М?тіндік ж?не графикалы? а?паратты ??деу

Оқушылардың функционалдық сауаттылығын қалыптастыру

Информатика пәнінің мұғалімі: Оспанбаева Бағлан Өмірғалиқызы

Сабақтың тақырыбы: Мәтіндік және графикалық ақпаратты өңдеу.

Сабақтың түрі: жаңа сабақ

Сабақтың мақсаты:

- оқушыларды мәтіндік және графикалық ақпаратты өңдеуге үйрету. Аралас құжат құра білуге баулу. Оқушылардың сыни тұрғыда ойлауын қалыптастыру;

- файлдан сурет қою мен «Paint+сурет» айырмашылығын анықтау. Мәтінге сурет қою тәсілдерін, әртүрлі жолмен қоюды үйрету.

Тәрбиелік: топпен жұмыс жасауға, достық қарым-қатынасқа тәрбиелеу, салт-дәстүрді дәріптеуге баулу.

Шығармашылық: ақыл-ойын, тіл байлықтарын, есте сақтау қабілеттерін дамыту, өз бетімен оқуға үйрету.

Сабақ барысы:

1. Ұйымдастыру кезеңі: амандасу, түгендеу, психологиялық ахуалды ретке келтіру.

2. Сабақтың мақсаты мен міндеттерін қою: 2 мин.

Топқа бөлу (қоржыннан нөмірленген асық алу, нөмір бойынша 4 топқа бөлу)

1. – топ «Қызылдар»

2. – топ «Жасылдар»

3. – топ «Көктер»

4. – топ «Сарылар»

1. Оқушылардың білім деңгейін анықтау: 2 мин

I – кезең: Топтық жұмыс: «Миға шабуыл» /әр топқа 1 сұрақтан беру, жауаптарын бағалату/

• Палитрада жаңа түстер құру үшін қандай негізгі үш түс қолданылады

• «Қызыл», «жасыл», «көк» сөздерін үш тілде (қазақ, орыс, ағылшын) айтып беріңіздер.

• Қандай мәтіндік редакторларды білесің?

• Мәтіннің элементтерін ата.

IY. Білімді өзектендіру:

I I– кезең: Топтық жұмыс: 10 мин (Тақырып бойынша әңгіме құрау, сол тақырыпқа сәйкес мақал-мәтел жазу, сурет салу)

«Менің отбасым», «Менің ұстазым», «Менің досым», «Мен бос уақытымды қалай өткіземін?» (тақырыптар жазылған тапсырманы әр топтан бір оқушы шығып алады, қай тақырып келсе, сол тақырыпты топ мүшелері бөліп орындайды)

Сұрақ-жауап: 2 мин

• Балалар, сендер қандай редакторларда жұмыс жасадыңдар?

• Әртүрлі программада орындалған тапсырманы біріктіруге болады ма?

• Paint графикалық редакторында салынған суретті, қандай жолмен мәтіндік редакторға кірістіруге болады?

• Кім көрсетіп береді?

Жаңа сабақты өздері түсінуге мүмкіндік жасау. 3 мин

1. тәсіл:

Мәтінге дайын суреттердің фрагменттерін қосу үшін алмасу буферін (суретті ашу, қажет фрагментті ерекшелеу, оны алмастыру буферінен мәтінге кірістіру) қолдануға болады.

1. тәсіл:

Егер сендер иллюстрациялар дайындап, оларды файлдарда сақтасаңдар, онда Кірістіру → Кескін бұйрығын пайдаланыңдар.

1. тәсіл:
   Мәтінмен жұмыс кезінде суретті Paint- салу (Кірістіру→ Paint суреті).

Сергіту сәті: 2 мин

YI. Бекіту:

III– кезең: 10 мин (Жаңа сабақты бекіту мақсатында 4 топқа тапсырма беру).

-Жаңа сабақты түсіндіру

-«Машина және кеме» тақырыбын жазу. Тақырыпқа сәйкес сурет салып, мәтінге кірістір. Қандай тәсілді қолданғаныңды түсіндір.

-«Мәтіндік және графикалық ақпаратты өңдеу» тақырыбына сызба (кластер) құрастыр.

-Жаңа тақырып бойынша диалог құрастыру, қорғау.

Қорытынды: 3 мин

-Бүгін біз не үйрендік?

-Суретті мәтінге қандай жолдармен қоюға болады?

-Неше тәсілмен қоюға болады екен?

YII. Бағалау: 4 мин

Әр топ бағалау парағы арқылы бірін – бірі бағалайды.

Рефлексия: 2 мин

Алдарындағы жүрекшелерге бүгінгі сабақтан алған әсерлерін жазып, тақтада ілулі тұрған «смайликтердің» астына іледі. «Ұнады» несімен ұнады, «ұнамады» не ұнаған жоқ.

YIII. Үйге тапсырма: 2 мин

«Мәтіндік және графикалық ақпаратты өңдеу» тақырыбын оқу, 184-бет, эссе жазу, бақылау сұрақтарына жауап беру.