Ата-энеңди сыйлай бил!

Тарбиялык саат

-класс

405

Сабактын максаты: Маалымат менен иштөө , жетишпеген маалыматты максатка багыттуу издөө.

Көз караштардын ар түрдүүлүгүн таануу менен башка адамдардын баалуулуктарын сый-урмат менен мамиле кылуунун негизинде өз пикиринде туруу .

Менин атам - камкоор

Менин атам -акылдуу

Мени апам – мээримдүү

Менин апам - боорукер

Менин атам – жоопкерчиликтүү

Менин апам – сүйкүмдүү

Менин атам -сабырдуу

Менин апам – өнөрлүү

Менин атам - адамгерчиликтүү

Менин апам – ак ниет

Менин атам - камкоор

Менин атам - акылдуу

Менин апам - мээримдүү

Менин апам - боорукер

Менин атам - жоопкерчиликтүү

Менин атам - сабырдуу

Менин апам - сүйкүмдүү

Менин апам - өнөрлүү

Менин атам - адамгерчиликтүү

Менин апам – ак ниет

Тема: Ата – энеңди сыйлай бил!

Ата деген – башталыш. Деңиз суусу дарыядан, дарыя булактан башталгандай, сен атаңдан башталгансың. Сен атаңдын уландысысың. Сени жаратуучу – атаң. Демек, сенин мал-мүлкүң, үй-бүлөң, тапкан-ташыганың да атаңдан башталат. Ата – бул бүт кыйынчылыкты бизден тосуп, көтөрүп турган түркүк.

Ал эми эне бар үчүн биз барбыз, аалам бар, адам бар, турмуш бар, жашоо бар. Эненин азада бою же сүмбүл мүчөсү келишкен бир дарак болсо, перзент ал дарактын сулуулугунан жаралган мөмөсү жана натыйжасы. Эненин көкүрөк тамырлары жүрөк ичинде эмеспи? Ошон үчүн перзентке эненин мээр - махабаты атаныкына караганда да көбүрөөк болот.

Ар бир ата-эне балам чоңоюп, эрезеге жетсе, адам болсо деп тилейт: баласын тамак-аш, кийим-кечек менен камсыз кылат, таалим-тарбия берип өстүрөт. Атаң менен энең сенин бактылуу балалыгың, кайгы капасыз жаштык чагың үчүн кам көрүп,окуп билим алышыңа, эмгекке үйрөнүп, акыл-эстүү болуп чоңоюшуңа ыңгайлуу шарттарды түзөт. Ата-эненин балага болгон мээрими чексиз, көргөн камкоордугу, келечегинен күткөн үмүтү чоң.

Ошондуктан балдар силер ата-энеңердин үмүттөрүн актагыла. Бекеринен илгеркилерден «Ата-энеңди сыйласаң өз балаңдан сый көрөсүң» деген сөз калган эмес чыгаар. Элибизде «Ата-энеге кызмат кылуу – бейишке кирүү» деп айтылат. Балдар силерге айтаарым ата-энеңерди капа кылбай, өз кара күчүңөрдү аябай ата-энеңдин маңдайында турганда кызмат кылгыла, кийин кеч болуп калат. Ата-энеси менен ал-акыбал сурашпаган балага бейиштин эшиги жабык болот экен.

Ата - аскар тоо, эне – башат булак, бала – алардын ортосундагы шам чырак.

Менин силерге айтарым:

-Ата- энеге каяша айтпа;

-Тилин алып айтканын аткар;

-Колуңдан келген жардамыңды аяба;

-Орой сүйлөбө, көңүлүн оорутпа;

-Алар карыган кезде бапастеп бак!

-Алардын сөзүн эки кылба;

-Тамакка алардан озунуп кол салба;

-Ата -энең ооруп калса ага бардык дитиң менен жардамыңды көрсөт; -Бардык жакшы нерсеңди ата-энеңе арна!

Жыйынтыктоо: Таянарга аска зооң болор ким?

Жыгылганда арка жөлөк болор ким?

Жүрөгүндө сени кармап түйөр ким?

Жан талашып сага жаны күйөр ким?

Билсең билгин мунун баары ата-энең,

Ата-энеңди тирүүсүндө сыйлай жүр!

Үйгө тапшырма: Эң ыйык, ардактуу дүйнөдөгү эң жакын адамыбыз ата-эненин чексиз мээримине эмне кылсак урмат, сый көрсөткөн болобуз, канткенде ыраазы кылабыз?

Көңүл бурганыңарга чоң рахмат!