Самы шчыры беларус

• далучыць дзяцей да духоўных скарбаў свайго народа;

• фарміраваць цікавасць і павагу да роднага слова, беларускай мовы як актыўнага сродку патрыятычнага і нацыянальнага выхавання;

• садзейнічаць развіццю культуры разумовай працы.

Настаўнік

Добры дзень, дзеці! Калі вы жадаеце даведацца аб чым мы сёння будзем весці гутарку, то ўтульна ўладкуйцеся і паслухайце.

Беларусь, Айчына.

Родны дом ...

Я спялю

Надзеі кволы колас.

Покуль мы

Гаворым і пяём,--

Будзе жыць

I твой крынічны голас!

Нашу мову

Нельга адабраць!

Прывітаюць

Родным словам вусны.

Нашай мове

Нельга паміраць,

Бо тады памруць і беларусы.

Беларусы. Адкуль мы? Хто мы? Чым слаўныя ў свеце? На гэтыя пытанні мы сённі і адкажам, правёўшы конкурс "Самы шчыры беларус". Дзякуючы гэтаму, мы даведаемся, хто з вас самы актыуны, знаходлівы і разумны, хто любіць і паважае сваю мову.

Настаўнік

Але ў пачатку хачу вам сказаць па сакрэту, што сення раніцай да нас завітаў паштальён і прынёс тэлеграму ад чараўніка Хатабыча. Зараз я вам яе зачытаю: “Паважаныя дзеці, я вельмі жадаю прыехаць да вас, але я не ведаю дзе знаходзіцца ваша краіна. Калі ласка, дапамажыце мне!”

Ну, што, дапаможам? Тады для гэтага давайце разгадаем крыжаванку.

Пытанні да крыжаванкі:

1. Стаяць слупы бялёныя, на іх шапкі зялёныя.........................…. Бяроза.

2. Ляціць, а не птушка, вые, а не звер............................................. Вецер.

3. Якая краіна мяжуе з нашай з паўночнага захаду?...................…………. Літва.

4. Якая краіна мяжуе з нашай з поўначы?...................................……… Латвія.

5. Вечарам нараджаецца, ноч жыве, а раніцай памірае...........….. Раса.

6. Якая краіна мяжуе з нашай з поўдня?........................................ Украіна

7. Якая краіна мяжуе з нашай з поўначы і ўсходу?....................... Расія.

8. Якая краіна мяжуе з нашай з захаду?........................................ Польша.

Добра, малайцы, вось мы і адказалі на гэта пытанне. А зараз давайце ўспомнім якія беларускія святы вы ведаеце. Наступны конкурс "Кола беларускіх свят". Я буду зачытваць вам апісанне свята, а вы павінны адгадаць, як яно называецца.

“Назва гэтага свята паходзіць ад лацінскага, што азначае першы дзень кожнага месяца. Раней яно святкавалася з 24 снежня па 6 студзеня, а зараз з 7 па 19 студзеня.

Гэта народны абрад, прызначэннем якога было паскорыць набліжэнне цёплых дзён. Характэрнай рысай гэтага свята была варажба. Варажьлі на будучага мужа ці жонку, пра жыццё ў будучыні, пра багацце, здароўе і інш.”

(КАЛЯДЫ)

“Гэтае свята адзначалася ў другой палове лютага — першай палове сакавіка. Яно было прысвечана провадам зімы і набліжэнню вясны. У гэты дзень пачыналі ігрышчы, усе багата частаваліся смачнай ежай, асабліва блінамі з маслам. У апошні дзень свята людзі прасілі прабачэнне ў тых, каго пакрыўдзілі.

Гэта першае вясновае свята ў гонор сонца.” (МАСЛЕНІЦА)

Настаўнік

Добра, а зараз зробім наадварот: я вам назаву свята, а вы мне пра яго раскажаце. Назавіце галоўны атрыбут свята Купалле? (Папараць кветка). Калі яго адзначаюць? (6-7 ліпеня).

Але ж які сапраўдны беларус не ведае сваей гісторыі?

Зараз мы праверым, як вы ведаеце не толькі гісторыю, але і літаратуру, і геаграфію. Для гэтага правядзем віктарыну.

Пытанні: Адказы:

1. Беларускі першадрукар.............................................................................Скарына.

2. Найбліжэйшы прыемнік Скарыны на Беларусі.......................................Сымон Будны.

3. Знаемы вам горад, у якім жыў Сымон Будны........................................Клецк.

4. Каранны жыхар Рэспублікі Беларусь..................................................................Беларус.

5. Майстар па вырабу глінянага посуду.............................................................Ганчар.

6. Майстар па вырабу тканіны............................................................................Ткач.

7. Майстар па вырабу ювелірных упрыгожванняў...............................................Ювелір.

8. Самы вялікі горад у Беларусі (сталіца Беларусі)..................................................Мінск.

9. Рака, на якой стаіць горад Мінск......................................................................Няміга.

10. Беларуская вёска,спаленая разам з жыхарамі.................................................Хатынь.

11. Тое, што патрабуе разгадкі або тлумачэння.....................................................Загадка.

12. Народнае гулянне, рух людзей па крузе з песнямі і пляскамі....... Карагод.

13. Народны музычны інструмент...................................................................Скрыпка.

Конкурс "Рамонак".

Настаўнік

Зараз 5 жадаючых выйдуць да рамонка і па чарзе выцягнуць па пялёстку. На кожным пялёстку напісаны заданні. Вы маеце права ўзяць каго-небудзь з сяброў на дапамогу.

Заданні:

1-2 пялёсткі. Прачытаць верш беларускага паэта.

3-4 пялёсткі. Расказаць беларускую казку.

5 пялёстак. Праспяваць песню (пажадана на беларускай мове).

На падрыхтоўку вам даецца 2-ве хвіліны.

Настаўнік

Далей мы даведаемся, ці добра вы ведаеце прыказкі, як беларускія, так і рускія. Дапаможам тым, хто не разумее прыказкі на беларускай мове, успомнім падобныя прыказкі на рускай мове.

Настаўнік

Наступны наш конкурс "Поле цудаў" па 3 чалавекі з кожнага рада)

1-шы тур:

Пытанне:

У якім горадзе Францыск Скарына стварыў першую на тэрыторыі Беларусі друкарню, у якой і працаваў некаторы час?

2-гі тур:

Пытанне:

У якім горадзе пры канцы 80-х гадоў ХV стагоддзя нарадзіўся Францыск Скарына, а таксама на пачатку ХІІ стагоддзя – Ефрасіння Полацкая?

3-ці тур:

Пытанне:

Горад, размешчаны на тэрыторьй Вялікага кнаства Літоўскага, дзе Скарына вёў друкарскую справу?

Фінал:

Пытанне:

Якое сапраўднае імя Ефрасінні Полацкай.

Піанерскі атрад-праможца атрымлівае салодкі прыз і памятны знак “Самыя шчырыя беларусы піянерскай дружыны”.

Настаўнік

Малайцы, я ўпэунілася, што ўсе вы — сапраудныя беларусы. Я вамі ганаруся. Дзякуй усім за гульню. Да пабачэння.