"Яланджынынъ эви янгъан, кимсе инанмагъан" икяеси. Работа над рассказом "У вруна дом сгорел, никто не поверил".

12.10 Дерс №6. 2 сыныф окъув дерси

Мевзу: «Яланджынынъ эви янгъан, кимсе инанмагъан» икяеси устюнде иш.

Макъсат:

Шахсий нетиджелер: окъувгъа меракъ догъурмакъ, ялан айтмамакъны огретюв;

Регулятив УУД: талебелернинъ оджа ярдымынен дерстеки арекетлернинъ макъсадыны тайинлемек, бирликте чалышувы, бераберлик муитини асыл этмек; сыныфта нутукъ медениетини юксек севиеге котермек ичюн ярыш муитини яратмакъ; нутукъ байлыкъларыны арттырув;

Мерифет УУД: метин устюнде чалышув; мевзу ве гъаесини тапув; анълашылмагъан сёзлернен чалышмакъ; яланджынынъ арекетлерине къыймет кесюв; яланджылыкъ акъкъында лаф юрьсетюв;

Коммуникатив УУД: озь фикирлерини агъзавий ве язма шекильде ифаде этмек; динълемеге ве башкъаларнынъ айткъанларыны анъламакъ; озюнинъ ве башкъаларынынъ япкъан ишлерине къыймет кесмек; нетиджелер чыкъармакъ.

Дерс шекили: янъы мевзуны анълатув

Таминлев: китап (с.115-116), ресим.

Дерс кетишаты

1. Тешкелий момент. Талебелернен селямлашув.

2. Эв вазифесини сорав. Тезайтымны ве сайымны эзберден айтув.

3. Дерснинъ мотивациясы. Берильген арифлерни догъру тертипке кетирип, мевзуны тапмакъ, макъсатларыны тайинлемек.

А Л Н Я Ы Дж

1. Янъы мевзуны анълатув.

1. «Яланджынынъ эви янгъан, кимсе инанмагъан» икяесини ифадели окъув. (с.115-116)

2. Лугъат иши. Анълашылмагъан сёзлернен чалышув.

• Яланджы – врун

• Падишалыкъ – царство, государство

• Юкъу серсемлигинден – спросонья

• Джемаат – народ

• Чапчакъ – бочка

• Керчектен – действительно

• Инанмай – не верят

3. Физдакъкъа.

V. Пекитюв.

1. Суаллерге джевап берюв.

А) Падишалыкъта ким яшагъан?

Б) Яланджы гедженинъ бир маалинде не япмагъа башлай?

В) Джемаат не япа?

Г) Керчектен не ола?

Д) Адамлар чыкъалармы? Не ичюн?

Е) Бу метин бизни неге огрете?

2. Икяени «Зынджырчыкънен» ифадели окъув. (с. 115-116)

3. Аталар сёзюнен чалышув.

Бабасыны алдаткъан, эльни де алдатыр. (Эль – народ) Бу аталар сёзюни насыл анълайсыз? Бизим метинге келишеми?

VI. Рефлексия.

- Бугунь насыл метинни окъудыкъ?

- Не ичюн яланджынынъ эви янгъан?

- Икяени бегендинъизми?

VII. Дерснинъ нетиджеси.

VIII. Баалар къоюв.

IX. Эв вазифеси: с. 115-116 окъумакъ, суаллерге джевап бермек.