М.Саттарова «Баарь»

Дата:27.02.2023г Урок№24 Класс:2

Предмет:литературное чтение на родном (крымскотатарском)языке

Учитель: АппазоваЭ.

Тема: М.Саттарова «Баарь»

Мевзу. М.Саттарова «Баарь»

Макъсат: баарь акъкъында талебелернинъ бильгилерини умумийлештирмек, тертипке кетирмек ве тешкермек; талебелернинъ нутукъларыны инкишаф этмек, тиль байлыкъларыны юксельтмек; табиаткъа севги ве урьмет ашламакъ.

Цель: обобщить, систематизировать и проверить знания учащихся по теме «Весна»; развивать речь, память и воображение; воспитывать любовь и уважение к природе

Планируемые результаты: метапредметные и личностные результаты (УУД)

Личностные:

формировать позитивное отношение к природе, развивать эстетические чувства, формировать нравственную ориентацию, развивать рефлексию

Познавательные:

формировать навыки работы с источниками информации: ориентироваться в тексте, анализировать и синтезировать прочитанное

Регулятивные:

действовать по инструкции; принимать и удерживать учебную задачу; контролировать себя при чтении; развивать навык контроля и самоконтроля; производить оценку действий своей деятельности и других учащихся

Коммуникативные:

формировать навыки учебного сотрудничества, вступать в общение, создавать высказывание

Дерснинъ чешити: янъы дерс огренмек

Донатмалар: презентация «Баарь», дерслик, индивидуаль варакъалар, ноутбук.

Дерснинъ кетишаты (Ход урока)

1. Тешкилий къысым (Орг. момент)

- Уйле! Кунеш энди чокътан кокте,

1. Эв вазифени тешкирюв (Проверка домашнего задания)

- Эвге не берильди? Насыл ишни беджердинъиз?

1. Таянч бильгилерини актуаллештирюв (Актуализация опорных знаний)

- Бакъынъыз, сёзлерде арифлер озь ерини джойдылар, оларгъа ярдым этмеге керек!

(Смотрите, буквы в словах потеряли своё место, им нужно помочь!)

Кечче, шемелев, лекбеко, къуртбал, дакъакъбар, гъачкъарыл.

(Чечек, мелевше, кобелек, балкъурт, акъбардакъ, къарылгъач)

- Машалла! Энди айтынъыз, бу сёзлерни не бирлештире?

(Молодцы! А теперь скажите, что объединяет все эти слова?)

- Догъру, бу гузель мевсим – баарь!

(Правильно, это прекрасная пора года – весна!)

- Баарьде табиат джанлана, тереклерде чечеклер ачыла, бу терек даа уянмады, келинъиз онъа ярдым берейик! Сизнинъ ралелеринъизде чечеклер бар, шимди бирер тахтагъа чыкъып баарьнинъ аляметлерини айтып, бу чечеклерни терекке япыштырынъыз.

- Машалла! Бакъынъыз, насыл дюльбер чечеклер бизим терегимизде ачты! О бизге пек лезетли, дюльбер мейва берер, мен беллесем! Онынъ ичюн онъа не керек? (сув, ава, минераль мадделер, кунеш, берекетли топракъ)

IV. Дерснинъ мевзусыны ве макъсадыны еткизюв (Сообщение темы и целей урока)

- Бугунь дерсте биз баарь акъкъында озь бильгилеримизни умумийлештиреджекмиз, тертипке кетиреджекмиз ве оларны тешкереджекмиз.

V. Алгъан бильгилерини ве къабилиетлерини пекитюв (Закрепление полученных знаний и умений)

1. Метинни маналарына корип тертип этюв

Акъбардакъ

Бутюн гедже биринджи баррь ягъмуры кольгели алчакъларда ве оба-тепе сыртларда сакълы яткъан къар къалымтыларыны иритип, сабагъадже ерни къап-къара этип ташлады.

Къуртнезир анасынен тарлагъа кетти. Орталыкъта даа ешиллик корюнмесе де, энди баарь кельгени белли. Узакъта къарарып тургъан зердали багъчасынынъ устю эрылгъан тюсте индже ве енгиль думаннен къаплы. Тазе топракъ къокъуй. Баарь авасы кокюс къафесинъни толдура, гонълюнъни хош эте, джоштура.

- Ана, ана, бакъ! Бакъ, ана! – деди Къуртнезир.

- Не о? – деп сорады анасы.

- Акъбардакъ! Сенинъ севген чечегинъ!

- Вай, балам! – деп къуванды Насибе апте.

Былтырки отлар арасында, ер тюбюнден баш котерип, дюнья юзюне бакъып тургъан бем-беяз чечекни корьди. Бу ильк баарь чечегинен онынъ энъ севинчли, энъ бахытлы куньлери багълы.

- Балам, замет олмаса, о чечекни манъа алып бер.

Огълу элине бир сюйрю таякъ алды да, акъбардакъны тамырчыгъынен чыкъарып, анасына узатты.

- Сагъ ол, эвлядым. Омюринъ узун, бу чечек киби темиз, тендюрист олсун, - деди анасы. – Биз оны эвде бир бош къутучыкъкъа отуртырмыз.

Бу кунь ягъмурлы, сылакъ олса да, олар ичюн пек къуванчлы ве хайырлы олды.

- Бу метиннинъ чешити насыл? (икяе)

- Икяедеки вакъиа йылнынъ къайсы мевсиминде олып кече? (баарьде)

-Икяенинъ баш къараманлары ким? (Къуртнезир ве Насибе апте)

- Не ичюн Къуртнезир чечекни тамырчыгъынен чыкъарды? (озь азбарда сачмакъ ичюн)

- Энди мен аудирлев вастасынен бильгилеринъизни тешкереджем.

Суаллер:

1. Биринджи баарь ягъмуры ерни не япты?

а) ешиллендирди;

б) къап-къара этип ташлады;

в) бузлатты.

2. Къуртнезир анасынен къайда кетти?

а) тарлагъа;

б) чёльге;

в) багъчагъа.

3. Зердали багъчасынынъ устюни не къаплады?

а) булутлар;

б) баарь къокъусы;

в) енгиль думан.

4. Ер тюбюнден насыл чечек корюнди?

а) ляле;

б) акъбардакъ;

в) мелевше.

5. Къуртнезир ве Насибе апте акъбардакъны не яптылар?

а) тарлада къалдырдылар;

б) чечекке тиймедилер;

в) эвге алып кеттилер.

6. Акъбардакъны корьгенде Насибе апте не ичюн къуванды?

а) чечек пек гузель эди;

б) о, баарь кельгенини бильдирди;

в) чечек онынъ энъ севинчли, энъ бахытлы куньлерини хатырлатты.

Раатлыкъ дакъкъа

Насыл дюльбер алма корьдик,

Ерлеримизден берабер турдыкъ,

Къолларымызны котердик,

Оны узьмеге истедик.

Алманы узьмек къыйын олды,

Чюнки ель котерильди.

Биз текаран секирдик

Ве оны узип алдыкъ.

2. Шиирлерни ифадели окъув (зынджырчыкънен)

с. 98-99, «Баарь», «Къырымнынъ баари»

Лугъат иш

Чочамий торгъай – бозторгъай – жаворонок

эзги – нагъме – мелодия, напев

чайыр – тогъай – луг

къыр – байыр – холм, возвышенность

орталыкъ – этраф – округа

сема – кок – небо

эректе – узакъта – вдалеке

- Баарьде насыл байрамларыны къайд этемиз? (аналар байрамы, Наврез, Хыдырлез)

- «Наврез» сёзю 2 къысымдан ибарет, «нав» - янъы, «рез» - кунь. Онынъ ичюн мартнынъ 21-инджи куню байрамгъа чевирильген, бу куньден башлап адамлар азбарларда, бостанларда ишлерни япмагъа башлайлар, ерни къазалар, чешит себзелерни сачалар.

3. Кроссворд (группада иш)-

- Шимди себзелернинъ адларыны хатырлайыкъ! Бу кроссвордны чезмек ичюн зарзаватларнынъ адларыны козенеклерге язынъыз, сонъ олар оськен ерини билирсинъиз.

- Энди бакъайыкъ, сиз догъру джевапларынъызны бердинъиз?

Джеваплар: 1. Бибер. 2. Къартоп. 3. Сарымсакъ. 4. Патильджан. 5. Бакъла. 6. Согъан. (Бостан)

- Сиз озь бостанда нени сачтынъыз?

Раатлыкъ дакъкъа

Къолунъызны узаттыкъ, шавлени туттыкъ, о бизим башымызны, къулагъымызны, къашларымызны, янакъларымызны, омузларымызны сыйпады. Къолуны узаттыкъ, шавлени ёлладыкъ.

V. Умумийлештирюв (Обобщение)

VI. Нетидже (Итог урока)

- Дерсимизге екюн чекеджемиз. Насыл мевзу устюнде чалыштыкъ? Не акъкъында лаф алып бардыкъ?

- Баарь насыл?

- Баарь не япты?

- Баарь сёзюнен джумле тизинъиз.

- «Баарь» сёзге насыл синоним, я да якъын сёз къоймагъа мумкюн?

- Бугунь дерсте сиз пек яхшы чалыштынъыз, сизнинъ аудирлевни тешкерген сонъ, мен сизге баалларыны къоярым.

VII. Эв вазифе (Домашнее задание)- Китапларымызны япайыкъ)

Тек бир дакъкъагъа

Чюнки эр вакъыт ве эр дакъкъа

Тенеффюсте ве дерсте

Китап акъыл огрете,

Мераметликке джельп эте.

Ишинъизнен мемнюним мен

Сагъ олунъыз, чалыштынъыз!

Эр биринъиз баа къазандынъыз,

Эль ярдымын узаттынъыз-

Дерс битти. Сагъ олунъыз, эпинъиз бошсыз.

5