Кош тилдүүлүк же көп тилдүүлүккү ээ болуу

Ар бир мамлекет үчүн жана анын жарандары үчүн кош тилдүүлүк же көп тилдүүлүккө ээ болуу бүгүнкү жашообузда актууалдуу маселе. Анткени, азыркы ааламдашуу мейкинидигинде мамлекеттин ар бир жаранынын өзүнүн эне тилинен сырткары, бир же андан ашуун чет тилдерин билүүсү ишке ашырылып келет. А бирок ошол тилдерди жеткиликтүү деңгээлде өздөштүрүү жагы бул өзгөчө маселе экендиги баарыбызга маалым. Мисалы мамлекеттик тилди, атап айтканда. кыргыз тилин окутуу жана расмий тил болгон орус тилин окутуу жаатында сөз кылганда бир канча олуттуу көйгөйлөрдүн тизмеги келип чыгат. Ал эми мамлекет тарабынан аталган тилдерди окутуп, үйрөтүүгө жыл сайын атайын акча каражаттары бөлүнүп, алардын кантип, кайда жумшалып жаткандыгы тууралуу ар кандай кайчы пикирлер да коомчулукта кеңири талкууланып келет. Ошондой эле чет тилин үйрөтөтүү маселесинде жана анын айланасында көптөгөн макалалар жазылып, талкуулар да болуп тураару баарыбызга белгилүү.