“Чәчәкләр дөньясында” темасына бәйләнешле сөйләм үстерү дәресе

Дәрес этаплары

Этапның эчтәлеге

вакыты

I Оештыру моменты

Укучыларның дәрескә хәзерлеге тикшерелә.

Укытучы өчен максат:

балаларда яхшы кәеф, эшлисе килү халәте тудыру.

Укучылар өчен максат:

дәрестә эшләү өчен, игътибар туплау.

Психологик уңай халәт тудыру. Исәнләшү.

Укытучы: Исәнмесез, балалар! Хәерле көн! Әйдәгез яныгыздагы әңгәмәдәшегезне сәламләгез (укучылар сәламлиләр), ә хәзер каршыдагы әңгәмәдәшегез белән кул биреп исәнләшегез һәм бер-берегезгә елмаеп алыгыз.

1

II Өй эшен тикшерү

Укытучы өчен максат:

үткән теманы аңлау дәрәҗәсен ачыклау.

Укучылар өчен максат: өй эше дөреслеген тикшерү.

Укытучы: Өй эше М. Гафуриның тормыш юлы һәм иҗаты белән танышып, берәр сорау уйлап килергә кирәк иде.

(КУИЗ-КУИЗ-ТРЭЙД) Инструкция: Укучылар сезнең алдыгызда кәгазь битләре. Һәр төркемнең 2 нче номер астындагы укучысы әлеге кәгазьне уртага бөкләп ерта һәм каршы яктагы партнерга бирә, ә болар икесе әлеге өлешне тагын урталай бөкләп, яннарындагы әңгәмәдәшләренә бирәләр. Менә шушы кәгазьгә һәр кайсыгыз өйдә уйлап килгән сорауларын язалар. Ә битнең артына партнер күрмәслек итеп җавабын язалар.(1 минут вакыт бирелә)

Укытучы: Ә хәзер урыннардан торабыз. Урындыкларыбызны этеп куябыз һәм үзебезгә пар эзлибез. Аңа соравыбызны бирәбез. Әгәр ул дөрес җавап бирсә, рәхмәтегезне белдерегез. Әгәр җавабында ялгышса, әйтеп җибәрегез, ярдәм итегез.

(Укучылар биремне башкаралар)

2

III Яңа теманы аңлату

Укытучы өчен максат:

Укучыларны шигъри әсәр белән таныштыру

Укучылар өчен максат:

Шигырьнең эчтәлеген аңлау, андагы образлар белән танышу.

Укытучы: Укчылар, сез М. Гафури турында үзегезгә күп белем туплагансыздыр дип ышанасы килә. Ә хәзер әйдәгез, авторның “Гөлләр бакчасында” шигыре белән танышабыз. Игътибарлы булыгыз. (укытучы сәнгатьле итеп укый)

Укытучы: укучылар, сезгә кайсы сүзләр аңлашылмады? (Сүзлек өстендә эш) Укучылар шигырьне рольләргә бүлеп укыйлар

(ФИНК-РАЙТ-РАУНД-РОБИН) Инструкция: “уйла-язып куй-төркемдә фикер алыш”

Җавапларын башта язалар, төркемдә фикер алышып укытучы сораган укучы җавап бирә.

- Мин сезгә сораулар бирәм. Бергә уйлашып җавап бирегез.

Слайд 1.

1. Шигырьне укыганда нәрсә күз алдыгызга килде? (гөлләр бакчасы)

2. Шигырьдә нинди образлар бар? (лирик герой, чәчәкләр)

3. Чәчәкләргә кемнәр дуслар һәм кемнәр дошманнар? (гөлләрне караган кешеләр – дуслар, кара эчле, ялкау кешеләр - дошманнар)

4. Чәчәкләргә нинди кешеләр ошый? (эшчән, тырыш)

5. Чәчәкләрне нинди кешеләр үстерә? (эшчән, тырыш)

6. Чәчәкләр безнең тормышта ни өчен кирәк? (күңелләрне күтәрү өчен, дәвалану өчен...)

7. Шигырьдә төп тема нинди? (Эш сөю, хезмәт...)

Укытучы: Укучылар, чыннан да әгәр дә без ихлас күңел биреп, эшләсәк, гөлләрне карасак кына алар матур булып үсәрләр, гөрләтеп чәчәк атарлар, дөньяга матурлык өстәрләр. Балалар, үсү, тереклек итү урыннарына карап нинди төркемнәргә бүленәләр? Уйлагаз, җавабыгызны языгыз һәм аралашып алыгыз. (укучылар җавабы тыңлана.)

15

2

IVНыгыту

Укытучы өчен максат:

яңа теманы аңлап үзләштерүдә активлыкка һәм мөстәкыйльлеккә юнәлтү.

Укучылар өчен максат:

яңа белемнәрне кулланып күнегүләр эшләү

Ял минуты

МИКС-ФРИЗ-ГРУП (сорауга җавап булган санга берләшеп басарга)

- үсү, тереклек итү урыннарына карап гөлләр ничә төрле була? (4)

- “чәчәк” сүзендә ничә хәреф бар? (5)

- “эшсезләр” сүзендә ничә иҗек бар? (3)

Укытучы: Ә хәзер бакча чәчәкләре, бүлмә гөлләре, турында белемнәребезне ныгыту максатыннан брошюра төзибез. Инструкция: Моның өчен экрандагы бүленешкә карыйбыз. (Слайд. РАФТ)1,3 нче өстәлләр бакчаларда үсә торган чәчәкләр турында, ә 2,4 нче өстәлләргә бүлмә гөлләре турында башлангыч сыйныф укучылары өчен брошюра төзи.Брошюра ясау өчен инструкция* сезнең өстәлләрегездә ята.Иң беренче эш: эшегезгә максат куегыз, аннан әлеге гөлләрне матур итеп үстерер өчен нәрсә эшләргә кирәк? дигән сорауга җавап бирегез. Эшегездә гөлләрнең файдасы һәм зарары турында да мәгълүмат булсын. (Слайд) Игътибар! Сезгә 10 минут вакыт бирелә. (укучылар эшлиләр. ) Эшләр тикшерелә.

3

10

5

V Йомгаклау

Укытучы өчен максат:

яңа материалны ныгыту.

Укучылар өчен максат:

Алган белемнәрне мөстәкыйль куллана алу.

а) Укытучы: Укучылар, сез бүген дәрестә үзегез өчен яңа мәгълүматлар алдыгызмы? (...). Укучылар, сезнең бүгенге дәрескә бәягезне беләсем килә. Өстәлләрегездә яткан лалә чәчәкләрен буяп, җавабыгызны дәлилләгез. (Кызыл төс – дәрес бик ошады, сары төс - дәрес канәгатьләнерлек булды) (укучылар җавабы тыңлана)

б ) Өй эше бирү:

1. Шигырьне сәнгатьле итеп укырга.

2. Сайлап алу өчен: Укучылар, ә өйдә кыр чәчәкләренең берсе турында, я брошюра эшләп килегез, яки кыр чәчәкләренең берсе турында мәгълүмат туплап сөйләргә әзерләнегез. Брошюра ясауның инструкциясе* сезнең өстәлләрегездә ята.

в) Укучыларның белемнәрен бәяләү

5

Исеме

Моны белергә кирәк!

Сак булыгыз!

Максат:

Чәчәкнең файдасы:

Чәчәкнең зарары