3 "Б" сынып Сынып жетекшісі: Натикулова А.Н

Тақырыбы: Армысың – Алтын күз!

Мақсаты: 1. Оқушылардың күз мезгілі туралы түсініктерін кеңейте түсу; күзді басқа жыл мезгілдерімен салыстыра отырып, айырмашылығын ажырата білу; 2. Оқушылардың сахналық мәдениетін қалыптастыру. тұлғалық қасиеттерінің дамуына ықпал ету. 3. «Еңбек түбі – береке» деген халық даналығының дұрыстығына көз жеткізу. Мұғалімнің кіріспе сөзі: -Құрметті ұстаздар,оқушылар, кеш қонақтары! Бүгін бастауыш әдіс бірлестігінде 3,4 сыныптар арасында ұйымдастырылып отырған «Армысың – Алтын күз!» атты ертеңгілігіне қош келдіңіздер! Күз – жазира даланың дархан дастарханы. Күз – дегеніміз байлық, молшылық. Күз дегеніміз – қауырт еңбек кезеңі. Олай дейтініміз, бұл мезгілде жеміс-жидек, астың пісіп жетілуі, күзде малда, аң мен құстарда қамданып, семіреді. Күзде қыс қамы жасалады, сондықтан адам да, жануарлар да, өсімдіктер де қысқа әзірлік жасайды. Нағыз Алтын күз – қыркүйек айы. Қыркүйек – ерекше ай. Жалпы алғанда біз үшін күз дегеніміз – мереке, күз дегеніміз – береке. 1-жүргізуші: Армысыздар, ұлағатты ұстаздар! 2-жүргізуші: Бармысыздар, жадыраған жас достар! 1-жүргізуші:Уа, халайық, Мұнда назар салайық! Алтын күзге арналған Кешімізді бастайық...! Қош келдіңіз көрермен, Отырыңыз қол соғып. «Алтын күз» кешіне, Шат күлкіге бөлене. 2-жүргізуші: Армысың, сары алтындай Алтын күзім! Күн нұрын төккендей боп жапыпағың. Қарсы алып біз өзіңді тұрмыз міне, Алтын күз деп өзіңе айдар тағып. 1-жүргізуші: Бүгін, міне, қуандырып біздерді, Берекелі күз келді, мерекелі күз келді! Күз ханзадасы мен ханшайымын, күз мезгілдерін қарсы алайық! Ханзада: Барлығыңды қимаймын, Бір айға нәр бір демім. Баррымды мен сыйлаймын. Өздеріңмен біргемін. Ханшайым: Мен – күз ханшайымымын. Өте еркемін, сәл нәрсеге ренжіп бұртиып қабағымды түйе қаламын. Кейде болмашыға өкпелеп, көз жасымды аямай төгіп-төгіп жіберемін. Әйтседе менің жомарттығым, ақкөңілдігім үшін халық мені ұнатады. Қыркүйек: Менің атым – қыркүйек, күздің бірінші айымын. Молшылық, байлықтың айымын. Қазан: Менің атым – қазан. Күзгі жиын-теріннің соңғы айымын, еңбекқор елді той-думанға кенелтемін. Қараша: Менің атым – қараша. Күздің соңғы айымын. Қыстың жақындап қалғанын хабарлаймын. 2-жүргізуші: Ия, сіздерді байлық, молшылық, дархан күз деп білеміз. Біздің сіздерге арнаған сыйымыз бар. 3-4 сынып оқушылары өз өнерін көрсетеді. Соны тамашалаңыздар! 1-жүргізуші: Ән әуені көгімізде самғайды Көңілдерді қуанышқа жалғайды Әнмен бірге мен ұшсам аспанда Қос қанатым мәңгі – бақи талмайды,-деп 3 «Б» сынып оқушылары Мұхтарбекова Аяулым, Бекетова Жазира, Бірлік Жанеркенің орындауындағы ән мен биді тамашалаңыздар! 2-жүргізуші: Күлкі естілмесе, барлығы жалт қаралар, Қалжыңменен жараспаққа таласар. Әрқашан да әзіліміз жарасар. Көрініс: Егінші мен қасқыр. 1 - жүргізуші: Биші қыздар өнеріне сеніңіздер Меніменен қанекей еріңіздер Әлемді қыдырғандай сезінесіз Өнерді жүрекпенен көріңіздер,-дей келе 3 «Б» сынып оқушысы Амангелды Маликаның орындауында қуыршақ биі. 2-жүргізуші: Күзім-ау, күзім-ау Мінезің бұзық-ау, Жаңбырың сіркіреп, Келгенің қызық-ау. Бау-бақша тосады Тосады, достарым. Дастархан толған дәм, Жайдары аспаным Ойнаймыз, күлеміз, Достықты білеміз,-деп 3-4 сынып оқушыларының дайындаған күзгі сән әлемін тамашалаңыздар! 1 – жүргізуші: Қараңдаршы көзің тоймас, Күз деген бір жақсы уақыт Ойда, қырда, таудың іші, Бір молшылық жатқан тасып. Ал, балалар кім біледі? Неге айтамыз «Алтын күз»-деп? 1-оқушы: Берекесін сыйлауға Өлкемізге күз келді. Жемістерін жинауға, Шақырады біздерді. Алтын нұрдай тамшылап, Жапырақтар төгілді. Біздің өмір таң шуақ, Біздің өмір көңілді. 2-оқушы: Дала біткен жайдары Құлпырыпты, түлепті. Ақ бидайды айдарлы Жапан түзге кім екті? Диқан бабаң екті де, Еңбектен еш қайтпайды. Алдыңа кеп төкті де Нанды үйіп тастады. 3-оқушы: Қызыл қырман басында, Ақ бидайды сапырған. Диқандардың қасында, Күз есепші отырған. 2-жүргізуші: Күз ханзадасы, ханшайымы, күз мезгілдері оқушылардың өнері ұнадыма? Күз ханзадасы: Рахмет достар өнерлеріңе! Талмай еңбек етіңдер, Уақыт өтпес тірліксіз, Бақыт келмес бірліксіз, Қыстан аман өтіңдер! -Барлығың өнерлі, білімді, талантты екенсіңдер. Енді біз қайтайық. Келесі жылы келеміз. Бізді көңілді қарсы алдыңдар, риза етіп шығарып салып жатырсыңдар. Қош болыңдар, келесі жылы амандықпен кездесейік! Хормен: «Сау болыңыздар!» 1 – жүргізуші: Еңбекті талап ететінкүз мезгілі бізді тәтті тағамдармен байытады. 2 – жүргізуші: «Еңбек етсең емерсің» деген осы. 1 – жүргізуші: Осымен «Армысың – алтын күз» атты мерекеміз аяқталды. 2 – жүргізуші: Көңіл қойып тыңдағандарыңызға рахмет!