Абсолютті жиілік және салыстырмалы жиілік. Жиіліктер кестесі.

7.3A Статистика элементтері (6 сағат)

Мектеп: Қаратерек жалпы орта білім беретін мектеп

Күні:

Мұғалімнің аты-жөні: Казангапова А.Р.

Сынып: 7

Қатысқандар саны:

Қатыспағандар:

Сабақ тақырыбы:

Абсолютті жиілік және салыстырмалы жиілік. Жиіліктер кестесі.

Сабақ түрі

Жаңа сабақ

Осы сабақта қол жеткізілетін оқу мақсаттары (оқу бағдарламасына сілтеме)

7.4.4.2 нұсқалықтың абсолютті және салыстырмалы жиіліктерін есептеу;

7.4.4.3 статистикалық деректерді жинау және оны кесте түрінде көрсету;

7.4.4.4 таңдаманы жиілік кестесі түрінде көрсету.

Сабақ мақсаттары:

Сабақ соңында оқушылар:

- оқиғалардың абсолютті және салыстырмалы жиіліктерін табады;

- таңдама нәтижелерін жиіліктер кестесі түрінде көрсете алады.

Жетістік критерийлері

Дағдылар

Жетістік критерийлері

Білу және түсіну

Берілген мәліметтен статистикалық ұғымдарды

анықтайды.

Білімін қолдану

Эксперименттің нәтижесін жиілік кестесі/ салыстырмалы жиілік кестесі түрінде көрсетеді.

Тілдік мақсаттар

Оқушылар:

• абсолютті және салыстырмалы жиіліктерді анықтау тәсілдерін талқылап, қысқаша сипаттайды;

• жиналған деректерді сынып алдында жиілік кестесі түрінде таныстырады, деректерді жинау және өңдеу үдерісіне түсіндіру жасайды.

Бөлім бойынша лексика және терминология:

• реттелген қатар; қатар элементі; басты жиынтық; нұсқалық ; вариациялық қатар; статистикалық қатар; таңдалым; жиілік; абсолютті жиілік; салыстырмалы жиілік; жиілік кестесі; салыстырмалы жиілік кестесі; деректер жинау; жиілік алқабы; деректерді көрсету.

Диалогқа/жазылымға қажетті тіркестер:

• таңдама көлемі...;

• деректерді үлестіру кестесін құрастыру;

• алынған деректерді жиілік кестесі түрінде көрсету;

• алынған деректерді салыстырмалы жиілік кестесі түрінде көрсету;

• абсолютті жиілікті есептеу үшін ... санау керек;

• салыстырмалы жиілікті есептеу үшін ...санына бөлу керек;

Құндылықтарды дарыту

Құндылықтарды дарыту бір-біріне құрметпен қарау, бірлесе отырып жұмыс жасау дағдыларын дамыту, академиялық адалдықты қалыптастыру әрекеттер арқылы іске асады.

Пәнаралық байланыстар

Бөлім статистиканың негізгі ұғымдарын қамтиды. Жобалау және зерттеу жұмыстарын орындауға қажетті деректерді жинау, жүйелеу және көрсетудің кейбір әдістерін қарастырады.

АКТ қолдану дағдылары

Интербелсенді тақтадағы презентация

Бастапқы білім

Сан тізбегінің құлашын, модасын, медианасын, арифметикалық ортасын таба біледі. Диаграммаларды оқиды және салады.

Сабақ барысы

Сабақтың жоспарланған кезеңдері

Сабақтағы жоспарланған іс-әрекет

Ресурстар

Сабақтың басы

10 минут

Ұйымдастыру кезеңі (сәлемдесу, оқушыларды түгеңдеу)

Оқушылар компьютерлік бағдарламаның көмегімен жұптарға біріктіріледі. Оларға келесі кесте ұсынылады:

Тапсырма: тігінен немесе көлденеңнен тақырыпқа қатысты сөздерді тауып, олардың анықтамаларын еске түсіру (бір-біріне түсіндіру). Оқушылар ұсынылған сөздердің ішінен жасырын сөзді тауып, сабақтың тақырыбын анықтайды.

Тапсырманың мақсаты: алдыңғы сабақта оқылған материалды еске түсіру; келесі құндылықтарды дарыту: жұпта жұмыс жасай білу, диалог кезінде өз ойын түсіндірумен қатар басқалардың да пікірін тыңдап, құрметтеу, өзара көмек көрсету, өмір бойы білім алу, жағдайға талдау жүргізе білу, жаңа жағдайға бейімделу, сынға түсіністікпен қарау.

Жауабы:

Жасырын сөз – ЖИІЛІК.

• Сабақтың мақсаттарымен, барысымен таныстыру, жетістік критерийлерін талқылау.

Презентация

Қосымша_2_Жиіліктер кестесі

Сабақтың ортасы

25 минут

Оқушыларға топтық тапсырма ұсынылады: абсолютті жиілік мен салыстырмалы жиілік туралы қорытынды жасау.

Бекітуге арналған деңгейлік есептерді шығару:

(Өз деңгейін оқушылар өздері немесе мұғалім нұсқаулығымен таңдайды.)

Негізгі деңгей

Мұғалім 7 сыныпта оқитын 40 оқушыға математика сабағынан 9 есептен тұратын тест жұмысын өткізді және тексерген кезде әр оқушының неше есепті дұрыс орындағанын белгілеп отырды, сонда мынадай тізбек шыққан. Бұл кездейсоқ шамалар:

6, 5, 4, 0, 4, 5, 7, 9, 1, 6,

8, 2, 9, 5, 8, 6, 7, 2, 5, 7,

6, 3, 4, 4, 5, 6, 8, 6, 2, 7,

4, 3, 5, 9, 6, 7, 8, 6, 9, 8.

Бос орындарды толтырыңыз:

Шешуі:

Мәліметтерді талдауды жеңілдету үшін, оларды реттеп орналастырайық:

0, 1, 2, 2, 2, 3, 3, 4, 4, 4, 4, 4,5, 5, 5, 5, 5, 5, 6, 6, 6, 6, 6, 6, 6, 6, 7, 7, 7, 7, 7, 8, 8, 8, 8, 8, 9, 9, 9, 9.

Алынған мәліметтер бойынша кестені толтырамыз. Бірінші қатарда кездейсоқ шаманың мүмкін мәндері, ал екінші мен үшінші қатарларда осы кездейсоқ шаманың сәйкесінше абсолютті мен салыстырмалы жиіліктері көрсетілген.

Орташа деңгей

Тестілеуге 75 оқушы қатысты. Статистикалық зерттеу мақсатында әрбір бесінші оқушының тест нәтижесі жазылды: 23, 24, 16, 21, 18, 17, 20, 23, 18, 16, 19, 18, 22, 19, 21. Мәліметтердің абсолютті және салыстырмалы жиіліктер кестесін құрыңыз.

Шешуі:

Тереңдетілген деңгей

Кейбір бағыттар бойынша метрополитенде жүретін жолаушылар ағынына зерттеу жүргізілді. Ол үшін әрбір сағат сайын кездейсоқ таңдалып алынған поезд вагонынан бүкіл жол бойы әртүрлі жастағы жолаушылардың саны саналды. Нәтижелері кестеде көрсетілген.

а) Вагондағы адамдардың саны ең көп болатын уақытты – «Қауырт сағатын» анықтаңыз.

b) 30 бен 40 жас аралығындағы адамдардың салыстырмалы жиілігі ең көп болатын уақытты анықтаңыз.

с) 11 сағ 30 минутта жолға шығатын вагондағы жолаушылардың қанша пайызын 20 мен 50 жас аралығындағы жолаушылар құрайды?

Шешуі:

а) «Қауырт сағатын» анықтау үшін, әрбір сағатта әрбір вагондағы адамдар санын анықтаймыз, кейін әрбір баған бойынша қосындылардың мәндерін табамыз.

Таңдалымнан «қауырт сағаты» 8 сағ 30 мин болатыны анық.

b) Берілген жас аралығындағы адамдар тобының әрбір сағаттағы салыстырмалы жиілікті табамыз.

Сонымен, ізделінді уақыт – 7 сағ 30 мин.

с) 11 сағ 30 минутта жолға шығатын вагондағы 20 мен 50 аралыңындағы жолаушылар саны 15 + 18 + 12 =  45 болады. Олар вагондағы барлық жолаушылардың 45/90 = 0,5, яғни 50 % құрайды.

Тапсырманы орындап болған соң оқушылар өз деңгейлері бойынша топтарға біріктіріледі. Олар өз шешімдерімен бөліседі және өзара бағалауды «Екі жұлдық, бір тілек» техникасы бойынша жүргізеді: басқа оқушының жұмысы бойынша екі сәтті және бір жақсартуды талап ететін жақтарын айтады.

Қосымша_3_Дидактикалық материал

Сабақтың соңы

Рефлексия және үй тапсырмасын беру

5 минут

Мұғалім сабақты қорытындылайды, оқушыларға сабақтағы жұмыстарына сәйкес кері байланысты береді.

Сабақ соңында оқушылар рефлексия жүргізеді:

– нені білдім, нені үйрендім...............................................................................

– нені толық түсінбедім ..................................................................................

– немен жұмысты жалғастыру қажет ........................................................

– сабақта ..................................................................................... қиын болды

– ..................................................................................... менің қолымнан келді

– келесі сабақта маған ............................................. назар аударуым керек.

Үйге:

Қосымша_4_Рефлексия

Саралау –оқушыларға қалай көбірек қолдау көрсетуді жоспарлайсыз? Қабілеті жоғары оқушыларға қандай міндет қоюды жоспарлап отырсыз?

Бағалау – оқушылардың материалды меңгеру деңгейін қалай тексеруді жоспарлайсыз?

Денсаулық және қауіпсіздік техникасының сақталуы

Әрбір оқушыға жеке нұсқаулар беру арқылы оның жақыннан даму аймағы анықталады.

Әрбір оқушыға қолжетімді (дифференциалданған) тапсырмаларды ұсыну арқылы қолдау жүргізіледі.

Проблемалық жағдай туғызу.

Жұмыс көлемі бойынша саралау жүргізіледі.

Ақпаратты қабылдау әдеті бойынша саралау жүргізіледі.

өзін-өзі бағалау

өзара бағалау

мұғалімнің бағалауы

Қауіпсіздік техникасының ережелерін ұстану