ՄԱՐԴԸ ԵՎ ԲՆՈՒԹՅՈՒՆԸ
Դասարանը նախապես բաժանել 5 Խմբի
Մատյանը լրացնել
Հաշվառում կատարել
Դասի նպատակը- կրկնել «Երկրագնդի բնությունը » թեման և նախապատրաստվել թեմատիկ գրավոր աշխատանքի:
Խմբերին հանձնարարված էր տանը որևէ մայրցամաքի և օվկիանոսի
Մասին տեղեկություններ հավաքել և ներկայացնել:
Մինչ աշակերտները կպատրաստվեն տնային հանձնարարությունը ներկայացնելուն, դիտենք տեսանյութը:
«ԱՇԽԱՐՀԻ ՍՏԵՂԾՈՒՄԸ» տեսանյութի դիտումով:
Երկրագնդի բնությունը կազմված է կենդանական և անկենդան բնությունից:
Մեր երկիր մոլորակը ընդամենը մի փոքրիկ մարմին է տիեզերքում , որտեղ
Կա հավերժական կյանք ,լինելիություն, շարժում : Այստեղ մեռյալ ոչինչ չկա , անօգտակար ոչինչ չկա , այն հմայում է ձգում դեպի իրեն , ոգևորում ,
և միայն մի պատճառով ՝ աշխարհն ու բնությունը բնական են , կատարյալ:
Բնությունը արարիչն է բոլոր արարածների , այդ թվում և՛ մեր՝ մարդկանց:
Մարդիկ կախման մեջ են բնությունից , վերջինս էլ կախման մեջ է մարդուց. Նա ստեղծել է մարդուն ՝ մարդը վերափոխում է նրան: Ամեն ինչ փոխվում է , բայց ոչինչ չի կորչում:
Մարդուն մնում է երկու բան՝ 1. Հասկանալ աշխարհը և
2. Սիրել այն
Այժմ Ներկայացնել աշխատանքները ,փաքցնելով համապատասխան մասում:
Խումբ 1 1. (Սլայդ 1,2)
Հնդկական օվկիանոս, մեծությամբ և խորությամբ Երկրագնդի երրորդ օվկիանոսը, որը կազմում է երկրի ջրային մակերեսի 20 %-ը։ Ամենախորը կետը գտնվում է Զոնդյան փողրակում (7730 մ) Ամենաաղի օվկիանոսն է:
Ավստրալիա Այն աշխարհի վեցերորդ երկիրն է իր զբաղեցրած տարածքով։
Ամենափոքր ,ամենաչոր և ամենասակավաբնակ մայրցամաքն
է: Այն արտասովոր մայրցամաք է :Ավստրալիայում
պահպանվել են շատ բույսեր ու կենդանիներ , որոնց
նմանները վաղուց ոչնչացել են մյուս մայրցամաքներում:
Դրանց թվին են պատկանում էվկալիպտների բազմաթիվ
տեսակներ և ակացիաներ: Ավստրալիայում շատ են
պարկավոր կենդանիները՝ ագեվազը (կենգուրուն) ,պարկավոր
արջը (կոալան արջ չէ ,նա միակ արարածն է ,որ կարող է ուտել
էվկալիպտի թունավոր տերևները), թասմանյան դևը: Միայն
այստեղ են բնակվում
յուրօրինակ կաթնասուններ՝ եքիդնան և բադակտուցը:
ԽՈՒՄԲ 2 1. (Սլայդ 3,4)
Ատլանտյան օվկիանոս - Ատլանտյան օվկիանոս ( զբաղեցրած տարածքի
մեծությամբ և խորությամբ Երկիր մոլորակի երկրորդ
օվկիանոսն է Խաղաղ օվկիանոսից հետո:
Հայտնի է ծովատառեխներով:
Աֆրիկա - Աֆրիկան ամենաշոգ մայրցամաքն է : Այստեղ է գտնվում
աշխարհի ամենախոշոր անապատը՝ Սահարան : Այս
ցամաքում են գտնվում ցամաքային ամենախոշոր
կաթնասուններ՝ փիղը, գետաձին , ռնգեղջուրը , ընձուղտը,
գոմեշը , այծքաղը, շերտավոր զեբրը:
Խոտակեր կենդանիներին ուղեկցում են բազմաթիվ
գիշատիչներ՝ առյուծը , հեպարդը , ընձառյուծը, բորենին:
Բնակչության հիմնական մասը կազմում են բնիկները:
ԽՈՒՄԲ 3 1. (Սլայդ 5,6)
Սառուցյալ օվկիանոս - Հյուսիսային սառուցյալ օվկիանոս կամ
Սառուցյալ օվկիանոս, աշխարհի
ամենափոքր և ամենածանծաղ օվկիանոսն
է։ Այս օվկիանոսը իր չափերով գրեթե
համընկնում է Ռուսաստանի չափերի
հետ:
Այնտեղ է գտնվում ամենամեծ կղզին ՝
Գրելանդիան: Բևեռային դիրքի շնորհիվ
օվկիանոսի կենտրոնական մասի
սառցաշերտը ահպանվում է ողջ տարվա
ընթացքում, թեև գտնվում է շարժման մեջ։
Անտարկտիդա - Ամենացուրտ , ամենահեռավոր , ամենաուշ
հայտնաբերված մայրցամաքն է, որը մշտական
բնակչություն չունի: Անտարկտիդայի տարածքի
98%-ը ծածկված է սառցե շերտով
Անտարկդիդան միակ
մայրցամաքն է , որը չի պատկանում ոչ մի
երկրի: Մայրցամաքի «տերը» երկրագնդի
տարբեր վայրերից այստեղ ժամանած
գիտաշխատողներն են:
Անտարկտիդան և նրա
շուրջը գտնվող կղզիները և օվկիանոսային
հատվածները միասին կոչվում են Անտարկտիկա:
Անտարկտիկայում են ապրում ծովացուլը, ձյան
մրրկահավը, պինգվինը, սպիտակ արջը , սպիտակ բուն,
սպիտակ կետը:
ԽՈՒՄԲ 4 1. (Սլայդ 7,8)
Խաղաղ օվկիանոս - Խաղաղ օվկիանոս , ջրային խոշորագույն ավազան, որը Երկրագնդի ամենամեծ և ամենախորը օվկիանոսն է։Հնում հայտնի է եղել «Մեծ օվկիանոս» անվանումով։ Անունը տվել է Ֆերնանդ Մագելանը` Խաղաղ օվկիանոսը կտրած-անցած առաջին եվրոպացին: Սակայն իր նավարկության ժամանակ Մագելանի բախտը պարզապես բերել է, որովհետև այստեղ շատ հաճախ են սարսափելի փոթորիկները: Խաղաղ օվկիանոսը վիթխարի չափեր ունի: Այն ծածկում է երկրագնդի մակերևույթի մոտ 35%-ը և ջրային մակերևույթի մոտ 50 %-ը:
11 000 մետր խորության վրա գտնվում է Մարիանյան փողրակը, որը Խաղաղ Օվկիանոսի և երկրագնդի ամենախոր կետն է համարվում:Այդ պատճառով էլ նախկինում ենթադրում էին, որ նման խորություններում ոչ մի կյանք չկա: Բայց գիտնականներն այնտեղ կենդանի էակներ գտան:
ԵՎՐԱՍԻԱ - Երկրագնդի ամենամեծ մայրցամաքն է ,որը պայմանականորեն
Բաժանվում է երկու աշխարհամասի՝ Եվրոպա և Ասիա:
Եվրոպան ամենախիտ բնակեցված և բազմազգ
աշխարհամասն է:Եվրոպայում անապատ չկա, բայց կա
ձյունապատ գագաթներով լեռներ,սառցապատ տունդրա,
փարթամ արոտավայրեր: Եվրոպայի հյուսիսում կլիման
խստաշունչ է , իսկ հարավում՝ տաք:
Ասիան ամենաընդարձակ , ամենաբարձր աշխարհամաս է:
Ասիայում է գտնվում աշխարհի ամենաբարձր
կետը՝Ջոմոլունգմա լեռը (Էվերեստը 8848մ) և ամնեացածր
կետը ՝ Գհոր իջվածքը(-432մ)Ասիան աստղագիտության,
մետաղաձուլության հայրենիքն է: Այստեղ են հայտնագործվել
կողմնացույցը ,մետաքսը, վառոդը, ճենապակին և այլն:
Եվրասիայի մայրցամաքում են գտնվում Պանդան, Կոնդորը և
վագրը:
ԽՈՒՄԲ 5 1. (Սլայդ 9, 10,11)
Հարավային օվկիանոս -Վերջին տարիներին առանձնացնում են նաև
Հարավային օվկիանոս , որը ընդգրկում է
Խաղաղ , Ատլանտյան , Հնդկական
օվկիանոսների հարավային շրջանները:
Հյուսիսային Ամերիկա -Հյուսիսային Ամերիկայում է գտնվում երկրագնդի խոշորագույն կղզին ՝ սառցապատ Գրելանդին, աշխարահռչակ Նիագարա ջրվեջը:Արևմտյան ծովեզերքի երկայնքով բարձր պատնեշի նման ձգվում են Կորդիլիերներ լեռները , որտեղ հաճախակի են ուժեղ երկրաշարժերը , և շատ են գործող հրաբուխները:
Այս ցամաքում հաճախ են լինում փոթորիկներ և տոռնադոներ: Հյուսիսային Ամերիկան Եգիպտացորենի , կարտոֆիլի , քաղցր կարտոֆիլի (բատատի) , լոլիկի , արևածաղկի , ծխախոտի և այլ մշակաբույսերի հայրենիքն է , որտեղից հետագայում դրանք տարածվել են աշխարհով մեկ:Այստեղ են գտնվում սև բարիբալ արջը, կետսալ թռչունը,որը այս աշխարհամասի ամենագեղցիկ թռչունն է:
Այստեղ կետսալին համարում էին սուրբ թռչուն, իսկ նրան սպանողին մահապատիժ էր հասնում:
Այստեղ է բնակվում նաև ժանտաքիսը (ամենագարշահոտ ) կենդանին է: Վտանգի ժամանակ նա դեղնագույն , յուղային, զզվելի գարշահոտ հեղուկ է արտազատում:
Հարավային Ամերիկա Ամենախոնավ մայրցամաքն է:Բ նական պայմաններով նման է Աֆրիկային՝ խոնավ անտառներ , գունագեղ թռչուններ,կապիկներ : Այստեղ քիչ են անապատները:Մայրցամաքի հիմնական զարդն է Ամազոնիայի խոնավ անտառները: Հարավային Ամերիկայում է գտնվում երկրագնդի ամենաերկար ,ամենաջրառատ , ամենամեծ գետը ՝Ամազոնը: Այս ցամաքը շոկոլադի , կաուչուկի ծառի հայրենիքն է:Այստեղ է գտնվում ծույլ համրուկը ,որը ամենադանդաղաշարժ և ծույլ կենդանին է և սղոցակտուցը:
Աշակերտներ դուք օգտագործեցիք լեռ, օվկիանոս , մայրցամաք արտահայտությունները :Եկեք մի փոքր խոսենք դրանց մասին:
Խնդրում եմ ,ասա եք ՝ ի՞նչ է լեռը և ի՞նչ մասերից է կազմված:
Լեռները նման են բլուրների,բայց շատ ավելի բարձր են:
Ինչպես բլուրները ,այնպես էլ լեռները կազմված են երեք մասից ՝ գագաթ , լանջ ,ստորոտ :
Գրատախտակին գծեք ցույց տվեք
Էլ ինչ կավելացնեք
Բարձր լեռների գագաթները երբեմն գտնվում են ամպերից էլ վեր և հաճախ ծածկված են հավերժական ձյունով ու սառույցով:
Իսկ ով կասի ,թե ինչ է օվկիանոսը
Օվկիանոսները Երկրի մակերևույթի ՝ ջրով լցված հսկայական գոգերն են:
Դրանք են ՝ Խաղաղ , Ատլանտյան, Հնդկական , Հյուսիսային Սառուցյալ:
Ի՞նչ է մայրցամաքը
Օվկիանոսների ջրերով շրջապատված ընդարձակ ցամաքները կոչվում են մայրցամաքներ: Մայրցամաքները վեցն են: Դրանք են՝ Եվրասիա , Աֆրիկա , Հյուսիսային Ամերիկա, Հարավային Ամերիկա ,Անտարկտիդա , Ավստրալիա:
Շատ լավ :Այժմ խնձորի միջոցով փորձենք պատկերացնել այս ամենը:
Ենթադրենք այս խնձորը Երկիր մոլորակն է :
Խնձորը բաժանենք 4 մասի : 4- ից երեքը օվկիանոսներն են՝ դրանք մի կողմ դնենք:
Չնայած Երկրագնդի մոտ 75%-ը ջրային տարածքներն են , և թվում է , թե
Ջրի պակաս պիտի որ չլինի , պարզվում է , որ խմելու և կենցաղային նպատակների համար օգտագործվող քաղցրահամ ջրի պաշարները խիստ սահմանափակ են : Ջրի խնայողության անհրաժեշտություն կա գրեթե բոլոր երկրներում:
Այժմ խմբեով ներկայացրեք ջրի կարևոր հատկանիշները:
Ջուրը բնության մեջ ամենատարածված նյութն է :Ջրի քիմիական բանաձևն է Η2Ο :
Ջուր կա նաև առաջին հայացքից անջուր թվացող անապատում:Ջուր կա նաև օդում, կենդանի օրգանիզմներում՝ բույսի , կենդանու , մարդու մեջ:
Ջուր օգտագործվում է նաև գործարաններում , այգիները ջրելու ժամանակ :
Այսպիսով ջուրը կյանքի աղբյուր է : Առանց ջրի Երկրի վրա կյանք չի կարող լինել:
Երկրագնդի ջրի 97% -ն աղի ջուր է, որը մարդիկ չեն կարող օգտագործել:
Երկրագնդի ջրի 2%-ը սառույցներն են:
Մարդիկ կարող են օգտագործել երկրագնդի ջրի միայն 1%-ը:
Մարդու մարմնի մոտ 75%-ը կազմված է ջրից:
Մարդը կարող է դիմանալ առանց սննդի մի քանի շաբաթ , իսկ առանց ջրի ՝ ընդամենը մի քանի օր:
Բնության մեջ ջուրը գտնվում է երեք ագրեգատային վիճակում՝ պինդ(սառույց, ձյուն, կարկուտ), հեղուկ(սովորական ջուր), գազային (գոլորշի):
Ջրի մեջ օդ կա:
Եկեք վերջին երկու պնդումները դիտելու համար տեղափողվենք լաբորատորիա և խնդրենք մեր փոքրիկ փորձագետներին ցուցադրել այն:
ՓՈՐՁ 1
Ինչպես ասացիք ջուրը գտնվում է երեք ագրեգատային վիճակում ՝ (ցուցադրելով) պինդ, հեուկ ,գազային: Ու շադրություն դարձրեք կրակի վրա դրված ջրին: Կնկատեք , որ գ
Լորշի է դուրս գալիս ,դա գազային վիճակն է : Եթե ուշադիր նայենք ջրին կնկատենք , որ պղպջակներ են դուրս գալիս ,իսկ դա նշանակում է ,որ ջրի մեջ օդ կա:
Երկրի վրա գտնվող ջուրն արևի և քամու օգնությամբ շարունակ «ճանապարհորդում է» : Այժմ պարզենք թե ինչպես է դա տեղի ունենում:
Նկար ՝ Ջրի շրջապտույտը 2. ( 1 Սլայդ ջրի շրջապտույտը)
Արևը տաքացնում է օվկիանոսների, ծովերի, գետերի, լճերի և ցամաքի մակերևույթը: Այդտեղից ջուրը գոլորշիանում է և բարձրանում վեր,մեծ բարձրությունների վրա այն վերածվում է մանր կաթիլների կամ սառցաբյուրեղների, որոնցից առաջանում են ամպերը: Ամպերից ջուրը անձրևի կամ ձյան տեսքով թափվում է ցած:Ցամաքի վրա այդ ջրի մի մասը հոսում է դեպի գետերն ու լճերը , մյուս մասը ներծծվում է հողի մեջ: Ներծծված ջուրը մասամբ նորից դուրս է գալիս երկրի մակերես ՝ աղբյուրների տեսքով, որոնցից էլ առաջանում են առվակները, գետերը,լճերն ու օվկիանոսները: ԵՎ այդպես ջուրը շրջապտույտ է կատարում:
Այսպիսով երեխաներ հասկացանք ,որ մարդու կենցաղի համար օգտագործվող ջուրը կազմում է երկրագնդի ամբողջ ջրային զանգվածի 1 %-ը, և թե ինչ դժվար ճանապարհ է անցնում ջուրը : Այդ պատճառով էլ պետք է խնայողաբար օգտագործել ջուրը:
Եկեք հակիրճ ներկայացնենք ,թե ջուրը ինչպե՞ս է հասնում մեր բնակարանները:
Դրա համար նորից պետք է դիմենք մեր փորձագետներին:
Ներկայացրեք խնդրեմ
Հակիրճ- Ջրի ճանապարհը – 2. ( 2 Սլայդ -ջրի ճանապարհը)
Ջուրը մինչև մեր ծորակները հասնելը անցնում է բարդ ճանապարհ:
Պոմպերի միջոցով գետերից ջուրը բարձրանում է պոմպակայան, այնտեղից ուղեվորվում դեպի մաքրման կայան, Մաքրման պրոցեսից հետո ջուրը ուղեվորվում է դեպի ջրամբար , վարակազերծումից հետո ,որը կատարվում է քլորի միջոցով , ջուրը ուղեվորվում է մեր բնակավայրեր: Բնակավայրերում ջուրը օգտագործելուց հետո կոյուղիների միջոցով հասնում է կոյուղաջրերի մաքրման կայան այնուհետև նորից լցվում գետերը:
2. ( 3Սլայդ -խնայել ջուրը)
Այսպիսով ջրի ամեն կաթիլ նշանակություն ունի,
Այդ պատճառով խնայողաբար օգտագործեք ջուրը:
Անտեղին ջուրը բաց մի թողեք:
Կիսենք մնացած ¼ -ը , և մի կեսը մի կողմ դնենք. դա բնակության համար ոչ պիտանի ցամաքն է, այն անհյուրնկալ է՝ բևեռային գոտիներ , անապատ, ճահիճներ , ժայռոտ կամ բարձրադիր վայրեր:
Մնացած 1/8 –ն այն տարածքն է, ուր մարդիկ ապրում են : Բայց այն ամբողջությամբ չի մշակվում անհրաժեշտ սննդամթերք արտադրելու նպատակով:
1/8 –ը ևս 4 հավասար մասի բաժանենք և դրանցից 3 ը մի կողմ դնենք :Այս տարածքները չափազնց քարքարոտ են կամ խոնավ,ցուրտ, զառիվեր՝ այսինքն ՝ բերրի չեն , չեն կարող բերք տալ:Սրանք նաև քաղաքներն են , դպրոցները, գործարանները, հանգստի գոտիները , մի խոսքով ՝ մարդիկ ապրում են բայց չեն աճեցնում:
Կեղևենք մնացած 1/32-րդ մասը . սա է Երկրի հենց այն հողաշերտը , որը կերակրում է աշխարհի մարդկանց: Բերք տվող այս շերտի հաստությունն
Ընդամենը 1.5 մետր է: Ուրեմն այս հսկայական Երկրագնդից այս փոքրիկ մասն է սնում մարդկանց : Ուրեմն , որքան կարևոր է , որ հողի յուրաքանչյուր պատառիկը մտածված և խնայողաբար տնօրինվի:
Երեխաներ եկեք ներկայացնենք հողային շերտը
Ինչի՞ց է առաջանում հողը:
Երկրի ցամաքային տարածքները ծածկված են փխրուն շերտով ,որն անվանում են հող:
Հողը Երկրի վրա գոյանում է շատ դանդաղ , հազարավոր ու միլիոնավոր տարիների ընթացքում
Հողը առաջանում է քայքայված ապարների և հումուսի միախառնումից :
Ինչպե՞ս է քայքայվում ապարները
Ցամաքը կազմող ապարները Արեգակի ճառագայթների , քամու , անձրևի , ձյան ազդեցությունից տաքանալով ու սառչելով , քայքայվում են : Ապարների խոշոր կտորները վերածվում են մանր կտորների ,իսակ մանրերը՝ կավի և ավազի:
Իսկ ի՞նչ է հումուսը
Հումուսն առաջանում է մահացած բույսերի ու կենդանիների մնացորդներիվ:
Հաղում կան մանրեներ ,որոնց միջոցով էլ քայքայվում են բույսերի ու կենդանիների մնացորդները:
Ինչով է պայմանավորված հողի գույնը
Հողի գույնը կախված է հողի բաղադրությունից: Որքան հողում հումուսը շատ է , այնքան դրա գույնը մուգ է:
Հողի էլ ի՞նչ հատկություններ գիտեք:
Հողում ապրում են խլուրդներ , միջատներ, մկներ:
Հողի ամենակարևոր հատկությունն այն է , որ այնտեղ աճում են բույսեր:
Հողի մեջ միշտ ջուր և օդ կա:Բույսերի աճի համար դա շատ կարևոր է:
Երեխաներ ասացիք ,որ հողի մեջ ջուր և օդ կա: Եկեք տեղափոխվենք լաբորատորիա և կրկին խնդրենք մեր փոքրիկ փորձագետներին ձորձով ապացուցել դրանց գոյությունը:
Փորձ 1
Ջրով լցված բաժակի մեջ գցենք չոր հողի մի կտոր: Նկատում ենք , որ պղպջակներ են դուրս գալիս , դա նշանակում է ,որ հողի մեջ օդ կա:
Փորձ 2
Հողով լցված ամանը դնենք կրակին : Ամանի վերևում պահենք ապակու կտոր : Ահա ապակու վրա գոլորշի հայտնվեց: Դա նշանակում է ,որ հողի մեջ ջուր կա:
Փորձ 3
Շարունակենք կրակի վրա պահել հողով լցված ամանը:
Զգու՞մ եք տհաճ հոտով ծուխ է դուրս գալիս :Դա հողում եղած բույսերի և կենդանիների մնացորդների այրման հետևանքով է:
Բնությունը կազմված է կենդանի և անկենդան բնությունից:
Անկենդան բնությունն է ՝Արևը, հողը, ջուրը և օդը:
Իսկ ի՞նչ է իրենից ներկայացնում օդը:
Երկրագունդը բոլոր կողմերից շրջապատված է օդի հաստ շերտով :
Օդը կարծես Երկրի հագուստը լինի:Օդ կա հողի և ջրի մեջ:
Օդը անգույն ,թափանցիկ է, սակայն կշիռ ունի:
Օդը հիմնականում կազմված է ազոտից ,թթվածնից և քիչ քանակով՝ ածխաթթու գազից: Օդի մեջ կա նաև ջրի գոլորշի , մրի և փոշու մասնիկներ:
Օդը մարդկանց , կենդանիներին , բույսերին անհրաժեշտ է շնչառության համար: Առանց օդի մարդը կարող է ապրել մի քանի րոպե:
Այսպիսով կարո՞ղ ենք ասել ,որ օդով է պայմանավորված կյանքի գոյությունը Երկրագնդի վրա:Հետևաբար օդը պետք է մաքուր պահել:
Եկեք տեսնենք մեր փորձագետները ի՞նչ հետաքրքիր փորձ ցույց կտան օդին վերաբերվող:
Փորձ 4
Մենք ցույց կտանք , որ առանց օդի կրակ չի կարող լինել:
Հնարավո՞ր է կենդանական և անկենդան բնությունը գոյություն ունենան իրարից անկախ:
Բնության բաղադրիչների միջև ամենուր գոյություն ունեն փոխադարձ սերտ կապեր:
Միմյանց հետ կապված են անկենդան և կենդանի բնությունը:
Մարդը լինելով բնության մի մասնիկը նույնպես հազարավոր թելերով կապված է իր շրջապատի բնության ՝ հողի, արևի, օդի, կենդանի օրգանիզմների հետ:
9 աշակերտների հրավիրել-հաշվել 1-3
1-րը կենդանիներն են
2-ը բույսերը
3-մարդը
Յուրաքանչյուրի պարանոցին կախել համապատասխան նկարներ
Հրահանգել
Ոչնչանան կենդանիները
Ոչնչանան մարդիկ
Ոչնչանան բույսերը
Ի՞նչ նկատեցիք
Նկատեցինք ,որ մեկի ոչնչացման դեպքում , կվոչնչանան նաև մնացածը:
Այսպիսի բազմաթիվ օրինակներ կարող ենք բերել:
Այժմ թերթիկների վրա գրել այն պարագաների անվանումները , առանց որոնց ապրել հնարավոր չէ:Եվ փաքցրեք աղյուսակի համապատասխան սյունակում:
Օրինակ ՝ հաց,ջուր, տուն, վերնաշապիկ ,կաթ, վերարկու , պանիր, ….
Լրացված աղյուսակը ստուգելուց հետո աշակերտներին բաժանել թղթի վրա նախապես տպած բաղադրամասեր և հանձնարարել ճիշտ հերթականությամբ դասավորել ,սոսնձել որպեսզի ճիշտ շղթա ստացվի:կախել խգրատախտակին:
Մինչ աշակերտները կկատարեն հանձնարարությունը ,
ցուցադրել տեսանյութ 2
Մարդը վերափոխում է շրջակա միջավայրը: Բայց դա պետք է կատարի այնպես ,որ չվնասի շրջակա աշխարհին:
Մարդը բարեկեցիկ կյանք ունենալու համար կառուցում է տներ, դպրոցներ ,ժամանցի վայրեր, գործարաններ ,ճանապարհներ և այլն,որոնց արդյունքում ոչնչանում են բուսականությունը, աղտոտվում է օդը :
Աղետից խուսափելու համար գործարաններում պետք է օգտագոծել օդամաքրիչ, փոշեկլանիչ սարքեր:
Երեխաները կենդանիների շորեր հագած խառը դասավորվում են շրջանների մեջ:
(Առաջին շրջանը) այս տարածքը ազատեք կենդանիներ ,պետք է բնակավայրեր կառուցենք:
(Երկրորդ շրջանը) այս տարածքը նույնպես ազատեք կենդանիներ ,պետք է ճանապարհներ և գործարաններ կառուցենք:
Կենդանիների մի մասը չեն տեղավորվում երրորդ շրջանի մեջ:
Ի՞նչ եք կարծում , ինչ կարող է պատահել դուրս մնացած կենդանիների հետ:
Ի՞նչ կարելի է անել, որ մարդկանց գործողությունը սպառնալիս չլինի կենդանիներին:
Պետք է օդը մաքուր պահել, շատ ծառեր տնկել ,չվերացնել խոտածածկ տարածքները , չվնասել անտառները :
Երգ -Ձոն Բնության
Տեղափոխվենք հանելուկների բաժին - հաղթողը կստանա մրցանակ
Հ1- Ծածանվում է ալիք – ալիք,
Ծոցում՝ հազար ձուկ ու ձկնիկ : Օվկիանոս, ծով
Հ2- Ի՞նչը եթե չքանար,
Չեր լինի կյանք ու աշխարհ:
Անունն է մեզ ծանոթ բառ ,
Ունի միայն երկու տառ: Օդ
Հ3- Սարում , ձորում , կածանում
Ծաղկի սերմ է նա ցանում,
Թեև մայր չէ սիրասուն,
Բայց միշտ օրոր է ասում: Քամի
Հ4- Ես մի մարմին եմ թեև,
ՈՒնեմ երեք տարբեր ձև: Ջուր
Բնությանը կարող է անակնկալ մատուցոլ նաև բնական աղետները ,որոնց դեմ մենք անզոր ենք
Մայքլ Ջեքսոնի տեսանյութը
ԵՍ ԵՎ ՇՐՋԱԿԱ
(Բաց դաս -4րդ դասարան)