4 нче сыйныфта "Сыйфат" темасына татар теле дәресе

Тема

Сыйфат .

Максат

1. – яңа сүз төркемен ачу, аның төп грамматик билгеләрен ачыклау, билгеләмәне формалаштыру.

2. – телдән һәм язма сөйләмдә сыйфатларны табу күнекмәсен үстерүгә шартлар тудыру;

3. – укучыларның иҗади фикерләү сәләтен, үз-үзеңә бәя бирү мөмкинлекләрен үстерүгә шартлар тудыру;

4. – аралашу һәм коллективта хезмәттәшлек итү күнекмәләрен формалаштыру.

Планлаштырылган нәтиҗә

Предмет буенча белем, күнекмәләр

Универсаль уку күнекмәләре

Предмет буенча:

- нәрсә ул сыйфат икәнен белү;
- сыйфатларга сораулар куя белү;

- текстан сыйфатларны таба белү;
- башка сүз төркемнәреннән сыйфатларны аера белү;

- текст белән эшли белү.

Регулятив:
- уку мәсьәләсен кабул итү һәм дәрес дәвамында шуның буенча эшләү;

- куелган мәсьәлә нигезендә үз эшчәнлегеңне планлаштыру.
Танып белү:
- куелган мәсьәләне чишүдә алгоритмны куллана белү;
- язма һәм телдән сөйләмдә үз фикерләренңе формалаштыра белү;

- өлешләрдән бербөтенне төзи белү;
- гомумиләштерү.
Коммуникатив:
- сөйләмнең диалогик формасы белән эш итә белү;
- хезмәттәшлектә башкаларның фикерләрен исәптә тоту һәм карашыңны яклый белү;
- үз фикереңне һәм карашыңны формалаштыру;
- бердәм эшчәнлектә уртак нәтиҗәгә килү.

Төп төшенчәләр

Сыйфат , нинди? кайсы? сораулары, исемне ачыклый

Оештыру

Предметара бәйләнеш

Эш формалары

Ресурслар

әдәбият, рус теле,

әйләнә-тирәне өйрәнү

Индивидуаль,

Фронталь,

Төркемнәрдә эш,

Парлап эшләү.

Дәреслек

Интерактив такта

Презентация

Тарату материалы

Оештыру моменты ( мотивлаштыру этабы)

• Исәнмесез укучылар! (слайд 1)

• Исәнмесез!

• Кәефегез ничек?

• Бик яхшы!

• Рәхмәт, утырыгыз.

• Бүген татар теле дәресен сездә мин алып барачакмын.Минем исемем-Гизатулина Зөлфия Рашидовна

Актуальләштерү

-Укучылар алдагы дәресләрне сез нинди сүз төркемен өйрәндегез?

Фигыльне. (слайд 2)

• Мин сезгә сүзләр тезмәсен тәкъдим итәм. Сез шулар арасыннан фигыльләрне табып асларына сызып чыгыгз әле. Санагыз. ничә фигыль булыр

• Барды, кызыл, язгы, укырга, усал, яратачак, тәмле, тозлы, йоклый, хат яза, чишәр,түгәрәк, ашамас, кечкенә, буранлы.

• Укучылар саныйлар. 7 фигыль

• Ә калган сүзләр сезгә танышмы? Нинди сүзләр алар?

• Сыйфат. Әйе, сез аны алдагы сыйныфларда өйрәнеп үткән идегез.

Яңа темага чыгу, уку мәсьәләсен чишү этабы

Мөстәкыйль эш

Ныгыту. Рефлексия

Йомгаклау, нәтиҗә ясау Билге кую

Өй эше бирү

( санамыш әйтәм, саныйм)

-- Син – ак куян, -- Мин – күк куян,

Йомшак куян, Йөгерек куян;

Әбәк, әбәк! Әбәк, әбәк!

Син кач, куян! Син тот, куян!

-- Санамыш нәрсә турында? ( куян )

-- Нинди куян турында? ( ак, йомшак, күк, йөгерек )

-алар нинди сорауга җавап бирәләр?

Димәк бүген безнең дәрес темасы ничек булачак?(слайд 3)

Сыйфат. Искә төширик әле. Сыйфат предметның нәрсәсен белдерә?

Билгесен. Сыйфатның сораулары?

Нинди? кайсы? (слайд 4)

Димәк нинди сүзләр сыйфат дип атала?

Предметның билгесен белдереп нинди? кайсы сорауларына җавап биргән сүзләр сыйфат дип атала.

Сыйфат предметның нинди билгеләрен белдерә соң?

Төсне: ак, кара, яшел........................................................

Тәмне: тозлы, тәмле, татлы

Форманы: зур, кечкенә, озын.....................................

Холыкны ( характерны).............................................

Вакытны җәйге, язгы..................................................

Табигать күренешләрен язгы, җилле, буранлы..................

(слайд 5)

Укучылар сүзләргә өстәп сүзләр әйтәләр.

Ә хәзер төркемнәрдә эшләп алабыз. Слайдтагы корзиннарга предметлар куелган. (слайд 6)

1 нче рәсемдә нәрсәләр ята?

Җиләк – җимешләр

2 нче рәсемдә нәрсәләр ята?

Яшелчәләр

3 нче рәсемдә нәрсәләр ята?

Хайваннар уенчыклары

СИМАЛТИНИУС РАУНД ТЭЙБЛ. 

Һ әр команда корзинда яткан предметларга хас сыйфатларны кәгазьгә яза. Язган укучы кэгазьне куршесенэ бирэ. Киңәшләшеп эшлибез. Бу эшкә 4 минут вакыт бирәм .Башладык.

Вакыт чыккач һәр команда сыйфатларны укый.

Ә хәзер 1 нче команда сыйфатлар арасыннан 3 төсне белдергән сүзне әйтә-кайсы командада кызлар күбрәк,шул команда беренче җавап бирә, 2 нче команда тәмне белдергән 3 сүзне билгели -, 3 нче команда холыкны белдергән 3 сүзне билгели.

Микс Фриз Груп структурасын кулланып ял минуты үткәрү(слайд7)

Ә хәзер дәреслекләр белән эшлибез

Бер күнегү башкарып алабыз. 3 бит 2 нче күнегү. Сыйфатларны үзләре ачыклап килгән исемнәр белән язарга

Ә хәзер серле капчык уенын уйнап алабыз. Капчык эчендә төрле предметлар ята. Аның сыйфатына карап сез аның нәрсә икәнен белергә тиеш. (слайд 8,9)

Ул сары тышлы, ачы, күзгә керсә яшь чыга. ( Суган)

Ул кызылсары төстә, озынча, аны куян ярата ( Кишер)

Ул яшел төстә, кытыршы, озынча ( Кыяр)

Ул куе кызыл төстә, койрыклы, аны винегреттка салалар ( Чөгендер)

Ул катлы- катлы, ак төстә, түгәрәк ( Кәбестә)

(слайд 10)

Димәк укучылар сыйфатлар безгә ни өчен кирәк соң?

Җәмләләрне матурлау өчен. Сыйфатның иң яраткан сүз төркеме........??????.......... Әйе, ул күпчелек исемне ачыклап килә.

(слайд 11)

Дәрестә үткәннәрне тагын бер тапкыр системага салыйк әле.

Сыйфат

Мөстәкыйль сүз төркеме, ярдәмче сүз төркеме

Предметның , эш- хәрәкәтен, билгесен белдерә

Кем? Нәрсә? Нишли? Нинди? Кайсы? сорауларына җавап бирә.

Фигыльне, исемне ачыклап килә.( Дөрес түгелләре алына)

(слайд 12)

Укучылар бүген сезгә дәрестә бигрәк тә нәрсә ошады?

Нәрсә аңлашылмады?

Укучылар сез үзегезгә билге куегыз.Дәфтәрегез читенә смайликлар ясагыз. Кемнәр үзен мин бүген 5 легә эшләдем дип уйлый? Кемнәр 4 легә эшләдем дип уйлый.? Бүген 3 ле алучылар юктыр да инде. Молодцы. Барыгыз да яхшы эшләдегез.

Өй эше: (слайд 13)

1. 4 бит, 4нче күнегү. Җөмләләргә сыйфатлар өстәп язарга

2. 1. Сыйфатлар кулланып әти – әниегез турында кечкенә хикәя языгыз (4-5 җөмлә) (слайд 14)