МИНИСТЕРСТВО ОБРАЗОВАНИЯ И НАУКИ РЕСПУБЛИКИ ДАГЕСТАН
МУНИЦИПАЛЬНОЕ КАЗЕННОЕ ОБРАЗОВАТЕЛЬНОЕ УЧРЕЖДЕНИЕ
«ДРУЖБИНСКАЯ СРЕДНЯЯ ОБЩЕОБРАЗОВАТЕЛЬНАЯ ШКОЛА»
Викторина
на родном (даргинском)языке
Подготовила: учитель родного языка
и литературы Бахмудова Патимат М.
Тема: Халкьла хабар «Урхьула урчи»
Мурад: Пикриличил ва чебатаахъили произведение буч1ахъес дурх1ни бурсибарни
Чебаъла ваях1-хабар х1ясибли дарибти дурх1нала суратуни
Дарсла бух1набуц
Муг1яллим: Дурх1ни, нушани «Урхьула урчи» бик1уси халкьла хабар белч1и таманбарира. Ишбарх1и нушани викторина дурабурк1ех1е. Илини чебиахъу, хабарла бух1набуц чили г1ях1ил балулил. Чедибикибси команда-ла дурх1нас лебтасалра «5» кьиматуни кадалтути сари. Дек1арбирех1е жюри. Жюрила члентани баллани умцу ва чедибикибси команда белгибиру. Илала дурабад, гьар бархьли каргьурси жаваблис 1 балл имц1абируси саби.
(Жюри дек1арбиру)
Муг1яллим: Чичила сари ишди гъай: «Гьарилла хъуц1арличиб х1ячми булан къябдарили абит1унси галга лебри, гьарил галгаличир черях1кахъили пилани лерри» ? (бархьси жаваблис 5 балл+1 балл бархьли каргьурси предлож-лис)
Дурх1ни: Ишди гъай рухъна бяжукла верх1елра нартуршиличила сари
Муг1яллим: Сагаси неш раргес се барес г1яг1нили буили? (4б.)
Дурх1ни: Сагаси неш раргес багьандан илала михъирличи к1унт1убачил къячикес г1яг1нили буили саби.
Муг1яллим:Ил сек1ал чили бариба? (2б)
Дурх1ни: Ил бариб бяжуклис дурх1яли.
Муг1яллим: «Дунъяла къакъличиб х1ебалуси лебси ах1ен» чили? (4б)
Дурх1ни: Дунъяла къакъличиб х1ебалуси лебси ах1ен бяжукла верх1ъибил дурх1яли.
Муг1яллим: «Берх1и гьаббак1ниличил дегъличи дурабулхъан, ца х1ули кьяп1барайчи х1яйна дунъя алавбиру» сели?
Дурх1ни:Урхьула дях1иван ц1уба урчили ца х1ули кьяп1барайчи х1яйна дунъя алавбирули саби.
Муг1яллим: Се саби «берх1и кьяйда шалабик1уси» ?
Дурх1ни: Берх1и кьяйда шалабик1уси урхьула шагьла рурсила мургьила пях1ул саби.
Муг1яллим: Чили сарри пях1лала палтар челгьути?
Дурх1ни: Пях1лала палтар челгьули сари, базес аркьух1ели, урхьула шагьла рурсбани.
Муг1яллим: Се сарри хабарлизир ниъли диц1ибти?
Дурх1ни: Хабарлизир ниъли диц1ибти къуюра шарара сарри.
Муг1яллим: Селис пайдаладирули ишар ниъ?
Дурх1ни: Ниъ ишар урчи курт1бях1яхъес ва бухънаби жагьбиахъес пайдаладирули сари.
Муг1яллим: Чи сая гъургъашинван къуюла лут1илиа арякьунси ва илав калунси?
Дурх1ни: Къуюла лут1или аракьун ва илав калун Валк1а шагь.
Муг1яллим: Чум метрла мурхьсири ил къую?
Дурх1ни: Ил къуюла мурхьдеш 42 метр ва 60 см сабри.
Муг1яллим Чум мургьила сек1ал къаршидикиба х1ушаб хабар буч1ух1ели?
Дурх1ни: Хабар буч1ух1ели, нушаб къаршидикиб мургьила пях1ул, мургьила гили-кьабта, рурсила мургьила чури,мургьила гьая.
Муг1яллим: Сегъунти миц1ираг ва арцанти къаршидикиба хабарлизир?
Дурх1ни: Хабарлизир къаршидикиб урчи, пилани, хури, х1унт1ена кьули, лагьни.
Муг1яллим: Къияндикибси замана шагьла рурсилис сели кумек бирулри?
Дурх1ни: Шагьла рурсилис х1унт1ена явлухъли кумекбирулри.
Муг1яллим: Илгъуна сек1айс сегъуна сек1ал или бик1ара?
Дурх1ни: Илгъуна сек1айс сих1рула сек1ал или бик1ар.
Муг1яллим: Халал узини гьунчиб буцибси се саниг1ят сабри?
Дурх1ни: Халал узини гьунчиб вачрукьяла саниг1ят буциб.
Муг1яллим: Хабарлизиб чинаб ва селис г1яг1нибикиба къани?
Дурх1ни: Кьани г1яг1нибикиб бяжуклис дурх1я диг1январес ва урхьула шагьла рурсила палтар кадихьес.
Муг1яллим: Луг1и 3 чуйна къаршибикиба х1ушаб хабарлизиб?
Дурх1ни: Ил луг1и нушаб гех1на къаршибикиб: 3 дурх1я, 3 гьуни, 3 къярд, 3-на урчили дунъя алавбиру, урчи 3-на т1ях1бухъун, шагьла 3 рурси , 3 лагьа, 3-на даршал дус.
Муг1яллим: Дурх1яли, зумаси вац1ализи ветаайчи, чум дубура, къярд ва г1иникъ ахъиба?
Дурх1ни: Дурх1яли ахъиб 3 дубура, 3 къярд, 5 г1иникъ.
Муг1яллим: Чиди ранг имц1али къаршидиркули хабарлизир?
Дурх1ни: Хабарлизир имц1али х1унт1ена ва ц1уба ранг къаршидиркули сари: х1унт1ена явлухъ, х1унт1ена кьули, ц1уба урчи.