Компетенттуулук

Компетенттүүлүк

Компетенттүүлүк

Аңдап түшүнүү

Ушул эки сөзгө аныктама берип көрсөк, ким кандай түшүнөт?

Эми экөөнүн ортосунда кандай байланыштуулук бар?

Биз окуучунун өнүгүүсүнө мугалим өбөлгө түзө турган ой жүгүртүү деңгээлдерин карап чыктык. Эми узак убакыт бою аракеттенип, кайсы бир белгилүү көндүмдү, мисалы, китеп окуу көндүмүнө ээ болгондо эмне болорун түшүнөлү. Кайсы бир көндүмгө ээ болуу кандайча жүрөрүн түшүнүү үчүн компетенттүүлүк менен аңдап түшүнүүнүн ортосундагы байланыштуулукту көрө билүү керек.

• Мугалим болуп иштей баштаган кезде сиздер сабактын планын жазууга канча убакыт жумшачу элениздер?
• Эмне учун?
• Ал эми азырчы?

15 мүнөт ичинде текстти окуп чыгып, схеманы талдаңыздар да, төмөнкү суроого жазуу түрүндө жооп бериңиздер: Компетенттүү болуу үчүн окучу сиздин сабак боюнча эмнелерди билиши, иштей алышы керек? Жазууга -5 мүнөт, талкууга-10 мүнөт.

Сиздер кандай максатта окутуунун интерактивдүү методун колдоносуздар?

Болжолдуу жооп: Окутуунун интерактивдүү методун колдонуубуздун себеби, биргелешип иштеген учурда: Окуучулар маалымат гана албастан, эмне үчүн маселе чечүүнүн өздөрү тандаган методдун туура же башка варианттардан артык экенин логикалык жактан түшүндүрүүгө умтулушат. Окуучулар ойлорун салмактап туруп айтышат. Анткени алар логикалык негизсиз корутундулар топтун башка мүчөлөрүнүн сынына туш болоорун түшүнүшөт. Интерактивдүү иш үстүндө окуучулар мурда билген маалыматтарын топтун мүчөлөрүнөн, мугалимден келип түшкөн жаңы маалыматтар менен салыштыра алышат. Бүт класстын алдында же мугалимге жалгыз туруп өз оюн айтуудан тартынган окуучулар курдаштарынын чакан тобунда айтышы мүмкүн. Окуучулар топтун башка мүчөлөрүнүн ойлору өзүнүкүнөн башкача болуп калышы мүмкүн экендигин түшүнө баштайт. Маселени чечүүдө чыгарууда эки же андан көп окуучунун билими, баалуулуктары жана көндүмдөрү пайдаланылат. Билимдин жалпы жыйындысы бир окуучунун билиминен далай эле жогору.