Ачык сабак 9-класс физика

К.Акназаров атындагы жалпы орто билим берүүчү мектеби.

Тема:

Термелүү контуру. Электр-магниттик толкундарды нурлантуу. Герц тажрыйбасы.

Мугалим: К.А.Сатылганова.

Сабактын темасы: Термелүү контуру.Электр-магниттик

толкундарды нурлантуу. Герц тажрыйбасы.

Сабактын максаты: А) Билим берүүчүлүк:

• Окуучулар термелүү контуру эмне экендигин билишет. Электр-магниттик толкундарды нурлантууну түшүнүшөт жана Герц тажрыйбасынын маанисин түшүнүшөт.

Б) Өнүктүрүүчүлүк:

• Окуучулар таанып билүү жөндөмдүүлүктөрүн өнүктүрүшөт.

• Өз ойлорун илимий тилде баяндап берүүгө машыгышат.

В)Тарбия берүүчүлүк:

• Бири-бирин сыйлоого жана урматтоого, берилген тапшырмадан жыйынтык чыгарууга тарбияланышат.

Сабактын жүрүшү: 1. Уюштуруу.

2. Үй тапшырма суроо.

3. Жаңы тема.

Сабактын тиби: Көргөзмөлүү

Сабактын методу: Интерактивдүү

Сабактын жабдылышы: Окуу куралы, гальвонометр, ачкыч,

конденсатор, математикалык

маятник, өткөргүч зымдар, слайд,

бор, катушка ж.б.

Сабакты бышыктоочу суроолор.

1. Термелүү контуру деген эмне?

2. Конденсатор деген эмне?

3. Индуктивдүүлүк катушка деген эмне?

4. Термелүү контуру электр-магниттик толкун чыгарабы?

5. Герц тажрыйбада эмнени далилдеген?

6. Тажрыйбаны айтып бер?

7. Радиону ким ойлоп тапкан ?

8. Ачык термелүү контуру деген эмне?

Үй тапшырма : Өтүлгөн тема боюнча түшүнүк айтуу жана темага ылайык маселе иштеп келүү

Баалоо. Топтук, жекече жана калыптандыруучу.

КТИ нин жүрүшү.

Сахнада Архимед, Ньютон, Галилей отурат

7-класс окуучулары “Түнкү жылдыздар” аттуу бий менен кечени ачат.

Кеченин аталышын жазышат.

Алып баруучу: Саламатсыздарбы урматтуу коноктор жана менин сүйүктүү окуучуларым. Баарыңыздарды бүгүнкү кечеге кош келипсиздер демекчимин.

Эмесе аты айтып тургандай эле бүгүнку “Түнкү жылдыздар” аттуу кечебизди баштап алууга уруксат этиниздер.

Физикалык ырлардан көркөм окуу.

Азыр сиздердин алдыныздарга мен шандуу кол чабуулардын коштоосунда “Жетиген” жана “Үркөр” деп аталган эки команданы чакырып алсам.

Конкурстун шартына ылайык алгач кара кылды как жарган калыстар тобу менен таанышып алсак.

Калыстар тобунун төрагасы:

Мүчөлөрү: 1

2

3

Эсептөө комиссиясы:

Баштаныз шашпаныз оюнун ойнолот.

Мен сиздерди мелдештин жүрүшү менен тааныштырып өтөйүн.

1. Саламдашуу (атын коргоо)

2. Астраномиялык суроолор.

3. Ар кандай категориядагы суроолор.

4. Музыкалык пауза (1-класс Күн балдары)

5. Домина оюну.

6. Финалдык оюн.

7. Жыйынтыктоо

Командаларга орундарын ыйгаруу.

Жалпы командалар обондуу ыр. “ФИЗИКА”