Ата-эне мектеп бириксе, балдарда болот келечек

№ 40 А.Шабданов атындагы жалпы билим берүүчү орто мектебинин ата-энелер чогулушуна кош келиңиздер!

2023-2024-окуу жылы

Чогулуштун максаты: 1. Ата-эне менен мектептин тыгыз байланышын бекемдөө.

2. Окуучулар арасында ар кандай кылмыштуулуктун, зордук-зомбулуктун жана тартип бузуунун алдын алуу.

3. Ата-эне мугалим менен биргеликте окуучунун жан дүйнөсүн сезүү.

Чогулуштун планы: 1. «Ата-эне, мектеп бириксе, балдарга болот келечек»

2. Окуучулардын билим сапаты менен тааныштыруу.

3. Тарбия иштери боюнча жылдык отчёт.

4. Ата-энелер комитетинин мүчөлөрүн шайлоо.

5. Учурдагы иштер.

Тема: : Ата-эне, мектеп бириксе, балдарга болот келечек.

Балдар-биздин келечегибиз, анткени бүгүнкү күндө алар реалдуу биздин алдыбызда турат. Ата-эне жана анын үй-бүлөсү баланы тарбиялап, анын өсүшүнө шарт түзүп берип жатат. Ал эми мугалимдер адамзат чогулткан баалуулуктарды, билим жана тажрыйбаларды балага жеткирет. Мугалим менен ата-эненин максаты бир, демек алар биргелешип кызматташтыкта бири-бирине жардам берип бул татаал жолдо бирге басып өтүшү керек. Азыркы учурда биргелешип иштөө болуп жатабы? Албетте жок, ата-эне эптеп баласын мектепке орноштурдум дейт да өзүнүн көр оокаты менен алек. Баардык эле ата-эне ошондой дегенден алысмын бир класстан 2-3 баланын көбүнчө энелери мектеп менен байланышып турат. Азыркы учурдун шартына жараша ата-энелер мектепти акча чогултуучу «рэкет» сыяктуу көрүп калышты, мугалимдердин кадыр-баркы өтө эле төмөндөп кеткен учурда ата-энелер менен биргелешип иш алып баруу кыйын болуп калды.

Эгерде ар бир ата-эне өзүнүн баласынын класс жетекчисин, мугалимин жөнөкөй эле адам катары карап, ал дагы анын баласынын боорукер, акылдуу, сезимтал, илбериӊки болуп ар тараптан ачылышына кызыкдар экенин түшүнсө анда бул эң жакшы жетишкендик. Тарбиячы мугалим менен ата-эненин ортосунда бири-бирине ишенүү, сыйлоо, ачык-айкындык болуу керек. Класс жетекчи мугалимдин ата-эне менен жекече иштөөсү, билими бар тарбиячы катары берген кеп-кеӊештери, аӊгемелешүүсү алардын балага биргелешип таасир этүүсүнө жана тарбиялоодо ар кандай жолдорду табууга алып келет.

Эгерде үй-бүлөдөгү бир адам мектеп менен тыгыз байланышта болуп турса жана ал мектепке жөн эле маалымат алуу үчүн эмес, тарбиялоонун пландарын биргелешип түзүп ,чогуу аткарышса жакшы болот. Ѳзгөчө баланын ата-энеси ар кандай себептер менен өзүнүн ата-энелик милдеттерин аткарууга шарты болбосо башка чогуу жашашкан туугандары жардамга келүүсү зарыл. Бирок, көп учурларда ата-эне менен жолугушуулар мугалим тараптан бала тентектик кылса, сабактан начарлап баратса ж.б. учурларда жүргүзүлөт. Бул такыр тура эмес байланыш экен. Ата-эне менен аңгемелешүү баласын урушууга, жемелөөгө, анын жаман жагын айтуучу жагымсыз жолугушуулар болбошу керек. Аңгеме куру үчүн жолугушуу ата-энеге таасир этүүчү, ортодогу байланышты бекемдей турган эффективдүү курал болушу керек.

Мугалим менен ата-эненин ортосундагы байланыш качан гана, эки жактын максаттары бир, ал балага жакшы тарбия жана билим берүү экендигин сезип, биргелешип аракеттерди жасаганда гана болот.

Мектеп менен ата-эненин байланышын күчөтүү окуучулардын тарбиясын жакшыртууга, билим сапатын жогорулатууга негиз болот. Ата-энелер өз балдарынын мыкты билимдүү адеп-ахлактуу болушун каалайт ошону менен бирге өмүрүн тилейт. Бирок көпчүлүгүбүз балдарыбыз билим тарбия алуучу эң ыйык жер мектеп менен байланышууга барып кабар алууга кызыкпайбыз. Биздин балдарыбыздын окууга кызыкпагандыгы, тартибинин начардыгынын себеби дал ушунда болушу мүмкүн. Ата-эне мектеп мугалим менен байланыш түзүп турса, эң биринчи балаңыздын таалим-тарбиясына керек андан кийин ошол тарбияны ишке ашыруу үчүн мугалимге керек. Ал мугалимге дем берет. Ата-эненин активдүү колдоосу аркылуу гана мектепте билим, тарбия берүү толук максатына жетет.

Ата-эне

Ийгиликтүү инсан жаралат

Мектеп

Коомчулук

Көңүл бурганыңыздарга чоң рахмат!