Ак дил мугалим .

Сабактын темасы: Ак дил мугалим.

Сабактын максаты: Балдарга мугалимдердин талыкпас эмгеги жөнүндө айтып,

аларды сыйлоого, алардын эмгектерин актоого, туура мамиле жасоого,

мугалим-бул экинчи ата-эне экенидигин айтып түшүндүрөм.

Сабактын жабдылышы: Компьютер, карточка, плакат.

Сабактын жүрүшү:

1. уюштуруу

2. кайталоо

Убакыт: (45 мин)

Сабак:

План:

Мугалимдин сөзү: Силер биринчи мугалимиңер жөнүндө эмне айта аласыңар? (5 мүнөттүк эссе жазышат).

Окуучулар эсселерин окуп беришет.

Мугалим биринчи мугалим жөнүндө ыр айтып берет.

Биринчи мугалим

Өмүргө өмүр улап бөпөлөгөн,

Көңүлгө гүл өндүрүп төтөлөгөн.

Ал адам менин кымбат мугалимим,

Турмушка жол көрсөтүп жетелеген.

Акылга акыл кошуп чабыттаган.

Келечек турмушумду аныктаган.

Ал киши менин асыл мугалимим

Изденип өз ишинде талыкпаган.

Колумду, карандашты кошо кармап,

Тамгаларды чиймелеп көрсөтүүчү.

Учкун деп келечекке канат жалгап,

Өзүңдү болгондорду үйрөтүүчү.

Эң алгач «Алиппемди» барактаган,

Кесибин жандай сүйүп ардактаган.

Ал менин, эң биринчи мугалимим,

Билим ал, талыкпа деп жаркылдаган.

Улуу окумуштуулар жазуучулар айткан накыл сөздөрдү окутуп маанисин талкулоо:

Эгер мугалим сүйүүсүн кесибине жана окуучуларга карата айкалыштыра билсе, анда ал накта мугалим. (Л.Н. Толстой)

Мугалимдик кесип абдан жоопкерчиликтүү, сыймыктуу, ардактуу кесип анын мааниси улам барган сайын жогорулайт. (Н.К. Крупская)

Оо мугалим! Сиздин алдыңызда чөгөлөп таазим этүүгө уруксат этиңиз. (Н.А. Некрасов)

Кандай гана мектеп болбосун өзүнүн саны менен эмес, окутуп чыккандардын сапаты менен даңкталат. (Н.И. Пирогов)

Мугалим-мекендин эртеңкиси, планетанын келечегин колуна кармап турган адам. (Ф. Абдрамов)

Жылдызчанын сүрөтүн тарт ортосуна Мугалим деп жаз: эң чокусунда ким деген суроого жооп жаз. Оң жана сол капталдарына кандай деген суроого жооп жаз. Астыңкы экөөнө эмне кылат? деген суроого жооп жаз?

Мугалим

Мээримдүү Акылдуу

Билим берет Тарбиялайт

Жыйынтыктоо: Мугалим мөмөлүү дарак демекчи, ар бир мугалимдин мектептеги билим берүүдөгү ролу чоң мааниге ээ. Ар бир адамды мектепте мугалимдер тарбиялап, билим берип, уядан учурат эмеспи. Эң эле биринчи билимдин башаты мектептен башталып, уядан эмнени көрсө, учканда ошону алат деп эл ичинде бекеринен бул сөз айтылып калбаса керек. Маданият сектору даярдаган чакан концерт көрүү.