Рафис Корбан әсәрләре буенча сәхнәләштерелгән күренеш

Татарстан Республикасы “Лениногорск муниципаль районы”

муниципаль берәмлегенең

“ Лениногорск шәһәре 3 нче урта белем бирү мәктәбе”

муниципаль бюджет белем бирү учреждениесе

Әкият сөйлим, тыңлагыз.

(Рафис Корбан әсәрләре буенча сәхнәләштерелгән күренеш)

Эшләде: Замалиева И.Х.

Әкият сөйлим, тыңлагыз.

(Рафис Корбан әсәрләре буенча сәхнәләштерелгән күренеш)

(“Куркуын җиңгән куян”, “Керпе малае дуслар эзли”, “Бардым күлгә, салдым кармак”, “Патша кызы һәм җырчы”, “Хуш киләсең, Яңа ел!” әсәрләре буенча)

Катнашалар:

Куян, Түләнбай(төлке малае, Көрән (керпе малае), куян, Тылсымчы, пәри малае.

Куян урман буйлап бара, як-ягына карана:

• Урман шомлы, урман куркыныч.

Карурманда бигрәк күп ерткыч.

Их, нигә мин төлке булып тумаган?

Бүре булып тумаган?!

• Ах, кемдер бар. Ой-ой-ой! (куак артына кача)

Керпе баласы Көрән белән төлке малае Түләнбай киләләр

Түләнбай:

• Карале, никадәрле бала карап утыра икән үзебезгә!

Көрән:

-Шулай икән шул. Исәнмесез, балалар!

• Түләнбай:

• Безне таныгансыздыр инде, әйе бит? Төлке малае Түләнбай белән, Керпе малае Көрән булабыз без.

• Көрән:

- Ничек итеп керпе белән төлке малае дус булганнар әле, дип уйлыйсызмы?

Түләнбай:

- Ә безнең турында әкият ишеткәнегез бармы? Хәзер сөйлибез. Бу хәл менә болай булды.

Көрән:

- Әбәү, безнең әкияттә болар юк бит, кем бу?

Йөгер ә-йөгерә куян баласы керә, аларга бәрелә

• Түләнбай:

• Кая йөгерәсең болай?

• Көрән:

• Артыңнан төлке кудымы әллә?

Куян:

• Тизрәк килеп җитим дип ашыктым. Мине Кыш Бабай белән Кар кызы җибәрде. Монда кайдадыр балалар булырга тиеш. Яңа ел бәйрәмендә. Ә-ә менә икән алар. Балалар, сезгә Кыш Бабайдан хат алып килдем

• Түләнбай:

• Син ялгышасың. Балалар яңа елга дип килмәделәр.

Куян (хатны кулына тотып балаларга таба бара):

• Ничек бәйрәм тугел? Мин адаштым мыни? Нишлим инде хәзер?

Як- ягына каранып, Тылсымчы чыга.

Куян:

• Менә син кирәк инде миңа. Мине Яңа ел бәйрәменә җибәр әле.

Тылсымчы:

• Җилләр иссен кирегә, тылсым килсен бирегә, әфсен-төфсен куян китсен бәйрәмгә.(куян чыга, тылсымчы китәм дигәндә, куак артындагы куянны күрә)

• Нишләп уырасың? Сине бит бәйрәмгә җибәрдем мин.

Куян (2):

• Мин башка куян, куркак куян. Минем бүре буласым килә.

• Тылсымчы:

• Бүре бит ул явыз. Үкенмәссеңме7

Куян:

• Үкенмәм, үкенмәм.

• Тылсымчы:

• Җилләр иссен кирегә, тылсым килсен бирегә. Шушы куркак куянкай әверелсен бүрегә! (куян китә)

Көрән:

• Тылсмчы агай, урманда нишләп йөрисең? Кая ашыгасың7

Тылсымчы:

- Патша кызы Айсылу бик нык авырый икән, шуның янына барам. Бәлки ярдәм итә алырмын. (китә)

• Түләнбай:

• Патша кызы, ди. Без синең белән кая эләктек соң, Көрән?. Безнең әкияттә бит андый геройлар юк.

(Йөгереп Пәри малае керә, Түләнбайга бәрелә).

• Түләнбай:

• Күзең чыкканмы әллә? Кая чабасыә? Артыңнан куалармы7

• Пәри малае:

• Сөйләшеп торырга вакытым юк. Күлебезне күккә асып куям, дип утыра анда берәү. Шуңа күл тирәли ярышабыз. Кем тизрәк урап килә. (йөгереп чыгып китә)

• Көрән:

• Мин бернәрсә дә аңламыйм. Нинди күл, нинди тылсымчы, Кыш бабай хаты, пәри малае, патша кызы, бүрегә әверелгән куян. Мин акылдан шашам бугай. Балаларга әкият сөйлим дигән идем бит.

• Түләнбай:

• Аңладым, бугай.

• Көрән:

• Нәрсәне?

• Түләнбай:

• Бу геройлар барысы да Рафис абый Корбановныкылар.

• Көрән:

• Без дәме?

• Түләнбай:

• Без дә. Ә бу балалар шушы язучының юбилее уңаеннан үткәрелгән театр фестиваленә килгәннәр. Дөресме?

Көрән:

Алай булгач, балалар, сезгә безнең дуслык турында башка укучылар сөйләр .

Түләнбай:

• Әйдәгез, бергәләп карыйк.