հետևյալն են.
Առաջադրանք 1. (10-րդ սլայդ)
Առաջադրանք 2. (11-րդ սլայդ)
Խնդիր 1. (12-րդ սլայդ)
Խնդիր 4. (13-րդ սլայդ)
Խնդիր 3. (15-րդ սլայդ)
4. ԴԱՍԻ ԱՄՓՈՓՈՒՄ ԵՎ ԳՆԱՀԱՏՈՒՄ
Կատարում եմ անդրադարձ, ամփոփում դասը:
Անցնում եմ գնահատմանը: Գնահատելիս հաշվի եմ առնում թե ով է ավելի լավ ընկալել նոր նյութը, ցուցաբերել ակտիվ մասնակցություն:
Դասամատյանում գնահատում եմ 5-6 աշակերտի:
5. ՏՆԱՅԻՆ ԱՇԽԱՏԱՆՔԻ ՀԱՆՁՆԱՐԱՐՈՒՄ
(15-րդ սլայդ)
ԴԱՍ 101-102. Կատարել № 926, 927 գ, 928 ա առաջադրանքները:
Գրականություն.
Սոկրատ Մկրտչյան, Արամ Աբրահամյան, Սուրեն Իսկանդարյան «ՄԱԹԵՄԱՏԻԿԱ 4», «Զանգակ» հրատարակչություն, ԵՐԵՎԱՆ 2013
Սոկրատ Մկրտչյան, Արամ Աբրահամյան, Սուրեն Իսկանդարյան «Մաթեմատիկա. ուսուցչի ձեռնարկ՝ 2-4-րդ դասարաններ», «Զանգակ» հրատարակչություն, ԵՐԵՎԱՆ 2013
Մաթեմատիկա: Հանրակրթական հիմնական դպրոցի առարկայական չափորոշիչ և ծրագիր: