Свадебный обряд "Оро заhалга"

Сценарий «Сагаалган 2014» 9 класс

1. Зулай сагаан Саяанһаа

Зурын залгаа хушуураад,

Мүнгэн үрэжэл талаараа

Мянган зоноо жаргуулаад,

һайхан юм даа, Буряаднай

Һаруул эхэ нютагнай

Шэнэ жэлээр

Шэнын нэгээр

Сагаан һараар!

Сагаалганаар! Амар мэндэ-ээ!

1. Сагаан һарамнай сахилзаһаар ерэбэл даа

Сарюун һайхан таанадаа сагаан эдеэгээрээ угтанабди!

(сагаан эдеэ барина)

Хүндэтэ һайхан багшанараа, хадагаар золгожо, амаршалнабди!

(хадаг барина)

1. Хүндэтэ нүхэд!

Манай юһэдэхи классай зүгһөө,

Таа бүгэдэндэ Сагаалганай, халуун Амар Мэндээ!!

Могой жэлнэй үнгэржэ,

Морин жэлнай морилбо!

1. Эртын урда холо сагһаа

Элинсэг хулинсагайнгаа сахижа ябаһан

Мүнхэ заяата уг изагуураа

Мартангүйгөөр һанажа ябаял!

1. Мүнөө бидэ сагаан һарынгаа найрта дашарамдуулан, «Оро заһалга» гэһэн арадайнгаа заншалтай танилсуулхамнай.

2. Сайн байна хүндэтэ худа худагынар! Хүндэтэ түрын айлшад! «Ганса хүн =хүн болохогүй, ганса сусал гал болохогүй »,-гэһэн үгэ баталжа, мүнөөдэр хуби заяагаа ниилүүлжэ байһан хоер залуушуулайнгаа унтари заһахаа сугларбабди!

3. Эдэ хоер залуушуулайнгаа ута наһа, удаан жаргал эдлэжэ, олон үри хүүгэдые түрэжэ, эбтэй эетэй һуухын тула арадайнгаа еһолол болохо «Оро заһалга» эхилхэмнай гү?

4. Эхилэе, эхилэе!

5. Бэлдэхэ: а) Бурханай урда зула бадарааха;

б) Гал гуламтадань тоһо үргэхэ;

в) Оро табиха (2 матрац, 2 подушка, 2 хүнжэл, 2 простыни, 2 покрывало), ковер 2.

Урид орон дээрээ басаганай матрац табина, тиигээд хүбүүнэй, һүүлээрнь басаганай простынь дээрэһээнь хүбүүнэй, тиигээд хоер подушка, хүнжэл, покрывалаарнь хаана. Орон дээрээ ковероо үлгэнэ. Тиигээд хоер залуушуулаа орон дээрээ һуулгана. Үреэлнүүдые хэлэнэ:

а) Хумяад табиһан орон соомнай

Хубитай хүбүүд түрэжэ байг лэ!

б) Эблүүлээд заһаһан орон соомнай,

Эрдэмтэй, бэлигтэй басагад түрэжэ байг лэ!

в) хүбхэн зөөлэн дэрэ дээрэ

толгойгоо табин гэхэдээ,

сагаан гое зүүдэ харан

амаржа унтахань болтогой!

г) гоелтотой зөөлэн дэрэ дээрээ

толгойгоо табин унтахадаа,

зүүдэн соогоо залуушуулнай

ажабайдалаа түсэблэжэ байг лэ!

д) Хүбэн сагаан хүнжэл соомнай

Хүбүүд олоор түрэжэ,

Хүн зонойнгоо дунда

Хүндэтэй мэргэн ябажа,

Хүсэ бэлиг ехэтэй,

Хүхюун жаргаг лэ!

е) үнгэ сагаан орон соомнай

үхин үринэр түрэжэ,

үетэн нүхэдэйнгөө дундахана

үбдэхэ үбшэгүй,

үльмы дээрээ үндэлзэн,

үргэжэ танаа ябаг лэ!

ж) хамһаажа заһаһан орон соомнай,

Хүхюутэй, дорюун хүбүүд, басагад түрэг лэ!

з) Эблэржэ бэлдэһэн орон соомнай,

Эрдэм ухаатай хүбүүд, басагад түрэг лэ!

1. Энэ хоер залуушуулнай (орон дээрээ һууна)

Олон жэлдэ эбтэй эетэй, олон үри хүүгэдые түрэхэнь болтогой!

1. Түрэмнай түбхэн бүтэжэ,.

Буурал аба эжын

Буян сагаан үреэл

Хэрэг дээрээ бэелжэ,

Зол жаргал түхөөн

Зохин оршохонь болтогой!

1. Түрэ найрай түрүүшын шата,

Иигээд, тобшологдобо гээшэ!

- Жэл бүри жэгдэ амгалан,

Он бүри омог дорюун

Сагаалжа, ногооржо байял даа!

- Эрдэм бэлигэй, эрдэмэй харгыда

Эрхим шадамараар һурагты!

-Аба эжыдээ, үетэн нүхэдтөө

Хододоо туһа хүргэжэ эбтэй эетэй ябагты!

- Ута наһа, удаан жаргал

Арад зондоо үреэел!