Сөйлем 3 сынып қазақ тілі

Тексерілді:

ДБІЖО:С.С.Казыбаева

Пәні: қазақ тілі

Сыныбы: 3 «г»

Мерзімі: 24.10.17

Мұғалімі: Еркинбекова М.А

Сабақтың тақырыбы: Қатемен жұмыс Сөйлемді еске түсіреміз.
Сабақтың мақсаты:
1. Білімділік. Жазбаша грамматикалық сауаттылығында жіберілген олқылықтарды жою, білімдерін нақтылау;
2. Дамытушылық. Ойын, есте сақтауын, көркем жазуын дамыту, талдау жұмыстары арқылы білім, білік дағдыларын жетілдіру;
3. Тәрбиелік. Ұқыптылыққа, аңғарымпаздыққа тәрбиелеу, өзіне деген сенімін арттыру.

Сабақтың типі: білімді бекіту
Сабақтың түрі: талдау
Әдіс - тәсілі: байқау, талдау, жеке оқушымен жұмыс, салыстыру.
Көрнекілігі: плакаттар, тақырыптық суреттер
Пәнаралық байланыс. дүниетану

Сабақтың барысы.
1. Ұйымдастыру.
Оқушылармен амандасып, түгендеу. Сабаққа назар аударту.
2. Сабақтың мақсатын қою.
Жазба жұмысын жазуда жіберілген қателермен жұмыс жүргізу.
Тілдік талдау арқылы теориялық білімін практикада қолдана білуге дағдыландыру.
3. Білімді тексеру кезеңі.
1. Диктантта жіберілген қателерді көру арқылы байқау, мұғалімнің түзетуі бойынша сол
сөзді салыстыру арқылы қате және қатесіз түрін табу.
2. Сол сөздің қатесіз түрін көшіріп жазу;
3. Ортақ қателер: гүлдейді, жарылады, мақтаның т.б
Сөздікпен жұмыс.
Тасымал туралы түсінік беру.
Тасымал - жазу кезінде сөздің жолға сыймай қалған бөлігін келесі жолға көшіру. Тасымал буынға негізделеді.

Сөздер мынадай жағдайда тасымалданбайды:
1. Бір дауысты дыбыстан тұратын буынды жолда қалдыруға немесе келесі жолға тасымалдауға болмайды. Мысалы, а - та, әули - е.
2. Бір буынды сөз тасымалданбайды.
3. Қысқарған өлшем бірлігін (см) өзі тіркескен саннан (30) бөліп тасымалдауға болмайды.
4. Қысқарған сөз тасымалданбайды.
5. й, у дыбыстары бар сөздерді буынға бөлгенде бұл дыбыстар келесі буынның басында келеді және солай тасымалданады: да - уыс, құ - йын.
6. Екі әріптен құралған я, ю дыбыстарына аяқталған сөздер тасымалданбайды: қою, күю, ұя.
7. Аты және әкесінің аты қысқартылып, басқы дыбысы ғана жазылғанда, фамилиясынан бөліп тасымалдауға болмайды.
4. Әр оқушыға жіберілген қателері бойынша жеке тапсырмалар беру.
а) Дұрыс тасымалданбаған сөздердің тасымалдану жолдарын тапқызу.
б) Емле қателері бойынша сөздерге сөйлем құрату.

Жеке оқушымен жұмыс.
Алдын - ала дайындап келген таратпалармен жұмыс жүргізу. (Мысалы, қатесіз жазған оқушыға жеке тапсырмалар беру, диктантты қате жазған оқушымен жұмыс: қате жазу себебін анықтау, сол тақырып бойынша тапсырмалар беру);
«Ең үздік жазылған диктант» айдарымен диктантты үздік жазған оқушыны анықтау, мадақтау, ынталандыру.
Берілген материалдарды пайдаланып, топ оқушылары жаңа тақырыпты бірлесіп түсіндіреді. Мұғалім қателерін түзетіп, толықтырады.

Айтылу мақсатына қарай: Хабарлы, Сұраулы, Лепті, Бұйрықты

Аяқталған ойды білдіреді
Жазылуына қарай
Сөйлем сөздерден құралады Бірінші сөзі бас әріппен жазылады. Сөздер бір - бірінен бөлек жазылады.
1. Топпен жұмыс
I топ Кітаппен жұмыс
1 - жаттығу.
1. Білім, кітап, бұлақ
2. Кітап - білім бұлағы
Тапсырма: Қайсысы сөйлем? Неліктен?

II топ “Сөз - моншақ” құрастыру
Сендерге көмектеседі кітап болуға білімді.

2 Шығармашылық жұмыс

«Еркін жазу» стратегиясы
І топ. Суретке қарап хабарлы, сұраулы сөйлемдер жазу.
ІІ топ. Суретке қарап хабарлы, лепті сөйлемдер жазу.
3. Сергіту сәті (Әуені тыңдатылады, оқушылар әнін айтады)
Ардақтайтын Астанам
Мәртебелі бас қалам.
Көркейе бер күн сайын,
Алға қарай бас қадам!

4. Көркем жазу
Ана тілің - еркіндігің, теңдігің,
Мақтанышың, елдігің.

5. «Кімнің ойы ұшқыр?» ойыны
Бір сөйлем жазып, соны сұраулы, лепті сөйлемге айналдырып жазу.

IV Қорытынды. «Бір айналым сөйлесу» стратегиясы
Әр оқушы сөйлем туралы білетіндерін айтады, бірін - бірі толықтырады.
V Үйге тапсырма беру: Атырау, туған жер, мектеп, білім сөздеріне сөйлем құрау
VI Бағалау. Сабаққа белсене қатысқан оқушыларды бағалау.

4. Үй тапсырмасы.

Сөйлем ережесін жаттау
5. Бағалау.