Урокан ц1е: Дешхьалхе а, дешт1аьхье а. (т1еч1аг1дар)

Урокан ц1е: Дешхьалхе а, дешт1аьхье а.

(т1еч1аг1дар)

1алашо:

-Дешхьалхенах а, дешт1аьхьенах а 1амийнарг карладаккхар а, т1еч1аг1дар а.

-Дешхьалхенан а, дешт1аьхьенан а нийсаяздаран бакъонаш хаар.

-Нохчийн мате болу безам ч1аг1бар. Берийн ойла дешаран т1еерзор.

Кхочушдан лерина жам1аш:

1.Предметни: берашна евзар ю дешхьалхенаш, дешт1аьхьенаш ,церан башшхаллаш. Берашна 1емар ду уьш йозанехь билгалъяха.

2. Метапредметни:

• Регулятивни: берашна 1емар ду шайн болх кхиамаш алсам хир болчу кепара д1анисбан. Берашна хуур ду цхьаъ ша, тобанакахь а, шайн говзаллашка хьаьвсина болх д1абахьа. Берашна хуур ду шайн кхиамин бахьнаш довза, царех пайдаэца.1емар ду шайна оьшу г1ирс , книги т1ехь каро

• Коммуникативни: берашна хуур ду шайна т1едиллинарг кхиам болуш кхочуш дан, 1емар ду шеен балхах лаьцна вистхила, кхиниг кхето. Берашна хуур ду шайна оьшучохь вовшех дагабовла, оьшург хатта.

• Познавательни: берашна евзар ю дешхьалхенан, дешт1аьхьенан башхаллаш-дешхьалхе дешан дакъа ду, и яздо дашах хоьттина, дешт1аьхье къамелан дакъа ду ,и яздо дашах къаьстина.

3. Личностни: берашна евзар ю нохчийн метан хазалла, лаам хир бу и дика 1амо.

Урокан некъ:

1.Урокан кечам бар.

2.Хьехархочун дош.

Хазнашлахь хазна ю
Ненан мотт къоман.
Ненан мотт мел беха,
Къам дуьсу даха.

Ткъа нагахь мотт шен лахь,
Къам,лей,д1адолу,
Ненан мотт бицбинарг
Сийсазво наха.

Беседа яр.

Урокан кхайкхам: «Ненан мотт хаар-х1оранне декхар»

1

3.1амийнарг карладаккхар.

Фронтальни хаттарш.

-Дешхьалхенаш муха язйо?

-Дешт1аьхьенаш муха язйо?

Дешхьалхенаш а, дешт1аьхьенаш а билгалйохуш урок д1ахьо.

Задани 1. Нохчийн кицанаш.

Б1аьста д1адийнарг 1ай карийна.

Тидам боцуш дитта т1е ваьлларг, га а дойна, чувоьжна.

Задани 2. (Дешхьалхенаш а, дешт1аьхьенаш а билгалъяха)

Хьекъале кхуьуш бу

Цу дадин доьзал,

Балха т1ехь, дешар т1ехь

Кхиамаш церан бу.

З. Джамалханов.

Беседа яр.

4.Тетрадаш т1ехь болх.

Ц1ена язъяр.

А)Х1етал-метал хаийла хьуна:

К1айн ц1а, готта ц1а.Тата хези чохь. Дуьйхи иза. Цу чуьра дийна 1аламат арадели.Иза довха, месала, дашо бос къегаш ду. (к1орни)

-Доккха а, жима а яздар.

Дешнаш яздар: к1орни, к1еза, к1удал, к1ора, к1архаш, к1удал.

2

5.Суьртийн диктант.

6.Учебникаца болх бар.
Шардар №202. аг1о 99.
(къастае дешхьалхенаш орамех ца, ма, а г1оьнца)

КЕП: Чувахара –чу ца вахара

Хьалаг1атта-… охьахаа-…

схьаийцира-… д1акхечира-…

арадовла- … охьабаьккхира-…

д1акхоьссира-… схьахьаьжна-…

7.ФИЗМИНОТ.

8.Текст т1ехь болх бар.

Якьуб трамвай т1ехь вог1уш вара. Цунна гира: не1арх чуелира цхьа йоккха стаг, Шен меттара хьала а г1аьттина, Якъуба элира:

-Охьахаа кхуза. Со ирахь лаьттар ву.

-Баркалла, дукхавахарг!-элира йоккхачу стага.

Беседа яр. (Дешхьалхенаш а, дешт1аьхьенаш а билгалъяхар)

9. Ц1ахь бан болх балар. Шардар № 201(аг1о 98-99)

10. Урокан жам1 дар.

-Тахана урокехь вай х1ун т1еч1аг1дира?

-Муьлха болх беш хазахийтира шуна?

11.Рефлекси.

4

Урокан ц1е: «Дешхьалхенаш а, дешт1аьхьенаш а».

1алашо: берашна дешхьалхенаш а , дешт1аьхьенаш а вовшех къасто 1амор. Церан нийсаязъяран бакъонаш йовзийтар