Bu maraqlıdır: Türk Hava Yollarının “maraqlı” loqosu

Bu maraqlıdır: Türk Hava Yollarının “maraqlı” loqosu

Bu günlərdə təkcə Türkiyənin deyil, bütün türk dünyasının fəxri olan məşhur Türk Hava Yolları yarandığı günün (20 may 1933) 90 illiyini qeyd etdi. Bununla əlaqədar olaraq, bu aviaşirkətin loqosu ilə bağlı maraqlı bir əhvalatı sizinlə, əziz oxucularla bölüşmək istəyirik. 1961-ci ildə Türk Hava Yollarının orijinal simvolizm yaratmaq üçün elan etdiyi müsabiqədə istedadlı türk dizayneri Məsud Manioğlunun əsəri qalib gəlir. Loqonu yaradan Məsud Manioğlu ilhamı təbiətdə axtarırdı və vəhşi qazlar onun diqqətini çəkdi. Bu köçəri quşlar 9 km-dən çox hündürlükdə minlərlə kilometr qət edə bilirlər. Digər uçan canlılarin əksəriyyəti belə yüksəklikdə heç nəfəs ala bilmirlər! Dizayner vəhşi qazın obrazını bir çox şəkillər içindən araşdıraraq, hamıya məlum olan loqotipi yaratdı. Bu quşların zərifliyi, gücü və uzun məsafəyə uça bilmək qabiliyyəti müştərilərin tələblərinə tam uyğun idi. Beləliklə, innovativ, etibarlı və uzun məsafəyə uçmaq aviaşirkət üçün yaddaqalan simvola çevrildi. Məsud Manioğlu loqosu həm də bacarıqlı dizaynerin istedadını üzə çıxardır. Loqotipi öz oxu ətrafında çevirsəniz, üzərindəki vəhşi quşun araşdırılmış təsviri t-h-y hərflərinə çevrilir, yəni loqo həm də Türk Hava Yolları (THY) aviaşirkətinin abbreviaturasını nəfis şəkildə təkrarlayır.

Qaynaq: https://www.turantoday.com/2023/05/turkish-airlines.html

Rus dilindən tərcümə:

Əsədov Seyyub Əsəd oğlu - Şirvan şəhər T. Bağırov adına 11 №-li tam orta məktəbin tarix müəllimi, “Ən yaxşı müəllim” müsabiqəsinin (2015-ci il), “Elektron Təhsil” Respublika Müsabiqəsi, “Təhsildə ən yaxşı İnternet resursları” nominasiyası qalibi (2017-ci il), Respublika “Pedaqoji Mühazirələr”inin (2003-cü il III dərəcəli Diplom və 2019-cu il Tərifnamə) təltifçisi, Təhsildə inkişaf və innovasiyalar üzrə IV qrant müsabiqəsinin (2020) qalibi (“V-XI siniflərdə tarix fənninin tədrisi metodikası” adlı metodik vəsait müəllifi), Azərbaycan Respublikası “Təhsil Şurası” İB-nin İdarə Heyətinin üzvü