Мероприятие " Хъах1ал къункъраби"

МБОУ «Гунибская СОШ»

Расул Х1амзатовасул " Хъах1ал къункъраби" к1одо гьабун т1обит1араб тадбир.

Тадбир х1адурана маг1арул мац1алъул муг1алим

Идрисова Р.Б.

2019 сон.

Ведущиял: 1.ц1алдохъан -10 кл.

2.ц1алдохъан -11кл.

1.Ведущий:

Ассаламу г1алайкум, хириял ц1алдохъаби!

2.Ведущий:Х1урматиял муг1алимзаби!

Жакъа нилъ данделъун руго дунялалдаго ц1ар арав, такрарлъи гьеч1ев шаг1ир-Расул Х1амзатовасул юбилей -97сон к1одо гьабун т1обит1улеб тадбиралда.

1.Ведущий.

Гьелдаго цадахъ жакъа киса-кибего т1обит1улеб буго Расулил «Хъах1ал къункърабазул» къоги.

Разият Б.

Видеоролик.

2.Ведущий.

Дагъистаналъул халкъияв поэт Расул Х1амзатов гьавуна 1923 соналъул 8 сентябралда Хунзахъ районалъул Ц!ада росулъ ,машгьурав шаг1ир Х1амзатил хъизамалда. Т1абиг1аталъги т1адег1анав бет1ергьанасги Расулие кьуна къанаг1атаб ва х1икматаб гьунар , бергьараб к1алзул пасих1лъи , рек1ел ц1одорлъи.

Ведущий 2

Дун Дагъистаналъул маг1арулазул

Ункъабилеб лъимер лъабабилев вас .

Дун гьавуна бищун мискинаб соналъ,

Маг1арулаз ракъун хер кунеб мехалъ.

Жеги нак1к1 бук1ана бац1ц1адаб зодихъ,

Жеги бац1 бук1ана рурулеб сардилъ,

Жеги кеторузил рук1ана гьаркьал

Ва бук1инч1о макьу къвек1ал ц1умазул.

Ведущий 1.

Лъабкъоялда анц1го ц1араки, цебехун мегъ, нахъехун кьураби ,сверухъ т1охдаса берталъе лъимал г1адин ,т1аде къуларал г1аздалал муг1рулги кьурабиги.

Ведущий 2.

Ракьул ч1абар бугеб ,ганч1ил къед бугеб,

Къаница бахчараб гьит1инаб рокъоб,

Дий дах1абабаца киниги к1ик1ун ,

Ах1улаан куч1дул бачунаан ахх.

(Нек1сияб бакъаналда гъоркь.)

(Сценаялда ясал рук1уна кини к1ибик1улел ,квас самулел , кун дургъулел)

(Кини к1ибик1улаго ,Пат1иматица ах1ула гьаб кеч1)

Кьижа, кьижа,дир Расул,

Духъ балагьун ракьалда ,

Рокьиги ццинги буго,

Рогьоги ц1арги буго.

Лаиллагьа иляллагь Мух1амад Расулюллагь.

Эбелалъ мун рокьуе

Гьавун вуго ракьалда ,

Куркьбал дицаги гъела

Кьижа, кьижа, дир Расул.

1.10 кл.ц1алдохъан «Дун гьавураб къо»

2.11 кл.ц1алдохъан

Инсуца ц1ар Расулин лъуна

Расул г1араб мац1алъ вакил раг1ула,

Дун кинаб ракьалъул щив васин кколев ,

Щай гьаб дунялалда духъ вач1ун вугев ?

Бице г1агараб ракь ,бокьулеб Ват1ан

Бокьун буго лъазе дирго х1акъалъулъ,

Дун хехаб хаселищ ,кват1араб ихищ

Я лъарал ,я пайда гьеч1еб гьурийищ?

Ц1ад къвариг1арабго щвараб бакъищ дун

Бакъ къвариг1арабго бараб горойищ,

Бице ,г1умруялъулъ гьеч1ищ дур маг1на

Г1ададайищ ракьалъ дун ваччун вугев ?

Идрисова Разият Баратиловна

Расулил вахъана к1удияв щаг1ир , гьесул асараз рохел щвезабуна ,маг1арулазе гуребги, дунялалъулго миллионал г1адамазе. Расул Х1амзатовасул т1олабго г1умру ва творчество бечедаб буго.Поэтасул аслиял темабазул цояблъун ккола халкъалъул вацлъи ,цолъи,гьудуллъи ва щулалъи.Киве кканиги , киг1ан рик1к1адал х1икматал улкабазде щваниги гьесул рак! ва пикраби кидаго г1агараб Дагъистаналда ,хирияб маг1арул т1алъиялда бук1унаан….

Ведущий 2

Расул Х1амзатов! Дунялалдаго машгьурав поэт ва прозаик.Гьесул х1акъалъулъ щибг1аги абизе нилъее ,г1адатияв чи- гьесул г1умруялъе, творчествоялъе къимат кьезе лъугьин киг1ан гьунар бугесухъеги бажаруларо.

Куч1дул рик1к1ула ясаз.

Ведущий 1

Расул Х1амзатов.

Ведущий 2

Шаг1ир. Философ.

Ведущий 1

Ц1адаса Х1амзатил вас, Пат1иматилги, Заремалги, Салих1атилги эмен.

Ведущий 2

Расул Х1амзатов! Лъабго ясалъул к1удаэмен.

Ведущий 1

Расул Х1амзатов! Кепав инсан, дипломат, талих1ав, бит1 бугев чи.

Ведущий 2

Расул Х1амзатов! Шолоховасул Твардовскиясул, Фадеевасул, Симоновасул гьудул.

Ведущий 1

Расул Х1амзатов! Ч1агояв классик. Легенда.

Ведущий 2

Расул Х1амзатов! Нусго т1ехьалъул автор, Пачалихъалъул премиялъул лауреат.

Ленинилаб премиялъул лауреат.СССРалъул Верховный Советалъул Президиумалъул член. Социалистияб зах1маталъул бах1арчи.

Кеч1 «Эбел» 6 классалъул ц1алдохъаби.

Видеоролик (Синдикъов)

Ведущий 2

Умумуз абула :Рахьдал мац1 лъаларес - чияралъулги адаб гьабуларилан» Гьединлъидал нилъер маг1арул мац1 бечелъизабизе, пасих1лъизабизе ,берцинлъизабизе щивав чиясулъ бижизе ккола гьелдехун рокьи. Маг1арул мац1 борхалъиялда бахизабурав, бечелъизабурав, г1адамазул рек1елъ гьеб бессинабурав шаг1ир ккола Расул Х1амзатов. Гьесул руго рек1елъ росулел асарал, рек1ехъе бигьаго лъазаризеги к1олел асарал.

Ведущий 1.

Маг1арулазул унго-унгояв шаг1ир, маг1арулазул ч1ух1и, ц1ар арав Ц1адаса Х1амзатил вас. Расулил кеч1 лъаларел маг1арулал рук1ине бегьиларо.

Ведущий 2

Салам дир хирияб, маг1арул миллат,

Нужго г1адатиял, г1акълу камилал

Гьаб т1абиг1аталъул т1аг1ам бич1ч1улел,

Т1адал наслабазе хилиплъуларел.

Ведущий 1

Ассаламу г1алайкум , маг1арул миллат,

Ккани рачел къалел, чуял кьололел,

Заман мехтаниги, мех гьет1аниги

Т1ад лъурал т1агъразул къадру рехич1ел.

Ведущий 1

Расул Х1амзатовасул асаразул буго бат1и-бат1ияб тематика.

Гьес хъвана Ват1аналъул х1акъалъулъ, т1абиг1аталъул , рокьул, эбелалъул, рагъул.х1акъалъулъ асарал.

«Къункъраби» абураб кеч1 гьес хъвана рагъдаса руссинч1ел рагъухъабазе. Гьеб кеч1 дунялалда чанго бат1ияб мац1алдаги ах1ула, г1емеразда рек1ехъеги лъала. К1удияб Ват1анияб рагъдаса руссинч1ел рагъухъабазе лъураб Хъах1ал къункърабазул памятник буго нилъер Гъуниб районалдаги. Щибаб соналъ, 9 сентябралда т1обит1ула гьениб байрам-«Хъах1ал къункърабазул къо».

Ведущий 2

Дида ккола рагъда камурал васал

Кирго рукъун гьеч1ин къанабакь лъеч1ин,

Муг1рул тун рик1к1ада хъах1ил зобазда

Хъах1ал къункърабазде руссун ратилин.

Кеч1 «Къункъраби» Зайнаб М. Видеоролик.

Ведущий 2

Расулица г1емерал асарал хъвана г1урус мац1алдаги. Ц1ар арал г1урус коч1охъабаз Расулил куч1дул ах1изеги ах1ула. Кобзоница ах1улаан, Леонтьевас, Лев Лещенкоца, София Ротароялъ, Газмановас, «Серебро» группаялъ ах1ула Расулил куч1дул.

Расул Х1амзатовас г1урус мац1алда хъвараб «Детство» абураб кеч1 рик1к1изе раг1и кьола Мух1амадов М..

Ведущий 2. 2003абилеб соналъул 3 ноябралда нилъедаса ват1алъана халкъалъего хирияв, ц1ар раг1арав, унго-унгояв раг1ул устар- Расул Х1амзатов. Шаг1ир кидаго шаг1ирлъун хут1ула. Унго-унгояв шаг1ир живго хваниги,гьесул ц1ар, асарал абадиялъго хут1ула нилъер рек1елъ.

Расул Х1амзатовасде гьарурал куч1дул рик1к1ула 9 кл.ясаз.

Г1абдулаева Зайнаб

Расул дир хирияв маг1арул шаг1ир

Муг1рул т1алъиялъул т1ерхьунареб ц1ва

Ункъого соние бет1ерги къулун

Къо лъик1ищ гьабураб гьанже нижее.

Дуца гьаб ракьалъе куркьбал гъун кьуна

Кьурабалъ рагъулел х1асратал куч1дул

Киналго мац1азда ах1улеб буго

«Хъах1ал къункърабазул» къваридаб сарин

Цо-цоял камуна эбел-инсуе

Эбелг1ан г1агараб г1ураб росдае

Цо-цоял камуна Дагъистаналъе

Расул, мун камуна дунялалъего

Бач1ана замана ц1арч1ван тараб бак1

Дуца къункърабазул къокъадулъ кколеб

Т1ураб рахас г1адин роржун унел гьез

Ана цадахъ вачун, Расул къо-мех лъик1.

Ведущий 2

Гьарула умумуз ирсалъе тараб

Иях1ги намусги маг1арулазе.

Гьарула г1асрабаз нахъе ц1унараб

Ц1арги г1аданлъиги даим нужее.

Ведущий 1

Расул Х1амзатов- «Дагъистаналъул вакил!»

Ведущий 2

Расул Х1амзатов- «Такрарлъи гьеч1ев шаг1ир!»

Ведущий 1

Гьалдалъун нижеца гьаб тадбир лъуг1изе толеб буго.

Ведущий 2

Баркала г1енеккаралъухъ.