1эдэбныгъэ зыхэлъ ц1ыф. Сыд ащ къик1ырэр? Гущы1алъэм къызэритырэмк1э «воспитанный», «отличающий хорошим воспитанием, умеющим себя хорошо вести».
Охътэ зэфэшъхьафхэм 1эдэбныгъэ гущы1эм еплъык1э зэфэшъхьафхэр фыря1агъ.
Сэ, къызэрэсш1орэмк1э, 1эдэбныгъэ зыхэлъ зыфыр зыми дэеу дэзек1ощтэп, ипый ц1ыфыр арыми. Ар сыдигъок1и шъхьэк1эфэныгъэ ык1и гук1эгъуныгъэ зэк1эмэ афеш1ы. Ащ фэдэ ц1ыфым гущы1э 1аек1э зыми ыгу хигъэк1ыщтэп, 1офш1энк1и иягъэ ригъэк1ыщтэп. Ц1ыф гъэсагъэм гущы1э 1ае ыжэ къыдэзыщтэп, мыхъун гущы1э ц1ыфмэ апашъхьэ къыщи1ощтэп.
Ц1ыфым 1эдэбныгъэ хэлъэу плъытэщт бзылъфыгъэм пчъэр къыфи1ухмэ, хъулъфыгъэм апэу сэлам бзылъфыгъэм рихмэ. Чылэр пштэмэ, 1эдэб зыхэлъ ц1ыфэу алъытэрэр сэлам зэк1эми языхырэр ары , а зэриххэрэр еш1эми емыш1эми . 1эдэбныгъэ пхэлъэу 1анэм у1усыми , ц1ыф гъэсагъэк1э уалъытэ.
Ц1ыфым шэнэу хэлъым уеплъымэ къэош1э унагъом зэрэщап1угъэ ш1ык1эр, уасэу ц1ыфмэ афыри1эр. 1эдэбныгъ ы1омэ къик1ырэр - шэн-хэбзэ дах, зек1ок1э дах, гъэсагъэ, ц1ыфыш1у, гук1эгъу, шъхьэк1эфагъ.
1эдэбныгъэ зыхэлъ ц1ыфым лъытэныгъэ зэк1эми афиш1ыщт. Ц1ыф гъэсагъэу, 1эдэб зыхэлъым ежь ышъхьи елъытэжьы, адрэхэми лъытэныгъэ афеш1ы. Гъогу дэгъу урык1он плъэк1ыщтэп ощ фэшъхьф ц1ыфхэм лъытэныгъэ афэмыш1эу, мыхъун пш1эу дунаим утетмэ.
Типисательхэм шэн-хэбзэ дахэхэр къыра1отык1эу, къагъэлъагъоу произведениябэ атхыгъ. Гущы1эм пае, К1эрэщэ Тембот ипрозведениехэм бэ ащ фэдэу къахэбгъэщын плъэк1ыщтыр. «Шапсыгъэ пшъашъ» зыфи1орэр пштэмэ, сыд фэдэу Гулэз 1эдэб хэлъэу , гъэсагъэу, 1эпэ-1асэу, 1ушэу, гулъытэ чан и1эу къыгъэлъагъора ! Ащ фэдэу бэ щысэу къэпхьын плъэк1ыщтыр.
Бэ 1эдэбныгъэ зыхэлъ ц1ыфым ыгъэцэк1эн, зэш1уихын фаер. Ау ахэр къины къыпщыхъущтэп уиц1ык1угъэ щегъэжьагъэу 1эдэб пхэлъэу уагъэсагъэмэ. Адыгэмэ а1о «Уц1ыфыныр къины, умыц1ыфыныр 1эш1эх».
Просмотр содержимого документа
«1эдэбныгъэм сыда къик1ырэр.»
1эдэбныгъэ зыхэлъ ц1ыф. Сыд ащ къик1ырэр? Гущы1алъэм къызэритырэмк1э «воспитанный», «отличающий хорошим воспитанием, умеющим себя хорошо вести».
Охътэ зэфэшъхьафхэм 1эдэбныгъэ гущы1эм еплъык1э зэфэшъхьафхэр фыря1агъ.
Сэ, къызэрэсш1орэмк1э, 1эдэбныгъэ зыхэлъ зыфыр зыми дэеу дэзек1ощтэп, ипый ц1ыфыр арыми. Ар сыдигъок1и шъхьэк1эфэныгъэ ык1и гук1эгъуныгъэ зэк1эмэ афеш1ы. Ащ фэдэ ц1ыфым гущы1э 1аек1э зыми ыгу хигъэк1ыщтэп, 1офш1энк1и иягъэ ригъэк1ыщтэп. Ц1ыф гъэсагъэм гущы1э 1ае ыжэ къыдэзыщтэп, мыхъун гущы1э ц1ыфмэ апашъхьэ къыщи1ощтэп.
Ц1ыфым 1эдэбныгъэ хэлъэу плъытэщт бзылъфыгъэм пчъэр къыфи1ухмэ, хъулъфыгъэм апэу сэлам бзылъфыгъэм рихмэ. Чылэр пштэмэ, 1эдэб зыхэлъ ц1ыфэу алъытэрэр сэлам зэк1эми языхырэр ары , а зэриххэрэр еш1эми емыш1эми . 1эдэбныгъэ пхэлъэу 1анэм у1усыми , ц1ыф гъэсагъэк1э уалъытэ.
Ц1ыфым шэнэу хэлъым уеплъымэ къэош1э унагъом зэрэщап1угъэ ш1ык1эр, уасэу ц1ыфмэ афыри1эр. 1эдэбныгъ ы1омэ къик1ырэр - шэн-хэбзэ дах, зек1ок1э дах, гъэсагъэ, ц1ыфыш1у, гук1эгъу, шъхьэк1эфагъ.
1эдэбныгъэ зыхэлъ ц1ыфым лъытэныгъэ зэк1эми афиш1ыщт. Ц1ыф гъэсагъэу, 1эдэб зыхэлъым ежь ышъхьи елъытэжьы, адрэхэми лъытэныгъэ афеш1ы. Гъогу дэгъу урык1он плъэк1ыщтэп ощ фэшъхьф ц1ыфхэм лъытэныгъэ афэмыш1эу, мыхъун пш1эу дунаим утетмэ.
Типисательхэм шэн-хэбзэ дахэхэр къыра1отык1эу, къагъэлъагъоу произведениябэ атхыгъ. Гущы1эм пае, К1эрэщэ Тембот ипрозведениехэм бэ ащ фэдэу къахэбгъэщын плъэк1ыщтыр. «Шапсыгъэ пшъашъ» зыфи1орэр пштэмэ, сыд фэдэу Гулэз 1эдэб хэлъэу , гъэсагъэу, 1эпэ-1асэу, 1ушэу, гулъытэ чан и1эу къыгъэлъагъора ! Ащ фэдэу бэ щысэу къэпхьын плъэк1ыщтыр.
Бэ 1эдэбныгъэ зыхэлъ ц1ыфым ыгъэцэк1эн, зэш1уихын фаер. Ау ахэр къины къыпщыхъущтэп уиц1ык1угъэ щегъэжьагъэу 1эдэб пхэлъэу уагъэсагъэмэ. Адыгэмэ а1о «Уц1ыфыныр къины, умыц1ыфыныр 1эш1эх».