Тарбиялык саат Чыныгы достук кандай болот

Сабактын темасы: Чыныгы достук кандай болот? 5-класс

Сабактын максаты: А) Билим берүүчүлук: Чыныгы достук кандай болорун билишет; Б) Өнүктүрүүчүлүк:: Дос тандоодо адилеттүүлүккө үйрөнүшөт; В) Тарбия берүүчүлүк: Достукка бекем, туруктуу болууга үйрөнүшөт;

Сабактын тиби: интерактивдүү метод; Сабактын жабдылышы: дидактикалык материалдар, карточкалар, чүкө; Сабактын журүшү: 1. Уюштуруу: Саламдашуу, жоктоо, алтын эрежени эстетүү ;

дос жөнүндө макалдар

Аз кайгыны аш басат, көп кайгыны дос басат. Азганды кууп, тозгонго жолукпа, тууган издеп, достон кетпе. Айрылаар дос, бербести сурайт. Айрылаар дос, ээрдин арткы кашын сураар

Адал болсоң дос көбөйөт, арам болсоң кас көбөйөт. Адам адамга дос, жолдош, бир тууган. Адамга таандык мыкты дөөлөт — достук Ажырашаар досуңа көңүл калар сөз айтпа

Айылды алалык бузат, араны (достукту) каралык бузат Акмак достон, акылдуу душман артык Акылдан жакын дос барбы, ачуудан жаман кас барбы. Акылдуу касыңдан коркпой, акмак досуңдан корк. Акылдуулардын кастыгы, акмактардын достугунан артык.

А) Чакыруу: Окуучуларга чүкө көргөзүп, Чукө емне экендигин, ал кайсыл жерде, кайсыл жиликте жайгашарын, 4 тарабы эмне деп аталарын, чүкөнүн эмне пайдасы бар экендигин, чүкө менен кандай оюндар ойнолорун суроо; Сураган соң өзүм түшүндүрүп берем;

2. Жаңы теманы түшүндүрүү: А) Ой жүгүртүү: Теманы доскага жазып, сизди сиз сыяктуу тааныган, сизди дайыма ойлогон, адептүү, сиз үчүн көп нерсени аткарууга даяр болгон, ар дайым ишенимдүү болгон, Жакын адамдарыңызга айтчу сырды ага да жашырбай айта турган досуңуз барбы? Деп ар биринен сурап алып, “Достук” деген икаяны окуп кетип атып керектүү жерлеринде еми эмне болушу мүмкүн деп сурап турам. Карточкаларды ар бир окуучуга таркатып, алардын оюн угуу; Цицерондун төмөнкү достук формуласын окуп берем: Адам жалгыз жашоо үчүн жаратылбаптыр. Табият бирге болууну сунуштагандай эле, биримдикти жана биримдикти өнүктүрүү үчүн дос болууну да сунуштаган.

Өз арасында ыңгайлуу атмосфера кура алышкан адамдардын биримдигинен достук пайда болот. Сүйүү менен толгон достор бири- биринен жардам күтүүдөн көбүрөөк жардам берүүнү каалашат. Досту сыйлык алуу, пайда көрүү үчүн эмес, пайда ошол сүйүүдө болгондугу үчүн издөө керек. Достор бардык темада ачык сүйлөшө алуулары кажет. Икая: атасы өлүм алдында жатып баласына “Балам ар бир айылда бирден үйүң болсун” десе, баласы:”Ата, ар бир айылга үй салууга кантип жетишем” деп түшүнбөйт. Анда атасы:”Ар бир айылда үйүң болсун дегеним ар бир айыдда досуң болсун дегеним” деп жооп берген экен.

3. Бышыктоо: Дос деген сөзгө класстер түздүрүү, чыныгы достук кандай болуш керек экендигин окуучулардан сурап чыгуу;  

4. Корутундулоо: Ж. Баласагындын поэмасынан цитата келтирем: Досуңду ар кыл шартта сынап көргүн, Сындан өткөн досуңа колду бергин. Достун көөнүн дааналап билем десең,

Сынагын жаман кылык сөзүң менен. Билгиң келсе, досуңдун чын көңүлүн, Жакшы көргөн буюмун сурап көргүн. Ким ошондо кабагын бүркөбөсө, Дал ошол анык досун түбөлүккө.

Демек балдар, достукка бекем, туруктуу болуш керек. Достун да акылдуусун, адамгерчиликтүүсүн тандоо керек. Анткени сен көбүнчө досуңду көрүп тарбия аласын. Сага кемчилигиңди ачык айтса, кыйын күндөрүңдө кеңешин берип жаныңда болсо ошол чыныгы дос болот.

5. Баалоо: Окуучулар активдүү катышкандарды өздөрү баалашат.  

6. Үй тапшырмасы: Кыргыз тыюларынан 20дан мисал жазып келүү;  

Көңүл бурганыныздарга чоң рахмат