ԱՇԽԱՏԱՆՔ ՏԵՔՍՏԻ ՇՈՒՐՋ
I փուլ. Աշխատանք տեքստի շուրջ մինչև ընթերցումը
Կանխագուշակում. ընթերցվող նյութի բովանդակության կռահում, երբ որոշվում են տեքստի բովանդակային, թեմատիկ, հուզական ուղղվածությունը, գործող անձինք՝ ըստ վերնագրի, հեղինակի անունը, տեքստի նկարազարդման վերաբերյալ ենթադրությունները:
Տեքստի շուրջ տարվող աշխատանքների տեսակները մինչ ընթերցումը
Նախապատրաստական զրույց՝տեքստի բովանդակության, հեղինակի կենսագրության, պատմական իրադարձությունների, կյանքից վերցված դեպքերից և այլն:
Աշխատանք վերնագրի շուրջ (կանխագուշակում)
Աշխատանք նկարազարդման շուրջ
Աշխատանք դժվարընթեռնելի բառերի շուրջ,
Աշխատանք անհասկանալի բառերի և արտահայտությունների շուրջ
II փուլ: Աշխատանք տեքստի շուրջ կարդալու ընթացքում:
Տեքստի սկզբնական ընթերցում: Պայմանավորված տեքստի առանձնահատկություններով, աշակերտների տարիքային և անհատական հնարավորություններով՝ գործադրելի են կարդալու տարբեր ձևեր՝ ինքնուրույն լուռ ընթերցանություն, ընթերցանություն-ունկնդրում կամ համակցված ընթերցանություն (ուսուցչի հայեցողությամբ): Սկզբնական ընկալման որոշում՝ զրույցի, առաջին տպավորությունների ճշտգրտման միջոցով: Ընթերցած տեքստի բովանդակության և աշակերտների նախնական կանխագուշակումների, հուզական տպավորությունների համապատասխանության բացահայտում:
Տեքստի դանդաղ, խորհելով վերընթերցում (ամբողջական կամ հատվածաբար): Տեքստի վերլուծություն (հնարներ՝ զրույց հեղինակի հետ, մեկնողական ընթերցանություն, զրույց կարդացածի շուրջ, հենակետային բառերի առանձնացում և այլն): Բովանդակային իմաստով ամբողջություն ներկայացնող հատվածների վերաբերյալ կոնկրետացնող հարցերի առաջադրում:
Զրույց տեքստի ամբողջական բովանդակության շուրջ: Կարդացածի ամփոփում: Ամփոփիչ բնույթի հարցերի առաջադրում՝ անհրաժեշտության դեպքում հիմնավորելու նպատակով հղումներ կատարելով առանձին հատվածների: Արտահայտիչ ընթերցանություն:
Տեքստի շուրջ տարվող աշխատանքներն ընթերցման ընթացքում
Լուռ ընթերցանություն,
Շարունակելով ընթերցանություն՝ փոքր հատվածներով,
Ընթերցանություն,հարց ու պատասխան բովանդակության շուրջ,
Բարձրաձայն ընթերցանություն՝ նորածանոթ բառերի առանձնացումով,
Բարձրաձայն ընթերցանություն դադարներով՝արտահայտչական միջոցների ընդգծումով (արտահայտիչ ընթերցանության մշակման նպատակով)
Ընթերցանություն՝ տրամաբանական շեշտ ունեցող բառերի առանձնացմամբ,
Այն բառերի, արտահայտությունների որոնում, որոնք պետք է ընթերցել բարձր, ցածր, արագ, դանդաղ ձևերով
Ընթերցանություն՝ հնչերանգով արտահայտելով կետադրական նշանները,
Ուսուցչի կամ աշակերտի ամբողջական ընթերցումից հետո տեքստի վերաբերյալ դատողությունների արտահայտում,
Կարդացածի և նկարազարդման միջև կապերի վերհանում:
III փուլ: Աշխատանք տեքստի շուրջ կարդալուց հետո:
Զրույց տեքստի բովանդակության շուրջ: Կարդացածի քննարկում, բանավեճ: նյութի բովանդակության վերարտադրման տարբերությունների (մեկնություններ, գնագատականներ) համադրում հեղինակի դիրքորոշման հետ: Տեքստի հիմնական գաղափարի վերհանում և ձևակերպում:
Ծանոթություն հեղինակի հետ: Զրույց հեղինակի անձի և նրա ստեղծագործությունների մասին:
Աշխատանք վերնագրի և նկարազարդման շուրջ: Վերնագրի իմաստի քննարկում: Տեքստի բովանդակության վերաբերյալ նկարների ցուցադրություն:
Ստեղծագործական առաջադրանքներ: Բազմաբնույթ աշխատանքներ՝ աշակերտների ընթերցողական գործունեության տարբեր ոլորտների կապակցությամբ (հուզական, երևակայական, բովանդակության ընկալման, գեղարվեստական և այլն):
Տեքստի շուրջ տարվող աշխատանքներն ընթերցումից հետո
Ընթերցում, մասերի բաժանում, պլանի կազմում,
Ընթերցում՝ պլանի հարցերի համապատասխան,
Նկարազարդմանը համապատասխան հատվածի ընթերցում,
Ընտրովի ընթերցանություն. Կարդալ այն հատվածը, որը վերաբերում է տրված հարցին,
Կարդալ տեքստի ամենագեղեցիկ հատվածը և հիմնավորել,
Տրված նախադասության սկզբին համապատասխան նախադասությունը գտնել և ընթերցել,
Ընթերցել այն հատվածը, որին համապատասխան առած կամ ասացվածք կարելի է հիշել,
Հեքիաթների ընթերցման ժամանակ առանձնացնել իրական և երևակայական հատվածները,
Ընթերցել և որոշել այն նախադասությունը, որը դարձել է ասացվածք (առակի դեպքում)
Կարդալ, ստեղծել նկարաշար,
Դերերով ընթերցանություն,
Ընթերցել, բովանդակությունը վերարտադրելիս օգտագործել ժեստեր, դիմախաղ (բեմականացման էլեմենտներ)
Ըստ պլանի վերարտադրել բովանդակությունը (բառային, նկարներով, մեջբերումներով, համառոտ և այլն),
Ընթերցել, որոշել այն հատվածները, որոնք կարող են կարդալ այս դիմակները
Ընթերցել այն հատվածները, որոնք կարելի է կարդալ խիստ, արհամարանքով, խնդրանքով, հիասթափությամբ, բարկացկոտ, ծաղրելով, ուրախ, տխուր
Բանաստեղծության արտասանություն՝ մրցութային կարգով,
Կարդացածից պատկերավոր բառերի ուարտահայտությունների առանձնացում,
Ընթերցած տեքստից առանձնացնել այն հատվածները, որոնց միջոցով կարելի է հերոսի բանավոր նկարագրություն կազմել.
Գրատախտակին գրված բառերի իմաստներին համապատասխան հոմանիշ /հականիշ բառերը գտնել տեքստում,
Տեքստից առանձնացնել այն բառերն ու արտահայտությունները, որոնց միջոցով կարելի է փոխադրություն կամ շարադրություն գրել,
Կարդալ և հերոսներին բնութագրող բառերն ու արտահայտությունները դուրս գրել,
Կարդալու միջոցով վեր հանել նկարագրված դեպքերի պատճառահետևանքային կապերը,
Կարդալ, առանձնացնել այն հատվածները, որոնք անհրաժեշտ են եզրահանգումների համար: