Компьютерде моделдерді зерттеу және модел жасаудың негізгі кезеңдері

Күні_______________

Информатика 8 сынып

Компьютерде моделдерді зерттеу және модел жасаудың негізгі кезеңдері

Сабақтың тақырыбы: Компьютерде моделдерді зерттеу және модел жасаудың негізгі кезеңдері
Сабақтың мақсаты:
а) білімділігі: оқушылардың модель, модельдеу, модель түрлері туралы түсініктерін қалыптастыру.
ә) дамытушылығы: оқушылардың ақыл - ой өрісін, танымдық қабілетін дамыту.
б) тәрбиелілігі: оқушыларды ұқыптылыққа, әсемдікке баулу, шығармашылық қабілетін арттыру.
Сабақта қолданылатын көрнекті құралдар: жұмыс дәптері
Сабақтың әдіс - тәсілдері: Көрсете түсіндіру, топтық, тапсырмалар орындау

Сабақтың өту барысы:
І. Оқушыларды ұйымдастыру. (2 минут)
ІІ. Топқа бөлу
ІІІ. Үйге берілген тапсырманы тексеру.
ІV. Жаңа тақырыпты түсіндіру.
V. Болашаққа көзқарас, «Экспо – 2017» ой толғау жазу
VІ. Қорытындылау
VІІ. Бағалау.
VІІІ. Үйге тапсырма беру.

ІІІ. ӨТКЕН ТАҚЫРЫПТЫ ҚАЙТАЛАЙ ОТЫРЫП,
ҮЙ ТАПСЫРМАСЫН ҚАЙТАЛАУ (10 минут)

1. Алгоритм дегеніміз не?
Жауап. Орындаушының белгіленген мақсатқа жетуіне бағытталған түсінікті де дәл ұйғарым алгоритм деп аталады.
2. Паскаль тіліндегі программа неше бөліктен тұрады және оларды ата?
Жауап. 3 бөліктен тұрады: тақырыптық, сипаттау, операторлар бөлімі
3. Идентификатор дегеніміз не?
Жауап. Идентификатор – міндетті түрде әріппен басталатын сандар мен әріптердің тізбегінен тұратын атау.
4. Сызықтық алгоритм дегеніміз?
Жауап. Сызықтық алгоритм дегеніміз – қарапайым, яғни командалары бірінен соң бірі тізбектей орындала беретін алгоритм.
5. Тармақталу алгоритмі дегеніміз?
Жауап. Тармақталу алгоритмі дегеніміз – орындалатын әрекеттер екі шартпен орындалады. «Иә» және «Жоқ».
6. Циклдік алгоритм дегеніміз?
Жауап. Циклдік алгоритм дегеніміз – командалары бірнеше рет қайталанып келетін алгоритмдер.
7. Паскаль тіліндегі стандартты типтерді ата.
Жауап. Бүтін, нақты, логикалық, тіркестік мәтіндік
8. Алгоритмдік тіл дегеніміз не?
Жауап. Алгоритмдік тіл – бұл алгоритмдер мен олардың біртекті және дәл жазбаларына арналған белгілер мен ережелер жүйесі
9. Операторлар – меншіктеу операторы, басқару операторы, функция мен процедураларды анықтау операторлары
10. Паскаль тіліндегі стандартты типтер – бүтін, нақты, логикалық тіркестік мәтіндік
11.

ІV. ЖАҢА САБАҚТЫ ТҮСІНДІРУ

Модель дегеніміз – нақты объектіні, процесті немесе құбылысты ықшам әрі шағын түрде бейнелеп көрсету.
Модельдеу – объектілерді, процестерді немесе құбылыстарды зерттеу мақсатында олардың моделін (макетін) құру.
Модель – көрнекі түрде жазбаша жоспар, сызба ретінде жасалады.
Бір объект (процесс, құбылыс) үшін әр түрлі модель жасалуы мүмкін.

МОДЕЛЬДЕРДІҢ ҚОЛДАНЫЛУ САЛАСЫНА ҚАТЫСТЫ ЖІКТЕЛУІ:

ОҚУ МОДЕЛІ – көрнекі оқу құралы, әр түрлі машықтандырушы, үйретуші программалар түрінде болуы мүмкін.

ТӘЖІРИБЕЛІК МОДЕЛЬ – жобалау объектісінің кішірейтілген немесе өте майда объектілер үшін олардың үлкейтілген көшірмесі болып табылады.

ҒЫЛЫМИ ТЕХНИКАЛЫҚ МОДЕЛЬДЕР – процестер мен құбылыстарды зерттеу мақсатында құрылады