Просмотр содержимого документа
«11-րդ դասարան թեմատիկ գրավոր աշխատանք ա. բակունց»
11-ՐԴ ԴԱՍԱՐԱՆ
ԹԵՄԱՏԻԿ ԳՐԱՎՈՐ ԱՇԽԱՏԱՆՔ
Ա. ԲԱԿՈՒՆՑ «« ԽՈՆԱՐՀ ԱՂՋԻԿԸ »» ՊԱՏՄՎԱԾՔԸ
ԱՌԱՋԱԴՐԱՆՔ 1
Ձյունի վրա , կտուրների կարասների վրա շողում էր ձմեռվա նարնջագույն արևը...Քնի ու երազի սահմանում օրորվում էր գիշերվա անիրական աշխարհը: Լուսնյակի տակ ձյունը շափաղ էր տալիս , ասես սպիտակ մարմար էր , որի մեջ արտացոլվում էին ծառերի սև բները:
Մի տան պատուհանից ճրագի սպիտակ լույս էր երևում , կարծես այդ մթին ստվերների մեջ մոլորվել էր մի մանրիկ աստղ :
1/ Գործածելով ընդգծված բառակապակցություններն ու արտահայտությունները ՝կազմել փոքրիկ կապակցված տեքստ՝««Ձմռան պարզ, լուսածածան հրաշալի գիշեր »» վերնագրով /ցանկալի է և մանրապատումը/:
2/Որոշել մոլորվել էր , օրորվում էր բայերի սեռը:
3/Առանձնացնել կապերը կապվող բառի հետ և որոշել նրանց պաշտոնը տրված նախադասություններում:
ԱՌԱՋԱԴՐԱՆՔ 2
Քարերն էլ էին շնչում գարնան բույրը:
Անտառի հազարավոր լորենիների հոտը գիշեր – ցերեկ գյուղի վրա էր:
Գարնանը ուռել և հոսել էին խնձորենու բողբոջները :
Հարկավոր էր մի շաբաթ տաք եղանակ , որպեսզի բացվեին խնձորենու ծաղիկների կարմիր թերթերը և ձորակները բուրեին:
...Հեռվից ծաղկած ծառերի սպիտակ ճյուղերը երևում էին ձյունով ծածկված ,ասես գարունը ձյուն էր թափել ծառերի վրա , գունավոր ու հոտավետ փաթիլներով ձյուն :
... Գարնան ջինջ երկնքի վրայով սահում էր մի սպիտակ ամպ , ասես արար աշխարհին հպարտությանբ ցույց էր տալիս ,որ անհաս բարձունքում լողանում է արևի շողերի մեջ:
Առանձնացված արտահայտություննեը ինչ կապ ունեն պատմվածքի հերոսների բնութագրի , նկարագրի հետ/ խոնարհ –խնձորենի...., ուսուցիչ, սպիտակ ամպ.../
2/Բացատրել ասես վերաբերականի նշանակությունը:
3/Առանձնացնել հատվածի բառակապակցությունները , որոշել տեսակը , ընդգծել գերադաս անդամը :
4/Կազմել փոքրիկ կապակցված տեքստ «« Այն անմոռաց գարնանը»» վերնագրով ՝ գործածելով ընդգծված արտահայտությունները և բառակապակցությունները:
5/Դուրս գրել որոշիչները ,գտնել ,թե ինչ խոսքի մասերով են դրանք արտահայտված: