Физминуткэхэр. Ублэп1э классхэм апае.

Хьак1э

- Непэ хьакIэу сыкъэкIуагъ.

- Лъэшэу, лъэшэу ар тигуапэ.

- Непэ мафэр, кIэлэцIыкIухэр,

Шъо сыдэущтэу къэжъугъэкIуагъа?

- Жьэу пчэдыжьым тыкъэтэджи,

Тэ зарядкэри къэтшIыгъ.

- Сыдэущтэу?

- Мары, мары,

Джыри мары.

- Ащ ыужым?

- Мэзым тыкIуагъ,

ХьаIу къэтшыпыгъ.

- Сыдэущтэу?

- Мары, мары,

Джыри мары.

- Ащ ыужым?

- ЕджапIэм тыкIуагъ,

Адыгабзэр зэдгъэшIагъ.

- КIэлэцIыкIухэр, джы сэлъэгъу-

Мафэр дэгъоу шъо жъугъэкIуагъэ.

- ХъяркIэ.

- ХъяркIэ.

1унк1ыбз.

Пчъэм 1унк1ыбзэр джы пылъагъ.

Къы1уихын хэт ылъэк1ын?

Текъудыи…

Тэгъэсысы…

Джы тытео…

Къы1утхыгъ!

Буратино

Буратино зекъудыи,

Зы – зеуфэ,

Т1у - зеуфэ,

Щы - зеуфэ,

Ы1эхэри къызэк1ещы,

И1унк1ыбзэ тыдэ щы1?

Тынэсыным пае ащ

Лъэпэпц1ыеу тыжъугъэуцу.

Тхьак1умк1ыхь.

Шык1эпщынэм сэ сыкъео:

Ти- ли- ли, ти-ли-ли.

Тхьак1умк1ыхьэри къэшъох.

Ти- ли- ли, ти-ли-ли.

Балалайкэм джы сыкъео:

Тренди-брен, тренди-брен!

Тхьак1умк1ыхьэри къэшъох.

Тренди-брен, тренди-брен!

Ащ ыужым барабаным:

Бум-бум-бум, бум-бум-бум,

Тхьак1умк1ыхьэр къэщтагъэх,

Мэзым псынк1эу чъэжьыгъэх.

Пэк1э сурэт тэш1ы.

Сабыихэр буквэм еплъыхэшъ, агу раубытэ. Ащ ыужым анэхэр зэфаш1ых, пэк1э буквэр къатхыжьы.

Мышъэр

Мышъэ лъэк1эп1ащэр

Мэзышхом къырэк1о,

Шишкэхэр къешыпых,

Орэдыр к1е1ук1ы.

Шишкэр къелъэтэхышъ,

Мышъэм ышъхьэ къефэ.

Мышъэр къэгубжыгъэу,

Лъакъохэмк1э тепк1э.

Угу рихьымэ, къэш1.

Угу рихьымэ джы

Ори къэш1 (два щелчка пальцами над головой)

Угу рихьымэ джы

Ори къэш1 (повторяется)

Угу рихьымэ джы

Уиныбджэгъуи егъэлъэгъу.

Угу рихьымэ джы

Ори къэш1 (движения повторяются)

(Дальше слова повторяются, движения меняются: два хлопка в ладоши, два хлопка по коленям, два притопа ногами)

Угу рихьымэ джы

Зэк1э къэш1 (все движения повторяются)

Угу рихьымэ джы

Сэ къыса1у: «Дэгъу дэд!»

Угу рихьымэ джы

Сэ къыса1у: «Дэгъу дэд!»

Угу рихьымэ джы

Уиныбджэгъухэм ягъэлъэгъу.

Угу рихьымэ джы

Сэ къыса1у: «Дэгъу дэд!»