11-րդ դասարանի թեմատիկ գրավոր աշխատանք ա. բակունց

11-րդ դասարան

ԹԵՄԱՏԻԿ ԳՐԱՎՈՐ ԱՇԽԱՏԱՆՔ

Ա. ԲԱԿՈՒՆՑԻ ««ԱԼՊԻԱԿԱՆ ՄԱՆՈՒՇԱԿ»» ՊԱՏՄՎԱԾՔԸ

Առաջադրանք 1

Կաքավաբերդի գլխին տարին բոլոր ամպ է նստում , բերդի ատամնաձև պարիսպները կորչում են սպիտակ ամպերի մեջ, միայն սևին են անում բարձր բուրգերը :Հեռվից ավերակներ չեն երևում , և այնպես է թվում , թե բուրգի գլխին հսկում կամ գոց են ապարանքի երկաթե դռները , աշտարակի գլխից մեկը ահա ձայն է տալու քարափը բարձրացողին :

...Լռություն կա Կաքավաբերդի ավերակներում :Միայն ձորի մեջ աղմկում է Բասուտա գետը, քերում է ափերը և հղկում հունի կապույտ որձաքարերը : Իր նեղ հունի մեջ գալարվում է Բասուտա գետը , ասես նրա սպիտակ փրփուրների տակ ոռնում են հազար գամփռներ և կրծում քարե շղթաները:

1/ Գտնել ««սևին են անում»» անվանական բաղադրյալ ստորոգյալին կամ հարադիր զուգահեռ ձևեր գեղարվեստական գրականությունից կան առօրյա սովորական խոսակցությունից /Բակունց-««Կարմիրն տվող մասրենու թփեր»», Լերմոնտով-««Սպիտակին է տալիս առագաստը մենավոր»» և այլն/ : Բացատրել հարադրության մեջ տալ, անել բայերի դերը , որոշել նրանց տեսակը:

2/ Դուրս գրել բնության անձնավորում արտահայտող նախադասությունները:

3/Գտնել բազմիմաստ բառերը և դրանք գործածել բոլոր իմաստային նրբերանգներով :

4/Դուրս գրել ածականները , որոշել դրանց տեսակը , առանձնացնել որոշիչ –որոշյալ կապակցությունները , դրանցով կազմել ինքնուրույն նախադասություններ:

5/ Որոշել գալարվում է բայի սեռը:

6/ Առանձնացնել վերաբերականները ,որոշել դրանց տեսակը , բացատրել ,թե ինչ են արտահայտում :

Առաջադրանք 2

1/ ««Լռություն կա Կաքավաբերդի ավերակներում...»» հատվածը համեմատել Րաֆֆու ««Սամվել »» վեպի ««Արաքսի որոգայթները»» գլխի համապատասխան հատվածի հետ: թե տրված հատվածի որոշիչներն ինչ խոսքի մասերով են արտահայտված :

2/Նշել , թե տրված հատվածի որոշիչներն ինչ խոսքի մասերով են արտահայտված :

3/Դուրս գրել տրված հատվածի բայերը , որոշել դրանց բոլոր հատկանիշները :

4/Կազմել փոքրիկ կապակցված խոսք ՝««Հրազդանի կիրճում»» վերնագրով /Բասուտա գետի նմանությամբ/: