Башкортостан байлыҡтары .Һорау һөйләм.5 класс

Тема: Башҡортостан байлыҡтары. Һорау һөйләмдәр.

Маҡсат:

1. Башҡортостан Республикаһында булған байлыҡтар менән таныштырыу.

2. “Һорау һөйләмдәр” темаһын ҡабатлау.

3. Телмәрҙә һорау һөләмдәрен ҡулланыуҙы камиллаштырыу, диалог телмәрен үҫтереү.

4. Тыуған илгә ҡарата һөйөү, ғорурланыу тойғоларын тәрбиәләү.

Дәрестең эпиграфы:

Тыуған ер яҡын,

Тыуған ил-алтын. (Мәҡәл)

Йыһазландырыу: Башҡортостан картаһы, һүрәттәр, плакаттар.

Актив үҙләштереү өсөн һүҙҙәр: нигеҙ, майҙан, тау теҙмәһе, файҙалы ҡаҙылма, байлыҡ.

Дәрес барышы

1. Ойоштороу моменты.

2. Артикуляцион күнегеү.

Башҡортостан-һин бит беҙҙең

Тыуған-үҫкән илебеҙ.

Беҙгә икмәк,өй биргән,

Һыуын эскән еребеҙ.

3. Өй эшен тикшереү.

4. Инеш әңгәмә.(һорау-яуап)

-Давайте, попробуем ответить на несколько вопросов.

- Беҙ ҡайҙа йәшәйбеҙ?(Беҙ Башҡортотсан Республикаһында йәшәйбеҙ)

-Башҡортостан Республикаһы тураһында һеҙ нимәләр беләһегеҙ?(Беҙҙең Республикабыҙ бик матур, бай һәм тыныс).

-Дөрөҫ, беҙҙең Башҡортостаныбыҙ бик матур.Ә нимә менән матур ул?(Тәбиғәте, хайуандар донъяһы, йәмле һәм төҙөк ҡалалары, ауылдары менән, файҙалы ҡаҙылмалары, шифалы сығанаҡтары менән бөтә донъяға дан тота беҙҙең Республикабыҙ.)

-Афарин!Тыуған илебеҙ тураһында һеҙ бик күп беләһегеҙ икән. Шулай булырға тейеш тә инде, сөнки был һәр кемдең бурысы!

5. Һүҙлек менән эш. Яңы һүҙҙәрҙе һүҙлеккә яҙыу.Тәржемә итеү.

Ял минуты.

6.Дәреслек менән эш.

232-се күнегеү телдән эшләнә, 95-се бит.

233-сө күнегеү,95-се бит. Башҡортостан йылғаларын, күлдәрен картанан күрһәтеү.

236-сы күнегеүҙе башҡарыр өсөн шуларҙы күҙ уңында тоторға кәрәк.Һорау һөйләмдәр менән эш. Бер парта алдында ултырған уҡысылар башҡара(береһе һорау бирә, икенсеһе - яуап)

237-се күнегеү.Ролләп уҡыу.

7.Йомғаҡлау. Башҡортостан тураһында алған белемдәрҙе йомғаҡлау.

8.Баһалау.

9.Өйгә эш : 97-се бит, 238-се күнегеү.

Дәресте С.Юлаевтың шиғыры менән тамамлау.