Уй булолук зордук зомбулук

Тарбия сааты:                      3-класс                        2- чейрек                                               мөөнөтү:  _____________2019-жыл  Мугалими:_________________________

Сабактын темасы: Зордук-зомбулуксуз үй бүлө

Сабактын максаты: Билим берүүчүлүк:  Окуучулар зордук, зомбулуксуз үй бүлө жөнүндө маалымат алышат. Окуучулардын түшүнүктөрү кеңеет.

Өнүктүрүүчүлүк: Үй – бүлөдө ата-энени сыйлоо, урматтоо менен ынтымактуулук орун аларын билишет. Бир туугандар менен ар дайым чогуу биримдикте болууга, бирин-бири уга билүүгө сыйлоого калыптанышат. Ата-эненин балдарды тарбиялоодогу милдеттери, укуктары  жөнүндө түшүнүктөрүн бекемдешет.

Тарбиялоочулук:  Үй бүлөдө ата-энени урматтоого, алардын жасаган эмгектерин баалоого, айткан акыл-кептерин турмушта пайдаланууга тарбияланышат

Сабактын формасы: Аралаш сабак

Сабактын методу:  Традициялык, интерактивдүү

Сабактын тиби: Билим, билгичтиктерин өнүктүрүү

Сабактын жабдылышы:  Слайд, макалдар, сүрөттөр

Сабактын жүрүшү:  Уюштуруу.  УИТМЛинин гимни.                                                            Окуучуларга жагымдуу маанай тартуулоо.

Мугалимдин сөзү: Саламатсыңарбы балдар? Баарыңар ар дайым жакшынакайсыңар!  Бүгун да өзгөчө татынакайсыңар! Азаматтар!

• Бүгүн биз ар бирибиз өзүбуздүн үй бүлөбүз жөнүндө  бири-бирибизге айтып беребиз.
• Үй - бүлөбүз кимдер?- Алар  бири-бирине кандай мамиле жасашат?                   - Сен кимиси менен өтө жакын мамиледесиң? - Кимисинин мүнөзү сага жагат?  - Атаңдын же апаңдын сага жакпаган мүнөздөрү  барбы?-  Байке, эжелериң менен мамилең кандай?- Силердин үй булөдө майрамдар белгиленеби? - Кантип белгилейсиңер? -Апаң-атаңдын туулган күндөрүн билесиңби?  - Күндө ата-энеңе кандай мамиле жасайсың?-Аларды кантип кубантып, сүйүнтөсүң? – Сени атаң же апаң капалантабы? –Катуу урушабы? –Сени урабы?

-Кимиси катуу урушуп, урат?                                                                                               -Туура айтасыңар ата-энелер эч качан силерди урушпайт экен? Ар дайым эркелетип, уулу, кызынын ден соолугу, жакшы өсүп чоңоюшу үчүн кам көрүшөт экен.  Силер каалаганды жасаганга аракеттенишет. Балдары келечекте кыргыздын акыл-эстүү, билимдүү балдары болсо деп, тилек, үмүт менен чоңойтушат.  Ооруп калсаңар врачка көрсөтүп, айыктырганга шашышат. “ Эненин көөнү балада, баланын ою талаада”- деген макал элибизде бекер жеринен айтылган эмес. Энелер өзү ооруп турса да, баласы үчүн жанын берүүгө даяр.                                                                                     Биз окуган  “Эне” деген чыгармадан эстеп көрөлү, эненси өзү тузакка тушуп калса да, балапандары аман-эсен учуп кеткенин карап, чыйпылыктап, балдарын аяп, тезирээк алыс учуп кетишсе деп тиледи!               Үй бүлөдө ынтымак болуп, ата-эне балдары менен бирге жашаса, жакшы, экөө чогуу тарбия берсе, бир туугандар бирин-бири угуп, сыйласа, бактылуу үй бүлө болушат.                                                                                                   “Атаны сыйлаган бала абийирдүү болот, энени сыйлаган кыз сыймыктуу”- болот.” Ата сыйлаган абийир табат, эне сыйлаган элге жагат”.  “Аганы көрүп ини өсөт, эжени көрүп сиңди өсөт”. Үй бүлөдө бир туугандар “Өйдөдө өбөк, ылдыйда жөлөк”- болуп, бири-бирине кам көрүп, жардамдашуу керек экен!

Жыйынтыктоо: Үй бүлөнү коргоо ар бирибиздин милдетибиз экен. Ошондуктан жакшы окуп, ата-энени сыйлап, эмгектерин актоо милдет экенин эсибизден чыгарбоо зарыл!

Үйгө тапшырма: Үй бүлөсүнүн сүрөтүн тартып келүү. Үй бүлөсүнүн сүрөттөрүнөн  класста “Менин үй бүлөм” -деген теманда көргөзмө уюштуруу.