18-19-г1а урокаш.
Урокан ц1е: Хь.Саракаев «Асвадан адамалла».
1алашо: Хь.Саракаевн дахар, кхолларалла,дийцар «Асвадан адамалла» довзийтар; нийса а,шера а, кхеташ а дийцаран текст еша 1амор; текст дакъошка екъа, царна ц1ераш тахка 1амор, чулацам талла; къинхетам, адамалла кхиор.
Юкъара дешаран ардам
1.Предметни: 1емар ду шайн дагахь а ,хезаш а дийцаран текст еша, чулацам шайн кхетамехь т1еэца; 1емар ду чулацам схьабийца.
2. Метапредметни
Регулятивни: 1емар ду хьехархочун г1оьнца урокан коьрта 1алашо билгалъяккха, и кхочушъян некъаш къасто; 1емар ду шайн белхан кхиамаш тидаме эца, царех кхин д1а а пайдаэца.
Коммуникативни: 1емар ду хьехархочун хаттаршна дуьззина жоьпаш дала; адамийн дикачу амалах лаьцна дийца 1емар ду; къамелан оьздангалла кхуьур ю.
Х1ума довзаран: 1емар ду текстаца болх бан, чулацам талла, цуьнах нийса кхета,шайна пайдениг каро; алсамдер ду ойлаяр, тидамбар, кхетам кхуьур бу.
3. Личностни: 1аламе къинхетам болуш ,шеен амалехь цунна зен дан лаам д1ататтар.
УРОК Д1АЯХЬАР.
I.Ц1ера болх таллар.
Хь.Хасаевн «Бен» дийцар схьадийцар.
II. Мотт шарбар.
-Д1аеша байт.
Къу
Тукхас баьккхи ц1улла сара:
«Хьенан киснахь1уьллу кара?»
Х1инца б1аьргаш хьабба ву
Вайха говза волу къу.
(Ш. Хасаров)
-Д1аеша меллаца массара цхьана.
-Д1аеша хезаш массара цхьана.
-Х1ун олу ишттачу произведенех? (Дагардар).
-Кхин муьлха дагардарш девза шуна?
III.1алашонаш билгалъяхар.
-Карае еък1овш чохь д1алачкъийна ц1е. Шуна хуур ду: муьлхачу яздархочун произведении йоьшур ю вай тахана.
ХЬА | АВ | ЗА | РЛ | БЕ | ДБ | ВИ | РИ | СА | ХО | КА | Д |
ТИ | М | Р | Т | ДО | КО | Жо | Ч | ЗЕ | РА | Р | ЕВ |
-Мила ву иза? (Хьамзат Бекович Саракаев).
-Муьлха произведени евзар ю вайна тахана? (Дийцар «Асвадан адамалла»).
-Хьанна хаьа шуна: х1ун ю адамалла? (Дешархойн жоьпаш).
IV.Керла тема хьехар.
1. Яздархочух лаьцна дош.
ШШШШШШШШШШШШШШШШШШШШШШШШШШШШШШШШШШШШШШШШШШШШШШШШШШШШШШШШШШШШШШШШШШШШШШШШШШШШШШШШШШШШШШШШШШ
2.Хьехархочо кхетош д1адоьшу Хь.Саракаевн «Асвадан адамалла» дийцаран 1-ра дакъа.
3. Чулацам бийцаре бар.
-Мила вудийцаран коьрта турпалхо?
-Стенга ваханера Асвад ? (Ч1ерий леца).
-Самукъане варий Асвад ? Х1унда?(Самукъане вацара Асвад. К1езиг ч1ерий дара Асвада лецнарш).
-Муха дара де? (Де малх а кхетта хаза дара).
-Х1ун хезира Асвадана шена т1ехьа ? (Шах-ших деш хезира).
-Х1ун яра и ? (Г1аз а ,цуьнан к1орни а яра).
-Х1ун дира к1анта? (Карара х1уманаш охьа а тийсина т1аьхьа велира г1езашна).
-Дика дуй ишттаниг дар? (Дац).
-Х1унда ? (Моссо а х1ума Дала маьрша кхоьллина, цунна зен дан мегар дац).
-Х1у хаьа шуна йоккхачу г1езах? (Иза т1ема а яьлла гена елира).
-Х1ун дира жимачо? (Цуьнан т1емаш ч1аг1делла дацара ,цундела и т1ома а цайолуш едира).
-Х1ун дора йоккхачу г1езо? (Мохь беттара шен к1орнига «Ядалахь, к1елхьаръялалахь!» -бохуш).
-Муха к1ант хетта шуна Асвад? Адамалла юй цуьнан?
-Х1унда ? (Иза наний , к1орний вовшех хадо г1ерташ ву, ишттаниг мегар
дац).
-Аша х1ун эр дара Асваде? (Берийн жоьпаш)
-Шуна х1ун хаьа наний – беррий вовшех кхастийча хуьлучу къинах лаьцна?
V. Сада1аран миноташ.
Музыканташ
Цкъа хьалха бераша ше дагца йиш локхуш санна сурт х1оттадо.
1. Ас ше дагца йиш локху,
Т1или-ли-т1или-ли.
Бай т1ехь ловзу мошарчий,
Т1или-ли-т1или-ли.
Ткъа х1инца вотанца:
Дум - бум - дум - бум,
Т1ах - т1их - т1ах.
Кхераделла мошарчий,
Левчкъи уьш куллах.
VI.Керла тема кхин д1а а хьехар.
Дешархоша д1адоьшу Хь.Саракаевн «Асвадан адамалла» дийцар.
Чулацам схьабийца кечам бар.
-Стенгара вог1ура Асвад? Д1аеша к1айдар.Ц1е тилла цунна. (Ч1ерий леца ваханчура вог1ура Асвад).
-Муха гира цунна бад? Д1аеша к1айдарг. Ц1е тилла цунна. (Г1аз,г1езан к1орни хааелира Асвадана).
-Х1унда г1ерта Асвад г1езан к1орни лаца? Д1аеша к1айдарг. Ц1е тилла цунна. (Авад г1езан к1орни лаца х1утту).
-Схьабийца чулацам.
3. Кхоллараллин болх.
-Бераш, аша х1ун эр дара Асвде? Д1аязде кехаташ т1е Асвде шаьш эн дерг.
VII.Жам1 дар.
-Муьлха произведени евзира шуна?
-Мила ву цуьнан автор?
-Х1ун хьоьху цо вайна?
VIII.Рефлекси.
-Х1ун кхиамаш бехи аша?
-Къастаде шайна нийса хетта жоьпаш.
1аламехь массо х1ума маьрша кхоьллина.
1аламехь шена луург схьалаца,ловзо мега.
Асвадас к1орни лаьцча вон дац аьлла хетта сунна.
Асвадах ледарло яьлла аьлла хетта сунна.
IX. Ц1ахь бан болх балар.
Х.Саракаевн «Асвадан адамалла» дийцаран 1-ра дакъа схьадийца кечам бар.
УРОК Д1АЯХЬАР.
I.Ц1ера болх таллар.
Дешархоша схьадуьйцу Хь Саракаевн «Асвадан адамалла» дийцаран 1-ра дакъа.
II. Мотт шарбар.
-Д1адеша чехкаалар.
Цициго цастар цергашца цоьсту.
-Д1адеша дешдакъошца массара цхьана.
-Д1адеша дешнашца массара цхьана.
-Дагахь 1амаде. Нийса а, чехка а схьаала.
III.1алашонаш билгалъяхар.
-Муьлха дийцар долийра вай селхана?
-Стеннагхь чакхделира 1-ра дакъа?
-Стенна сингаттам бу шун?(Асвада г1езан к1орнех х1ун дийр ду ца хаьаш).
-Хьан ешна аша чаккхе?
IV.Керла тема хьехар.
2.Хьехархочо д1адоьшу Хь.Саракаевн «Асвадан адамалла» дийцаран 2-г1а дакъа.
3. Чулацам бийцаре бар.
-Х1унда лецира Асвдада г1езан к1орни? (Г1аз ца лацаелира цунна. И ца лацаелча х1уьттаренна лецира).
-Муха д1айоьхура нана-г1езо шен к1орни? (Нана мохь а хьоькхуш,шеен хуучу маттаца к1орне д1айоьхуш т1ехьайоьдура к1антана).
-Х1ун бахьна дара к1анта г1езан к1орни д1ахецар? (Цунна дагадеара ша базарахь вар. Ша вайча шен ненан холчах1оттар).
-Стенах кхийтира иза? (Ша къастийнарш нана-бер хиларх кхийтира. Ша деш дерг доккха вон хилар хиира).
V. Сада1аран миноташ.
VI.Керла тема кхин д1а а хьехар.
Дешархоша д1адоьшу Хь.Саракаевн «Асвадан адамалла» дийцараран 2-г1а дакъа.
Хоржуш ешар.
-Д1аеша г1езан к1орни схьалацарх лаьцна йолу к1айдарг.
-Асвадан муха амал гойту оцу г1уллакхо? (И къинхетамбоцуш адам ду).
-Х1унда?( Иза шеек вай г1езо мохь хьекхарх, цуьнан балех кхеташ вац).
-Муха хьал дара г1езехь? (И холчохь яра. Т1ехьара ца йолура иза к1антана).
-Х1ун боху яздархочо цунах лаьцна? («Нана ма яра иза…»).
-Д1аеша Асвадана дагадеанчух лаьцна.
-Х1ун дира цо? Д1аеша к1айдарг.
-Муьлха аматаш гучудоху Асвадан оцу г1уллакхо? (Цуьнан амалехь къинхетамна, адамаллина меттиг бу).
-Х1унда тиллина дийцарна иштта ц1е? (Дешархойн жоьпаш).
3. Кхоллараллин болх.
-Дийцаран хьайна хазъеллачу к1айдаргана сурт дилла.
VII.Жам1 дар.
-Муьлха дийцар дийшира вай?
-Стенах самукъадели шун?
VIII.Рефлекси.
IX. Ц1ахь бан болх балар.
Хь.Саракаевн «Асвадан адамалла» дийцаран 2-ра дакъа схьадийца кечам бар.