Классный час "Фыдыбæстæйы Стыр хæсты фæндæгтыл"

Темæ: Фыдыбæстæйы Стыр хæсты фæндæгтыл

Нысан: Саразын ахæм уавæртæ, цæмæй сывæллæттæ зонгæ кæной, Фыдбæстæйы Стыр хæсты рæстæджы ирон адæм цы хъæбатырдзинæдтæ равдыстой, уыдонимæ.

Хæстæ: 1. Ахуыргæнинæгты цымыдис кæнын фыдыбæстæйы

истории ахуыр кæнынмæ.

2. Фыдыбæстæйы стыр хæсты рæстæджы адæм цы стыр

лæгдзинæдтæ равдыстой уыдон нымайын æмæ сын кад

кæнын.

3. Рæзын кæнын скъоладзаутæм цымыдисдзинад сæ

бинонты æмæ мыггаджы истории ахуыр кæнынмæ

Урочы цыд: (хъуысы хæстон зарæг)

1. аг ахуыргæнинаджы ныхас:

1941 азы сусæны мæйы 22 боны германы ´фсæдтæ мæнгардæй æрбабырстой Советон Цæдисмæ. Афтæмæй райдыдта Фыдыбæстæйы стыр хæст. 1418 боны æмæ ´хсæфы цыдис тугкалæн уæззау хæст. 26 милуанмæ æввахс Советон адæмы царды аскъуыдта хæст.

1941 азы Ирыстонæй хæстмæ ацыд 40 186 лæджы. 1941 – 1945 азты дæргъы та 89 934. Уыдонæй йæ Райгуырæн бæстæм нал сыздæхт 45 500 хæстоны.

2 – аг ахуыргæнинаджы ныхас: Ирыстоны ис 450 цыртдзæвæны æмæ зæрдылдарæн бынæттæ Фдыбæстæйы Стыр хæстимæ баст. Æвæрд сты алы хъæуты æмæ сахарты, хæст кæм цыд, уыцы бынæтты, заводты æмæ ахуырæдты кæртыты.

Ахæм цыртдзæвæн ис Куырттаты комы дæр. Цыртдзæвæн æвæрд æрцыдис Барзыхъæуы хъæуы сæрмæ гыццыл уæбауыл. Скодта йæ скульптор Цорæты Дауырбег. Цыртыл фыст сты, Куырттатæй Фыдыбæстæйы Стыр хæстмæ чи ацыд æмæ йæ цард райгуырæн бæстæйы сæраппонд чи радта, уыдоны нæмттæ. Алы аз дæр 9 Майы адæм комы алы хъæутæй æрцæуынц цыртдзæвæны размæ æмæ, Фыдыбæстæйы Стыр хæсты йæ цард чи радта, уыдоны æрымæсынц.

180 æфсæддоны ацыд Куырттаты комæй, уыдонæй 124 нал сыздæхт йæ фыдыуæзæгмæ.

Ахуыргæнæджы ныхас: Нæ комæй хæстмæ ацыд æмæ сыздæхт, уыдонæй иу у Хæрисджынæй Мырзаганты Атруры фыды фыды фыд Мырзаганты Сахъман. Ныртæккæ уын Артур радзурдзæн йæ мыггаг æмæ йæ фыдæлы хæстон фæндæгты тыххæй.

Мырзаганты А. амоны йæ призентаци

Ахуыргæнæджы ныхас:

Фæлтæр фæлтæры ивы, дарддæрæй дарддæр кæнынц Фыдыбæстæйы хæсты цаутæ. Фæлæ мах хъуамæ ма бауадзæм рох кæнын, нæ фыдæлтæ Германы фшистты ныхмæ хæсты цы сгуыхтдзинæд равдыстой, уый. Хъуамæ нæ зæрдыл дарæм Фыдыбæстæйы цыты ном чи айхъуысын кодта уыдоны. Нæ фыдæлты цыт æмæ хъæбатырдзинад мах хъуамæ ныууадзæм нæ кæстæр фæлтæртæн фæзминагæн.