Сценарий внеклассного мероприятия
«Вак1уэихьэж»
учитель: Хацукова М.Г.
Дорогие ребята, сегодня мы с вами отмечаем очень молодой праздник –День адыгов (черкесов). Официально он был закреплен в 2014 году указом главы КБР, и с тех пор отмечается ежегодно 20 сентября во многих странах. Ведь адыги живут не только в России. Больше всего черкесов проживает в Турции-7 млн., в России 900 тыс., в Сирии 200 тыс., в Европе 150 тыс., в Иордании 130 тыс., в Ираке 40 тыс., в Ливии 30 тыс., в Америке 30 тыс., в Азии 10 тыс. и в других странах 100 тыс.
Идея учреждения национального праздника обсуждалось, со дня возникновения МЧА. И, как оказалось, 20 сентября – самая приемлемая дата. Так как она приходится на период, когда адыги отмечали окончание сельскохозяйственных работ. Одна зерновая культура - пшеница- была убрана, и сельчане приступали к сбору кукурузы.
В этот день (по кабардински он называется «Тхьэлъэ1у») наши предки проводили обряды поклонения божествам - покровителям сельскохозяйственных работ. И сейчас мы посмотрим, как у наших предков проходил один из таких обрядов.
Свои слова-приветствия я хочу закончить стихотворением неизвестного мне автора:
«Сыадыгэщ» жып1эр зым и щ1ыскъым
Хуейщ адыгэу укъыщ1эк1ыжын,
Ди адыгэм хэлъа хабзэ дахэм
И тхьэгъушыр жыжьэ щыбгъэ1ун.
Си адыгэу, си щ1ыналъэ дахэ,
Нарт л1ыхъужь псэуахэм я хэгъэгу,
Анэ, анэ дыдэу зи гур махэ,
Ц1ыху щыпкъагъэр къабзэу къощ уи нэгу.
Уадыгэм, щыт адыгэ щ1алэу,
Уадыгэм, адыгэпхъуу щыт.
Уадыгэм, ирипагэ лъэпкъым,
Адыгагъэм и гъуэгу щыпкъэм тет.
Лъэпкъ л1ыхъужьым укъыщыхэк1ак1э,
Хуейщ ар ену уи гум ибгъэлъын,
Узыхуэдэр къоплъмэ, укъац1ыхуу
«Ар адыгэщ!» -жа1эу упсэун.
(Тут Заур и «Адыгэхэр» уэрэдыр къоуэ, сабийхэр дожьу).
БЕМЫРЗЭ МУХЬЭДИН
Адыгэ лъэпкъым и 1эпкълъэпкъ пщык1ут1-
Адыгэ анэм и зэш бын гъуэзэджэ,
Фэ адэжь хэкум вагъуэу фыщылыдт,
Фыкъэзылъагъухэр къывэхъуапсэу зэк1э.
(Адыгэ л1акъуэц1эхэр тету нып ц1ык1ухэр 1этауэ я1ыгъыу къыдок1 щ1алэхэмрэ хъыджэбзхэмрэ, хъурей ныкъуэу мэув: Натхъуэджыр, беслъэнейр, еджэрыкъуейр,
Жанейр, мэхъуэшыр, хьэтыкъуейр, шапсыгъыр,
Ит1анэ абазэхэр, къэбэрдейр,
Адэмей л1акъуэр, к1эмыргуейр, бжьэдыгъур.)
Натхъуэджыр, беслъэнейр, еджэрыкъуейр,
Жанейр, мэхъуэшыр, хьэтыкъуейр, шапсыгъыр,
Ит1анэ абазэхэр, къэбэрдейр,
Адэмей л1акъуэр, к1эмыргуейр, бжьэдыгъур.
Кавказым и дахэп1эр фэ фи хэкут,
Щ1ыгулъым я нэхъ бейр фи хьэсэ щ1ап1эт,
Къэрал зэмыщхьхэм къыфхухашу гъуэгу,
Фи тенджыз 1уфэр я1эт кхъухьтедзап1эу.
Иджы фэ дуней псом фыщикъухьащ…
Фэрыншэу нэщхъеялэщ чэщей мэзхэр,
Фэрыншэу, уэгум вагъуэ щипхъыхьар
Мэкъуауэ бадзэу, маф1э нэпц1к1э мэсхэр.
Адыгэ лъэпкъым и л1акъуэ пщык1ут1,
1эпкълъэпкъыу ц1ыхум фэ фхуэдизщи и1эр,
Зыгуэр фыхэщ1у и гур ивмыуд,
Фи псэуныгъэр гурыф1ыгъуэу зи1эм.
Дорогие друзья, мы живем в многонациональной республике. В нашей школе дружно учатся и работают люди самых разных национальностей. Все мы – одна большая, крепкая и дружная семья. И сегодня, в День Адыгов, мы, всей большой семьей решили вспомнить старинный обряд «Вак1уэихьэж».
Значительным событием в земледельческом быту адыгов в прошлом было благополучное завершение весенне-полевых работ и возвращение с пахоты, которое отмечалось большим весенним праздником «Вак1уэихьэж», т.е. возвращение пахарей.
Главными атрибутами торжеств были -«Ажэгъафэ» (танцующий козел», «вак1уэ бэракъ (знамя пахарей) и вак1уэихьэж къэбакъ» (кабак возвращающихся пахарей).
К всенародному торжеству возвращения пахарей готовились всем аулом.
Лъэпкъыр сыт и лъэныкъуэк1и узыншэу щытыныр зэлъытар а лъэпкъым и псэук1э, лэжьэк1э, зэгуры1уэк1э, зыгъэпсэхук1эрщ. Зэхэтык1э дахэ я1ащ дяпэ итахэм. Абы и щыхьэт пэжщ нобэ зи гугъу тщ1ы «Вак1уэкъихьэж» тхьэлъэ1ур. Мыр тхьэлъэ1у махуэшхуэ псоми я махуэшхуэжу, ехьэжьауэ ящ1у щытащ.
Мы тхьэлъэ1ум вак1уэ дэк1ми, къуажэм къыдэнэми, ини-ц1ык1уи жыхуа1эу зыхуагъэхьэзырт. Ц1ыхубзхэм махъсымэр ягъэхьэзырырт, щ1алэхэм яшхэр шыгъажэм хуагъэпст, хъыджэбзхэм нэщанэм, кхъуейплъыжьк1эрыщ1эм ф1алъхьэну хьэпшып ц1ык1ухэр ягъэхьэзырт. Лэжьыгъэ щхьэхуэ, лэжьыгъэшхуэ къапэщылът къуажэ гъук1эмрэ пхъащ1эмрэ. Ахэм вак1уэкъихьэж бэракъыр ягъэхьэзырт.
Вэн-сэныр зэф1эк1а иужь, дзейуэ зэхэтахэм шыгъушыпс, гушы1э щ1ык1эу зэраутхыжт, ягу зэрызэмыбгъам, узыншэмэ, ет1анэгъи зэрызэдзеинум и щыхьэту.
Вак1уэхэр щыдыхьэжыну махуэр ящ1эрти, хъыджэбзхэр выгухэм ису, пшынауэр я гъусэу, щ1алэхэр шууэ губгъуэм къак1уэрт. Арати, Ажэгъафэм хит1э-хисэу япэ иту, вак1уэ тхьэмадэм и ныпыр зы1ыгъ шур абы к1элъык1уэу, пхъэ1эщэхэр, къитхъхэр, вак1уэ хьэпшыпхэр зэрылъ гухэр, къуажэ хъыджэбзхэр зэрыс гухэр ахэм къык1элъык1уэу, къэбакъыр зэрыт гур псом яужь иту вак1уэхэр къежьэжырт. Ахэр къуажэм къэсыжа нэужь, хъыджэбзхэр зэрыс гухэр, Ажэгъафэр япэ иту, къуажэм дыхьэрт, тхьэлъэ1у шхын къыхахыну.
Вак1уэ ныпыр зы1ыгъ шум иужь иту мыдрейхэр тхьэлъэ1ур щек1уэк1ыну щ1ып1эм деж к1уэрт. А щ1ып1эр хъуреишхуэу къавыхьырти, вак1уэихьэж ныпыр ягъэувт.
(гупыр къафэу, джэгуурэ тхьэлъэ1у шхыныр къыхах).
Ажэгъафэм: Уэй жи, фыкъафэт, уэй, жи, фыджэгут! Вак1уэхэр къэсыжащи, ди тхьэлъэ1ушхуэщ, сытк1э фыкъытхыхьэн?
Япэ ц1ыхубз: Мэ, т1асэ, тхьэлъэ1у махуэ ухъу!
Ялыхь, тетсар жылэ махуэ щ1ы, тезысахэри гъэузыншэ, зы лъэдийм щхьэмыжит1 къыпыгъак1э, зы ху нап1эм т1у ирегъащ1э!
Ет1уанэ ц1ыхубз: Тхьэлъэ1у угъурлы къыдэфхауэ Тхьэм жи1э, гъэр гъэф1 Тхьэм тхуищ1! Ялыхь тхьэлъэ1у махуэ тхуэщ1, бэвымрэ берычэтымрэ щ1ым къыхэлъхьэ, узыншагъэк1э къедгъэхьэл1эж, гуф1эгъуэк1э дыгъэшхыж!
(Хъурейуэ опилкэк1э къэгъэт1ылъыхьа утыкум и бгъум Вак1уэ Тхьэмадэм и 1энэ лъакъуищыр хуагъэув, пщы1э ящ1, вак1уэихьэж бэракъыр ягъэуври хъумак1уэу щ1алит1 мэув. Шыуаныр зэф1адзэ. Ажэгъафэр япэ иту, тхьэлъэ1у шхын къыхахар я1ыгъыу гупыр хъурейм къохьэри джэгур яублэ).
Вак1уэихьэж тхьэмадэр хъуэхъук1э къапожьэ:
Нт1э, жылэ махуэ хъунхэ! Ди вэн-сэныр зэгуры1уэрэ зэдэ1уэжу, губгъэн зэхудимы1эу къетхьэл1ащи, дыпсэурэ дыузыншэмэ, ет1энэгъи дызэдзеинщ.
Я дэ ди Тхьэ, Тхьэгъэлъэдж
Телъыджэр зи 1эужь,
Ди тхьэлъэ1ур махуэ щ1ы,
Едгъэжьа 1уэхур гъэбагъуэ!
И гугъур яхуэмы1уатэу
Хум и ф1ып1эк1э къызэрылъэлъыну сохъуэхъу.
Жылэр зытетса щ1ым бэвым и уэшхыр тешхэну,
Бэвым и хуабэр тепсэну,
Жылэ хэтлъхьар щыбэгъуэну
Бэвым и к1ып1эм дытехьауэ,
Я дэ ди Тхьэ, къыщ1эук1!
Ажэгъафэм: - Аращи, ди махуэшхуэм адэк1э пыдощэ, вак1уэихьэж къэбакъым фызэрыхуэ1эрыхуэм девгъэплъ.
(Щ1алэхэр нэщанэ йоуэ- шабзэк1э къэбакъым ф1элъхэр къыф1ауд).
- Аслъэн, джэдыр къыф1эбудащи, уи хьэлэлыпсщ!
- Мурат шыр къыхиудащ нобэрей зэпеуэм!
(Хьэжэгъафэр къолъадэри, пшынауэм зыхуегъазэ:
- И1эт-т1э, пшынауэ, уи пшынэр гъэбзэрабзэт, тхьэлъэ1у гуащэр хэтхынущ иджыпсту! Хэту п1эрэ ди хъыджэбзхэм нэхъ дахэр, нэхъ щэныф1эр, нэхъыф1у къафэр, гушы1эр?!
(Къофэхэр)
Щ1алэхэм ящыщ зым: - Тхьэлъэ1у гуащэ ц1э лъап1эр________нэхъ хуэфащэу къыщ1эк1ынщи, Тхьэм иригъэф1ак1уэ!
(Хъыджэбзхэм я дежк1э зегъазэри:
-Фэри, ди пщащэ гуак1уэхэ,
Мазэ къурашэр фи набдзэу,
Фи псалъэр 1эф1рэ фи 1уэхур еф1ак1уэу,
Фи нэмысыр, фи акъылыр изу
Фызыхэтым фращ1асэу
Тхьэм фигъэпсэу!
Ажэгъафэм: Иджы, щ1алэхэм фи зэф1эк1ым девгъэплъ!
(Чыбжьэзэпекъу, Дамэпкъырауэ, Пы1эзэф1эхь, Фо матэ, нэгъуэщ1хэми мэджэгу
--И1эт-т1э, Дамэпкъырауэ джэгунухэр фыкъак1уэт!
--Иджы, Чыбжьэзэпекъу! Фыкъэув псынщ1эу!
-- Пы1эзэф1эхь хэт джэгунур? И1эт, щ1ыдодзэ!
(Вак1уэихьэж тхьэмадэр щ1алэгъуалэм йохъуэхъу:
-Уей ди шынэхъыщ1эхэу - л1эщ1ыгъуэр зей,
Хуабжьу фы1эрыхуэхэщ, фыщ1алэ къуданхэщ.
Зэвгъапщэм ф1эк1ыркъыми
Фи ныбжьымрэ фи бжьыгъуэмрэ к1ыхь ухъу!
Адыгэ лъэпкъым фыхуэщхьэпэу,
1уэху фызы1утыр щ1эращ1эу,
Щ1эуэ къэхъум фрителъхьэу фыпсэуну сохъуахъуэ!
Вак1уэ Тхьэмадэм:
Нт1э, жылэ махуэ хъунхэ, лэжьыгъэф1 къыздетхьэл1ащ, гур хэхъуэуи дыздэджэгуащ. Фыарэзымэ, ди тхьэлъэ1ур абдеж щызэхуэтщ1ыжынщ. Ди лъэ1ур Тхьэгъэлэдж и деж Тхьэм нигъэс! Аращи, Вак1уэихьэж бэракъыр къэфхь! Абы щыщ бзыхьэхуэ хуейхэри фыкъек1уэтал1э, иджыпсту дгуэшыжынщ.
Тхьэмадэм бэракъыр 1этауэ и1ыгъыу мэхъуахъуэ:
Уэ дэ ди Тхьэу, Тхьэшхуэ,
Дэ дызыгъэгушхуэу ди Тхьэгъэлэдж!
Джэджьей быну дыбагъуэу,
Зэгъунэгъуит1ыр дызэджэу,
Насыпышхуэр 1эрылъхьэу
Адыгэ нэмысымк1э дыбжьыф1эу,
Ди лъхугъэр бащэрэ щауэф1у,
Гъатхэу дызытехьэр узыншэу
Ди Тхьэ, дыгъэпсэу!
Вабдзэпэ уэгъурэ, вагъуэк1э уэшхыу,
Зэрыгъэсысу къэк1рэ, зэрыгъэк1ийуэ дыпщ1эу,
1энат1эу 1утщ1эм ди гур хигъахъуэрэ
Хъуэхъу къыджа1эри бзэк1э къытлъысу,
Жылэ махуэу Тхьэм дигъэпсэу!
(Вак1уэихьэж бэракъыр къаретри зэпаупщ1 Тхьэлъэ1у Гуащэмрэ зы щ1алэрэ. Щ1алэм къыпеупщ1, хъыджэбзым я 1эпщэм яхурещ1э, ехъуэхъуурэ).
- Мы бэракъым ещхьу дыщэ щхьэмыжхэр Берычэт Тхьэм ищ1!
-Мыбы ф1ыгъуэрэ берычэтрэ къыдэк1уэну Тхьэм жи1э!
(Джэгум щ1едзэжри къафэк1э еух).
Къэгъэсэбэпыпхъэхэр: нып, къэбакъ, къэбакъым ф1элъыну сурэтхэр, шыуан зэф1эдза, бжыхь, 1энэ лъакъуищ, фалъэ, шабзэ, чыбжьэ, башит1, пщы1э.
117
181 687 
