Разработка тестов для проверки знаний

Фииль заманлары (времена глаголов)

Фииль – инсан ве предметлернинъ иш – арекетини ве булунгъан алыны бильдирелер.

Заман манасы - иш – аректнинъ лакъырды этилип тургъан вакъыткъа мунасебетинен ифаделене .

Иш- арекетнинъ лакъырды этилип тургъан вакъыткъа мунасебетине коре фиильнинъ учь заманы бардыр: 1. Кечкен заман. 2. Шимдики заман. 3. Келеджек заман.

Кечкен заман фиили иш-арекетни лакъырды этилип тургъан вакъыттан эвель япылгъаныны я да япылмагъаныны анълата

Кечкен заман (прошедшее время). Суаллер: Не япты? Не олды? Не япкъан? Не олгъан? Мисаллер: сачты, осьти, язды, кельди, сачкъан, оськен, язгъан, кельген.

Шимдики заман фиили иш – арекетнинъ лакъырды этилип тургъан вакъытта япылгъаныны я да япылмагъаныны бильдире. Фиильнинъ шимдики заман манасы фииль тамырына -й, -а, -е ялгъамалары къошулыр.

Шимдики заман (настоящее время). Суаллер: не япа? Не ола? Мисаллер: сача, осе, язмакъта, кельмекте

Келеджек заман фиили - иш – арекетни лакъырды этилип тургъан вакъыттан сонъ япыладжагъыны я да япылмайджагъыны ифаделей.

Келеджек заман (будущее время). Суаллер: не япаджакъ? Не оладжакъ? Мисаллер: сачаджакъ, оседжек, сорар, язар.

1-мешгъулиет

Ашагъыдаки джумлелерде фииллерини сечип, астларыны сызынъыз ве оларнынъ заманларыны айтынъыз

1. Дилявер энди эвнинъ огюнде скемлечик устюнде отурмай. 2. Кокте сербест кезген айнынъ юзю булутнынъ къара кольгесинен орьтюльген.3. Чокъ вакъыт кечмезден, Дилявер тезья башында мустакъиль суретте ишлеп башлайджакъ. 4. Арадан дёрт – беш йыл кечкен сонъ, янъы бир вакъиа юз берди. 5. Бу ердеки эмекчи халкъ башкъаларына аджайип эвлер къурып береджек. 6. Гульшан мектепни алтын медальнен битире . 7. Дилявер сагъ къолуны котерип, баш пармагъынен косьтерди.

2- мешгъулиет

Ашагъыдаки джумлелерде фииллерни сечип, астларыны сызынъыз ве оларнынъ заманларыны айтынъыз

1. Энди яры гедже олды, танъ вакъыты якъынлашты. 2. Тереклернинъ сыкъ япракълары меним пенджеремнинъ устюнден яваштан ельпирейлер. 3. О бугунь шу мукъаддес байракънен сагълыкълашаджакъ, узакъларгъа кетеджек. 4. Бунъа бакъмадан Нияргъа Закир базы ресимлерини косьтермеге тырыша. 5. Онынъ къаверенкли сувлары чокътан – чокъ арыкъларгъа джайыла.